لن اعود

اسيقظت عاليه من نومها لتبدأ يومها الشاق دخلت لتغتسل وصلت صلاة الفجر و ذهبت لايقاظ طفلاها الحبيبان انس ومالك واعدت لهما طعام الافطار ثم طلبت منهما غسل اسنانهما بالفرشاة و جهزت لكل منهما ملابسه حتى يرتديها استعدادا للذهاب للمدرسه وبالفعل الساعه السابعه والنصف صباحا كانت عاليه تنزل السلالم مصطحبه طفليها لتوصلهم الى المدرسه بسيارتها و ودعتهم بالقبلات .



عادت عاليه لمنزلها وقامت بتحضير الفطور لزوجها سيف وقامت بايقاظه بهدوء:
عاليه:سيف.. سيف
سيف بعصبيه:اييييييه في اييييييييه يا عاليه؟؟؟؟؟؟؟
عاليه بهدوء:يلا عشان الفطار جاهز
سيف:يييييييه كل يوم نفس الكلام ... صحيني كمان ساعه مفهوم؟
عاليه بهدوء:حاضر
خرجت عاليه من الغرفة و أغلقت الباب وذهبت لطاولة الطعام واعادته الى البراد و احضرت قلم و دفتر وجلست لتكتب خطاب لزوجها...........

سيف:

انا قررت اخرج ... اخرج من حياتك نهائيا ... طبعا انت مستغرب ازاي اكتب كلام زي ده وخصوصا اني زي ما انت بتقول عني دايما هاديه و ست بيت ممتازه و زوجه مطيعه ويمكن يكون معاك حق تستغرب عشان انا فجاه لقيت نفسي مش قادره اكمل معاك ... لأ مش مش قادره ده انا مش عايزه اكمل حياتي مع انسان زيك, هتسال نفسك ايه الكلام اللي بتقوليه ده هقولك ان انت دايما لما كنت اعترض على اي تصرف منك كنت تفضل تقولي انتي بتاكلي كويس وتلبسي كويس وتخرجي معايا وولادك في مدرسه كويس يبقى ايه اللي ناقصك؟؟؟؟؟؟؟؟؟؟؟؟؟
انا هقولك ايه اللي ناقصني يا سيف .. ناقصني انك تهتم بيا وبمشاعري متكلمش زميلاتك فالشغل وتقولي عادي متهزرش مع بنات خالتك وتقولي عادي ناقصني اني احس بكياني وارجع اشتغل لكن انت من يوم خطوبتنا قررت اني اسيب شغلي اللي كنت بحبه عشان اهتم بيك وبالبيت و ده خلاني ابطل افكر او اشغل تفكيري في حاجه غير شغل البيت والولاد وكمان كل ما اطلب حاجه لنفسي تقولي ده حاجه تافهه او مش وقته مع انك كل يومين تشتري لنفسك لبس وكريمات وحاجات كتير.. و حتى لما اطلب حاجه للولاد بتجيبهالي بصعوبه و حتى مصروف البيت انت اللي ماسكه.

و ناقصني انك تقعد معايا فالبيت مش كل يوم بعد ما تتغدى تنام شويه وتنزل عالقهوه تقابل اصحابك بحجة انك تعبان طول اليوم فالشغل وطبعا لازم يوم الخميس ترجع البيت بعد الفجر بحجة انك تاني يوم اجازه ويوم الجمعه تفضل نايم لغاية الصلاه وبعدين تقولي البسي عشان نقضي اليوم عند مامتي ونروح هناك افضل واقفه فالمطبخ من ساعة ما اوصل لغاية ما نروح بالليل وهناك برده بتسيبني لوحدي وتروح القهوه مع اخوك وحتى لما بنروح نصيف في الاجازه بنروح مع اهلك وبفضل طول الوقت لابسه الحجاب وقاعده مع الستات و برغم ان كلهم ممكن يتمشوا مع زوجاتهم الا انك دايما تكسفني وتقولي هنسيب العيال ازاي....العيال اللي انت اصلا متعرفش عنهم حاجه ولا حتى فاكر اعياد ميلادهم... الا صحيح يا سيف انا عيد ميلادي يوم ايه؟؟؟؟؟؟؟؟ طبعا مش فاكر , طيب اتجوزنا يوم ايه؟

و حتى اهلي مش بتهتم بيهم ولما بزورهم مش بتروح معايا غير ممكن مره كل كام شهر وتفضل مدايق وعايز تمشي , اوعى تكون فاكر ان سكوتي السنين اللي فاتت ضعف مني ده كان صبر عى امل انك تتغير وتحس بيا .. تحس انك متجوز انسانه ليها مشاعر واحاسيس وليها احتياجات تانيه .......
طبعا انت شايف انك زي ما بتقول دايما زوج مثالي ومفيش منك اتنين وكل ده عشان مش بتشتمني ولا بتضربني ودايما بتحكي عن اصحابك وبيعاملوا زوجاتهم ازاي...طيب و مين قالك ان كل الازواج بيهينوا زوجاتهم وتفتكر اللي بيضرب مراته يستحق انه يكون راجل اصلا او اللي يهين مراته ده راجل قوي بالعكس ده انسان ضعيف , للأسف كل يوم بيعدي عليه وانا جنبك بكتشف عيوب فيك كتير زي انك بتهتم بنفسك وانت رايح الشغل بس انما فالبيت مش بتغسل حتى ايديك لما بترجع من بره ولا بتغسل سنانك ومش بتقعد معايا ولا بتلمسني غير لما تكون عايزني في السرير... افتكر كده عمرك حضنتي عشان واحشاك؟ عمرك نمت على رجلي عشان تحس بحناني؟ عمرك طبطبت عليه وانا زعلانه ؟ عمرك فكرت تصالحني لما نكون متخاصمين؟ كل الاجابات لااااااااااااااااااااااااا


افتكر كام مره قلتلك محتاجالك؟ كام مره حاولت اعمل عشا رومانسي وانت تفضل تتريق عليه وتقول عليه تافهه؟ كام مره آجي امسك ايديك و احنا فالشارع تقولي بطلي تمثيل؟ كام مره جبت تورته عشان عيد ميلادك وقعدت استناك انا والولاد وانت متجيش غير متأخر؟ كام مره بنام جنبك وانا محتاجالك كزوجه و انت تقولي انك تعبان؟ ولما اكون مدايقه او تعبانه عمري ما رفضت طلبك ليا........
لسه جوايا حاجات كتير اقولهالك بس مش قادره اكتب اكتر من كده وعشان اكون صريحه معاك انا روحت دار الافتاء وسالت الشيخ عن تصرفاتك معايا و ظلمك ليا فقالي اني من حقي اطلب الطلاق
يمكن بتسأل نفسك ليه قررت اسيبك دلوقتي بالذات؟؟؟؟
انا هقولك السبب انا الكام سنه اللي فاتوا كنت بشتغل عن طريق النت في مجال تخصصي وكنت بقبض مبلغ كبير فضلت احوشه و اشتريت شقه صغيره و قررت اروح اعيش فيها مع الولاد لوحدي
هتقول جواك وريني يا عاليه ازاي هتعيشي لوحدك ومين اللي هيسمحلك؟؟؟؟؟؟؟
هقولك اني قررت ارفع قضية خلع و صدقني هكسبها .. وبالمناسبه انا هردلك المهر اللي دفعته لابويا فاكر كان كام هههههههههه جنيه واحد... متتخضش يا سيف انا بقالي كذا سنه بحضر لليوم ده واديتك فرص كتير عشان تتغير بس انت دايما كنت شايف نفسك صح واني مليش حق اشتكي او ازعل او اطلب بس خلااااااااااااااااااااااااااص انا هسيبك واطمن عمري ابدا ما هفكر اتجوز تاني عشان انت كرهتني فالجواز وفكل الرجاله و انت بقى انا بدعي كل يوم تتجوز واحده تانيه بس تكون عكسي في كل حاجه شكلا وشخصيه ومعامله لاهلك و معامله معاك وهفضل ادعي كده في كل سجده اسجدها عشان اشوف ربنا هيحاسبك ازاي فالدنيا عاللي انت عملته فيه وشخصيتي اللي حاولت طول تالسنين اللي فاتت انك تمحيها وتخليني انسانه مبتفكرش وملهاش طموح او احلام بس ربنا كرمني وخلاص انا هتعين في الشركه ومش هتصدق هبقى رئيسة فرع تخيل !!!!!!!! عاليه الهاديه العاقله اللي عمرها ما ردت عليك او رفعت صوتها بقى ليها كيان من غيرك... و معاها فلوس كتير من غيرك... وعندها شقه من غيرك... وهتربي ولادها من غيرك... وهتعيش حياتها من غيرك.

انا عارفه انك هتتصدم من كلامي بس انا تعبت معاااااااااااااااااااااك تعبت اوي و ياريت تتقبل قراري بهدوء ومتحاولش تصلح اللي بينا عشان انت كسرت كل حاجه بينا فعلا وعشان اكون قولت كل اللي جوايا( حسبي الله ونعم الوكيل ) ويا رب يهديك و تعرف غلطك معايا عشان متكرروش مع زوجه تانيه تعذبها معاك.

عاليه

و ضعت عاليه الخطاب فوق طاولة الطعام وغطته بشرشف رقيق ودخلت غرفة الاولاد وحملت حقيبتين واتجهت الى الباب وفتحته ثم القت نظره اخيره الى هذا المنزل الذي عاشت به اسوأ أيام حياتها وخرجت واغلقت الباب و هي تتنفس لأول مره هواءا نقيا فشعرت انها كالعصفوره التي هربت من قفصها للسماء الواسعه وحلقت بعيدااااا و هي تشعر بالسعاده لاول مره منذ سنوات.



استيقظ سيف و نظر في ساعته و وجد انه تأخر كثيرا على موعد عمله فقال بصوت عالي وبلهجه غامضه:
سيف:عاليه.. عاليه انتي فين يا ست هانم؟؟ طبعا قاعده النت و الله لأشيل النت ده عشان تاخدي
بالك من البيت , انا اتأخرت يا ست هانم.. عاليه .. عاليه
بحث سيف عن زوجته لكنه لم يجدها في انحاء المنزل ففكر ايعقل ان تكون خرجت دون ات تستأذنه؟
لا لا عاليه لا تعصيه ابدا فهو من علمها كل شيء وهي كالخاتم في اصبعه..... لكن اين هي؟؟؟؟
نظر الى طاولة الطعام فوجدها مغطاه بشرشف فرفعه حتى يتناول افطاره لكنه لم يجد طعاما بل وجد خطابا بخط زوجته عاليه فجلس يقرأه مخاطبا نفسه:
سيف:ييييييييييه تلاقيها كاتبالي جواب غرامي من بتوعها
وشرع سيف يقرأ الخطاب فجلس من هول الصدمه من كلام زوجته ايعقل ان تكون عاليه هي من كتبت هذا الكلام؟ لا .. عاليه لا تفكر .. ولا تخطط.. ولا تستطيع الحياه بدونه............
ربما احدهم كتب هذا الخطاب لها؟ لكن هذا خط عاليه لكن ما الذي حل بها حتى تكتب كلام بهذه القسوه فقد عهدها دائما هادئه و رومانسيه ...؟ أيعقل ان يكون كل هذا الحزن رواء تلك الزوجه المطيعه ؟ لا هذا ليس حزنا انه غضب .. نعم غضب امرأه ...امرأه تسبب في ايذائها دون ان يشعر وكل ما كتبته كان صحيحا .... لكنه لم يكن يقصد ان يؤذيها او يجرحها ابدا انه يحبها...... يحبها؟؟؟؟؟ شعر سيف لأول مره انه بالفعل يحب زوجته وام اولاده لكنه كان دائما يشعر انها ملكا له لا ترى.. سوى ما يراه ولا تشعر.. الا بما يريدها ان تشعر به ولا تفكر.. فقد كان يفكر عنها............
ما الذي فعله هل فقد زوجته الى الابد هل ستتركه عاليه ولن تعود اليه؟ هل لم تعد بحاجه اليه؟


جلس سيف واضعا يديه على رأسه يشعر انه يحلم .. ليس حلما بل كابووووووووووس بشع.



انتظرت عاليه طفلاها امام باب المدرسه واصطحبتهما الى شقتها ... ياااااااااا الهي كم هو جميل ذلك الاحساس بالاستقلال والحريه... فتحت عاليه الباب ودخلت مع طفليها اللذان ركضا في انحاء الشقه يشاهدان كل ركن بها ولكن توقفا فجأه ونظرا اليها ببراءه:
الطفلان:فين بابا؟؟؟؟؟
عاليه بهدوء:بابا مش هيعيش معانا هنا بس هيشوفكم كل كام يوم
انس:يعني هو مسافر؟
عاليه:لأ, ويلا بقى عشان هنطلب بيتزا وبالليل هنروح السوبر ماركت نشتي كل اللي نفسكوا فيه
الطفلان:هيييييييييه هيييييييييييه



بعد ان نام الطفلان في المساء اعدت عاليه لنفسها فنجانا من القهوه وجلست في الشرفه واخذت ترشف القهوه وتتلذذ بها و بدأت تفكر ماذا ستفعل في اول يوم عمل لها بالشركه؟؟؟؟؟؟؟؟؟؟
و ابتسمت بسعاده دون ان تشعر وهي تفكر:
عاليه:يا ترى عامل ايه لوحد يا سيف؟