الثلاثاء، 24 أبريل 2012

آنسة كومبيوتر

 

 

الحلقة الثامنة
فضلت عبير وايمان وصفاء قاعدين في النادي واحمد استأذن ومشي وبعد شويه جه عمر عندهم وقال:
عمر:عبير ممكن كلمه لو سمحتي
عبير:خير؟
عمر:مش هعطلك كتير
ايمان وصفاء بصوا لبعض وقاموا و سابوهم لوحدهم :
عبير:اتفضل يا عمر اتكلم
عمر:انا عايز اعتذرلك عاللي حصل مني في العيد ميلاد
عبير:انا نسيت الموضوع ده خلاص
عمر:يعني تقبلي صداقتي
عبير:احنا كلنا في نفس النادي
عمر:بس انا عايز اتعرف عليكي اكتر
عبير وهي مش مصدقاه:بجد!!!!!!!!!!!
عمر:ارجوكي يا عبير انا مش وحش اوي زي ما انتي فاكره
عبير حست انه مش بيكدب:طيب خلاص يا عمر
عمر و هو فرحان:يعني ممكن اتكلم معاكي عادي
عبير بابتسامه صافيه:اوكيه


من بعيد كانت منه بتدور على عمر اللي متصلش بيها انهارده ولا مره فلقيته قاعد مع بنت في ترابيزه لوحدهم فقربت عشان تشوفه بيعمل ايه مع الوجه الجديد ده:
منه بصوت عالي:عمر
عمر اتخض:ايه يا منه خضيتيني
منه:بتعمل ايه عندك؟
عمر بملل:قاعد
منه:مش تعرفني على صاحبتك
عبير:ازيك يا منه؟
منه:ايه ده انتي تعرفيني؟
عبير:معقوله شكلي اتغير اوي كده؟
منه:هو انتي ... مش ممكن ... ايه التغيير المفاجئ ده؟؟؟؟؟؟
عبير وقفت ادام منه وقالتلها:ايه رأيك في النيولوك بتاعي ؟
منه بغيظ:مش بطال بس برده هتفضلي آنسه كومبيوتر, ولا ايه يا عمر؟
عمر:مفيش داعي للكلام ده يا منه
منه وهي مش مصدقه ان عمر بيدافع عن عبير: يعني ايه؟
عمر:يعني اتفضلي امشي معايا
منه:مش همشي غير لما اعرف كنت بتتكلم معاها في ايه
عمر وهو ماسك اعصابه بالعافيه :يلا يا منه
منه:ماشي .. يا عمر.. ماشي

ومشيت منه مع عمر وهما بيتخانقوا وعبير عماله تبصلهم وهي مستغربه ازاي اي بنت تسمح لولد يكلمها بالاسلوب ده بحجة انه صاحبها .......................


احمد كان قاعد على مكتبه في الشغل وقربنه منه ساره:
ساره:عامل ايه يا احمد؟
احمد:الحمد لله
ساره:بقولك ايه
احمد:قولي يا ساره
ساره:انت مبتفكرش في الجواز؟
احمد:جواز؟؟؟؟؟ انتي جايبالي عروسه ولا ايه؟
ساره:انت بس انوي وانا اجيبلك عروسه زي القمر
احمد:حاضر يا ساره لما افكر في الجواز هقولك
ساره:و لا.....يمكن تكون مرتبط؟؟؟؟؟
احمد:انا مش بقتنع بالارتباط خالص
ساره:ايه ده انت عمرك ما ارتبط قبل كده؟
احمد:لا طبعا
ساره:مش معقول شاب زيك محبش قبل كده؟
احمد:لسه ملقتش البنت اللي بحلم بيها
ساره:طيب عن اذنك بقى ونكمل كلامنا بعدين
احمد:اتفضلي

و مشيت ساره وهي طايره من الفرح ان احمد مش مرتبط و ان مفيش واحده في حياته وقررت تقربه ليها بأي طريقه عشان يحبها.................


فاتت اول سنه في الكليه وعبير نجحت وجابت تقدير جيد جدا ومامتها وباباها فرحوا واشترولها عربيه هديه وفضلت علاقة عبير واحمد صداقه جميله و ابتدت اجازة آخر السنه وبقت عبير بتروح النادي كل يوم هي وصاحباتها و كان في انسان بيستناها تيجي النادي عشان يتقرب ليها............




ليست هناك تعليقات:

إرسال تعليق