بعد الفرح

 

 

الحلقة الثالثة

 

 

وفضلوا الحماتين قاعدين معاهم كل واحده مستنيه التانيه تروح الاول وحسام ومي عمالين يبصوا لبعض وبعد شويه حسام قال :
حسام:حضري الغدا يا مي عشان نتغدى سوا كلنا
مي:حاضر
ام مي:استني يا حبيبتي انا جايبه معايا الغدا يلا نسخنه سوا
وقامت مي ومامتها عالمطبخ وسابوا حسام ومامته في الانتريه..........................................
دخلت مي المطبخ فأول ما دخلت مامتها سألتها:
ام مي:ها خلصتي؟
مي:خلصت ايه يا ماما؟
ام مي:خلصتي الموضوع؟
مي وشها احمر:الحمد لله
ام مي:مبروك يا حبيبتي خلي بالك من نفسك ومن جوزك
مي:حاضر يا ماما
ام مي:يلا نسخن الغدا لحسن حماتك مبيعجبهاش العجب
وابتدوا يسخنوا الحمام والفراخ والمحاشي (مش غدا الصباحيه )
بصت مامت حسام ناحية الباب وقالت بصوت واطي:
ام حسام:عامل ايه يا حبيبي؟
حسام:انا كويس يا ماما
ام حسام:حماتك هنا من امتى؟
حسام:قبليكي بعشر دقايق
ام حسام:يا ساتر عليها ده جت بدري اوي
حسام:معلش يا ماما تلاقيها جايه تطمن على بنتها
ام حسام:كان ممكن تستنى بالليل حاجه غريبه , المهم طمني خلصت
حسام:الحمد لله
ام حسام:اوعى تكون عروستك تاعباك ولا حاجه؟
حسام :اطمني يا ماما (ده كانت هتاكلني بس ربنا ستر)
وجت مي تقول :
مي:اتفضلوا الغدا جاهز وقعدوا كلهم على السفره سوا:
ام حسام:انا عايزاك تاكل كويس عشان تتغذى
حسام:حاضر يا ماما
ابتدت مي تحط اكل لحسام في طبقه فمامته قالت:
ام حسام:عنك يا حبيبتي انا هحطله اصلي عارفه اكلته
مي( يا سلام ما انا كمان عارفه اكلته )
مي:طبعا يا طنط ده حضرتك الخير والبركه
ام مي:كلي يا حبيبتي انتي بتحبي الحمام
مي:حاضر يا ماما
وفضلوا على كده لغاية ما قاموا يغسلوا ايديهم ودخلت ام مي تغسل المواعين وام حسام دخلت الحمام فحسام قال بصوت واطي:
حسام:وحشتيني
مي:وانت كمان
حسام:هما مش هيمشوا ولا ناويين يباتوا؟
مي: وطي صوتك لياكلوك هما الاتنين
حسام:بقالهم اربع ساعات قاعدين معانا
مي:معلش شويه وهيمشوا
ام حسام:اعمليلنا الشاي يا مي
مي:حاضر يا طنط
حسام:ده لسه هتشرب الشاي
مي ضحكت ودخلت المطبخ وعملت الشاي وخرجت تقدمه في الانتريه لقيت حماتها مش موجوده فراحت تدور عليها في الصالون ملقتهاش ....................

تفتكروا لقيتها فين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟