آنسة كومبيوتر
الحلقة الحادية عشر
بعد ما تخان احمد مع عمر عبير روحت البيت وفضلت تعيط في اوضتها اما احمد وعمر كل واحد راح يقعد مع اصحابه عشان يهدى وبالليل عمر قرب من احمد وقاله:
عمر:احمد ممكن نتكلم؟
احمد:عايز ايه؟
عمر:من فضلك يا احمد
احمد قال بهدوء:اتفضل
عمر:اولا انا آسف على اللي حصل
احمد:انا اللي آسف
عمر:احمد انا عايز اسألك سؤال
احمد:اتفضل
عمر:انت بتحب عبير؟
احمد سكت و كأن السؤال ده بيتردد جواه من فتره طويله..... معقول ؟ معقول اكون.... بحبها!!!!!
عمر:احمد.. انت مبتردش عليه ليه؟
احمد:في ايه؟
عمر:بقولك انت بتحب عبير؟
احمد:ايه اللي بتقوله ده ؟ عبير ده زي اختي
عمر بصله وقاله: متأكد؟؟؟؟؟؟
احمد بعصبيه:ايه تحب احلفلك
عمر وهو بيبتسم:لا لا خلاص مصدقك
احمد:بتسأل ليه؟
عمر:اصلي انا معجب بيها جدا
احمد:معجب!!!!!!!
عمر:و حاسس اني ابتديت احبها
احمد بتريقه:ايه عايز تصاحبها ولا ايه؟
عمر سكت شويه وقال:...................انا عايز اخطبها
احمد فضل ساكت مش عارف يقول ايه وحس ان عمر بيتكلم جد وانه عايز يخطب عبير .......
وقعد يتكلم مع نفسه طيب وماله عمر ابن ناس ومحترم و كمان شكله بيحبها.. طيب وانا ؟ انا زعلان ليه؟؟؟؟؟؟؟؟؟
عبير فضلت قاعده فالبيت ومرضيتش تروح النادي لغاية ما يوم موبايلها رن فردت:
عبير:الو
عمر:ازيك يا عبير؟
عبير:كويسه
عمر:عبير انا آسف على اللي حصل بس يا ريت تديني فرصه اشرحلك
عبير:مش عايزه اسمع حاجه
عمر:ارجوكي يا عبير محتاج اتكلم معاكي
عبير:طيب انت فين؟
عمر:انا في النادي, انزلي عشر دقايق
عبير:طيب
ونزلت عبير لابسه جينز كحلي وتيشيرت بينك عليه رسمه بتلمع وعليه شوز بينك و اول ما وصلت عند البوابه لقيت عمر مستنيها:
عمر:عبير
عبير:ازيك يا عمر
عمر:انا كويس يلا بينا نقعد شويه
عبير:ها عايز تقول ايه؟
عمر سكت :انا .. انا بحبك با عبير
عبير:بتحبني؟
عمر:بجد ومش بلعب عليكي
عبير:بتحب آنسه كومبيوتر!!!!!!!!
عمر وهو بيضحك:بحبك حتى لو بقيتي الآنسه حنفي
وسكتت عبير وهي حاسه انها فرحانه ان في واحد بيحبها بس مكنتش حاسه انها بتحبه خااااااااااااااالص...................
ليست هناك تعليقات:
إرسال تعليق