آنسة كومبيوتر

 

 

الحلقة السابعة

فات التيرم الاول كله و عبير مكنتش بتروح النادي خالص كانت بتروح الكليه تحضر وتمشي علطول وكانت بتنفذ اللي اتفقت عليه مع احمد و مفيش حد يعرف غير صفاء وايمان وبعد امتحانات التيرم الاول وفأول يوم من اجازة نص السنه كان النادي زحمه خالص وكان عمر وشلته قاعدين في ترابيزه قريبه من بوابة النادي و فجأة لقيوا احمد داخل مع بنت زي القمر واستايل موووووووووووووووت
فعمر سأل محمد:
عمر:مين الوجه الجديد ده اللي مع احمد صبحي؟
محمد:لا معرفهاش اول مره اشوفها
عمر:طيب لما اقوم اتعرف اهو تغير لحسن انا زهقت من البت منه ده خالص
و راح عمر عند احمد والبنت اللي معاه لقيها لابسه جينز كحلي ضيق وعليه قميص قصير ابيض وشعرها ناعم وكاريه ولابسه نظاره شمس بيضا عريضه ولابسه كوتشي ابيض رقيق وميكك اب هادي وكانت بتضحك احلى ضحكه شافها في حياته عمر قال لاحمد:
عمر:ازيك يا احمد ايه الاخبار؟
احمد و هو ماسك نفسه عشان ميضحكش:تمام انت اخبارك ايه؟
عمر:تمام, مش تعرفنا عالجمال اللي معاك ده
احمد:اوي اوي اقدملك عبير
عمر:ايه الاسم الرقيق ده
عبير قلعت النظاره وقالتله:ازيك يا عمر
عمر اتخض ورجع لورا خطوه وقالها:مش معقوله عبير عادل!!!!!!
عبير:ايوه ....آنسه كومبيوتر
عمر وهو محرج:انتي لسه فاكره انا كنت بهزر معاكي
عبير:لا طبعا انا نسيت الحكايه ده خالص
عمر:طب ما تيجوا تقعدوا معانا شويه
احمد:لا احنا رايحين نتغدى مع ايمان وصفاء
عمر و وشه احمر من الاحراج:طيب عن اذنكوا
ومشيت عبير مع احمد وهي ميته من الضحك:
عبير:شفت شكله عامل ازاي ؟ هههههههه
احمد:يا سلام وبقينا بنعرف نتريق اهوه
عبير بصت لاحمد وقالتله:مش عارفه اشكرك ازاي؟
احمد اتكسف:متقوليش كده
عبير:انا عمري ما هنسى اللي انت علمتهولي الفتره اللي فاتت
احمد بهزار:عشان بس تعرفي قيمتي في حياتك
عبير:بس انت ازاي اتعلمت كل الحاجات ده عن البنات
احمد:بصي يا ستي كانت ليه صديقه في دبي كانت من فرنسا وكان كل كلامه معايا عن ازاي البنت لازم تهتم بنفسها وطبعا اتعلمت منها الحاجات ده
عبير:بس النتيجه هايله وخصوصا اني بقيت بلعب رياضه كل يوم وبهتم بلبسي وفنفس الوقت بذاكر
احمد:فاكره لما روحنا المول نشتريلك لبس جديد مع صفاء وايمان
عبير وشها احمر:ما خلاص بقى انت مش عايز تنسى ليه
احمد وهو بيضحك:اصلك كنتي فظيعه ومصره تختاري من الهدوم اللي بتكبرك
عبير:خلاص يا استايلست اعترف انك السبب اني بقيت شيك بسببك
احمد:لا يا عبير انت طول عمرك بتلبسي حاجات كويسه بس مكنتش مناسبه لسنك
عبير:بس لغاية دلوقتي نفسي اعرف ليه الناس بتحكم على بعض من بره مش من جوه
احمد:بصي انا عارف ان الحكم على الناس لازم يعتمد عل شخصيتهم مش بس شكلهم لكن للأسف الناس في الزمن ده بتكون رأيها من طريقة لبس اللي ادامها
عبير:بس انا عمري ما هغير شخصيتي ابدا
احمد:ايوه كده يا عبير اكتر حاجه بتميزك بجد هي شخصيتك
ضحكت عبير ضحكه رقيقه فاحمد بصلها وقالها:تعرفي ان ضحكتك حلوه اوي؟
عبير:ده و انا حاطه التقويم ولا بعد ما شلته؟
احمد:في الحالتين على فكره

قربوا على ترابيزة ايمان وصفاء وقعدت عبير تحكيلهم عن عمر واللي عمله لما شافها:
صفاء:تراهني بقى ان عمر هيفضل لازقلك كل ما تيجي النادي؟
عبير:ايه ده ؟ لأ طبعا
ايمان:نفسي بقى اشوف منه لما تقابلك بعد التغيير هتعمل ايه؟
عبير:ايوه انا كمان نفسي اشوفها اوي..........................