بعد الفرح

 

الحلقة العشرون

 

 

رجع حسام البيت متأخر عن معاد كل يوم ودخل لقي مي لابسه قميص نوم جميل ومستنياه فكان لسه زعلان فدخل اوضة النوم يغير هدومه ومي دخلت وراه:
مي:مش هتسلم عليه؟
حسام:عامله ايه؟
مي:كويسه
حسام:آدم نام؟
مي:آه بقاله شويه
حسام:طيب
مي:انا هحضر العشا
حسام:هدخل الحمام الاول
وخرج حسام من الحمام وقعد على السفره وكانت مي عامله جو رومانسي وشموع وورد فقالها:
حسام:ايه مناسبة ده كله؟
مي:عشان انا زعلتك امبارح فبصالحك
حسام:يا مي انا عارف انك زهقانه بس انا غصب عني وانا فكرت لقيت ان ممكن يوم الخميس نخرج سوا بالليل وممكن نسيب آدم عند مامتي او مامتك
مي:فكره حلوه بس خليها كل اسبوعين او تلاته عشان انت بتكون تعبان طول الاسبوع
حسام:مش عايز اشوفك زعلانه تاني
مي:انا قررت اشغل وقت فراغي بكذا حاجه
حسام:زي ايه؟
مي:ممكن ازور ماما او صاحباتي يزوروني وممكن اشتري كتب وكده يعني
حسام:يا ريت يا مي عشان متزهقيش لوحدك
مي:يلا بقى دوق الاكل وقولي رايك ايه
حسام:اكيد حلو زيك
وبعد العشا شغلت مي موسيقى هاديه ورقصت هي وحسام وبعد كده شالها ودخل بيها اوضة النوم وقبل ما يحطها عالسرير صحي آدم وابتدى يعيط بصوت عالي
حسام:سيبيه يعيط
مي:حرام ده اكيد جعان
حسام:هينام تاني
وآدم زود نغمة عياطه فمي قامت وسابت حسام لوحده وراحت لآدم
حسامطيب يا آدم بس لما تكبر شويه هوريك)
ونام حسام من كتر التعب ومي دخلت الاوضه بعد ساعتين لقيت حسام نام وبيشخر فنامت جنبه واول وا حس بيها حضنها جامد و.............................

وابتدت مي تحاول تشغل وقتها وصاحباتها بقوا يجوا يزوروها علطول يقعدوا معاها وبقت بتروح عند مامتها كتير الصبح او عند حماتها بس حسام ابتدى يحس ان مي بتخرج كتير وحس انها ابتدت تقصر في شغل البيت وكمان لبسها بقى مختلف فبقت تلبس بنطالونات ضيقه وبلوزات قصيره شويه وبتحط ميك اب وهي خارجه و فنفس الوقت بطلت تساله اتأخرت ليه؟ وبقت مشغوله عنه خالص.............................................. ........................................
وفي يوم حسام قالها:
حسام:بقولك يا مي متخرجيش انهارده
مي:ليه ؟ انا اتفقت مع رنا صاحبتي اننا هنخرج شويه
حسام:انتي بتخرجي كتير اوي
مي:طب ما انا طول اليوم لوحدي
حسام:خلاص اصحابك يجوا يقعدوا معاكي في البيت
مي:وبعدين يا حسام انت كل شويه هتطلعلي بحكايه
حسام:ايه طريقة الكلام ده؟
مي:مش معقوله بعد ما بقى وقتي مشغول شويه عايزني ارجع اقعد لوحدي في البيت
حسام:خروجك كتير كده غلط وكمان لبسك مش عاجبني
مي:وماله لبسي بقى ؟ ما هو ده لبسي طول عمري
حسام:بس جسمك شكله اتغير وبقيت مدام مش آنسه
مي:يعني ايه؟
حسام:يعني هتغيري طريقة لبسك ده خالص والخروج هيكون مره في الاسبوع بس
مي:لا طبعا مش موافقه
حسام:انا قلت وخلاص
ونزل حسام ونزل الشغل ومي قعدت تعيط عشان حست ان حسام عايز يتحكم فيها وخلاص............................................. ..........