بعد الفرح

 

الحلقة الثالثة عشر

 

ابتدت مي وحسام اسبوع جديد واتفقوا ان حسام يساعدها في البيت وينزل القهوه يوم الخميس بس والاسبوع عدى على خير لغاية ما يوم الخميس مي تعبت خالص بعد ما نظفت الشقه وفضلت ترجع وحسام خاف عليها اوي وقالها تدخل تنام عالسرير لحد ما يروح يجيب دكتور ونزل حسام جاب دكتور وبعد ما كشف على مي قالها:
الدكتور:الف مبروك
حسام:خير يا دكتور؟
الدكتور:المدام حامل
حسام:بجد يا دكتور
الدكتور:مبروك , انت لازم ترتاحي اول تلات شهور ومتجهديش نفسك
مي:حاضر يا دكتور , بس ممكن اروح شغلي؟
الدكتور:اه ممكن بس مترهقيش نفسك وعدي عليه بعد شهر اطمن عالبيبي
وراح حسام يوصل الدكتور ورجع باس مي في راسها وقالها:
حسام:مبروك يا حبيبتي الف مبروك
مي:الله يبارك فيكي, ها نفسك في ولد ولا بنت؟؟؟
حسام:كل اللي يجيببه ربنا كويس بس انتي تقومي بالسلامه
مي:متقلقش انا كويسه الحمد لله
حسام:بس انت هترتاحي خالص زي ما الدكتور قال
مي:ان شاء الله
حسام:انا هروح اعمل عشا خفيف وبعد كده عايزك تنامي وانا هكلم ماما افرحها وانتي كلمي مامتك عقبال ما آجيلك
مي :حاضر
اتصلت مي بمامتها وقالتلها الخبر الحلو ده ومامتها فرحت خالص ووصتها على نفسها وقالت لها انها هتعدي عليها بكره تطمن عليها
حسام كلم مامته وقالها و فرحت جدا وقالتله ياخد باله من مي.
يوم الجمعه فضل حسام قاعد مع مي في البيت ومامتها جت تطمن عليها وجابت معاها أكل عشان يكفي مي طول الاسبوع وهما في المطبخ مامتها قالتلها:
ام مي:ها يا حبيبتي عامله ايه؟
مي:كويسه الحمد لله
ام مي:خلي بالك من نفسك وريحي خالص عالاقل اول تلات شهور
مي:آه ما الدكتور قالنا كده
ام مي:بصي انا عملتلك اكل يكفيكي طول الاسبوع عشان متتعبيش من وقفة المطبخ
مي:ليه بس كده يا ماما انت بتتعبي نفسك اوي
ام مي:وانا عندي مين غيرك اتعبله بس انتي هاتيلي بيبي جميل وانا اتعبلكوا انتوا الاتنين
مي:ان شاء الله ادعيلي يا ماما
ام مي:ان شاء الله تقومي بالسلامه
حسام:مي انا هروح ازور ماما مش عايزه حاجه من تحت؟
مي:لا شكرا وسلملي على طنط وعمر
حسام:سلام عليكم يا طنط
ام مي:مع السلامه يا ابني
ونزل حسام وفضلت مي قاعده مع مامتها والساعه 7 مامتها نزلت وسابتها ودخلت مي تنام شويه وصحيت على صوت الموبايل بتاعها بيرن فردت:
مي:الو
مين حضرتك؟
تقصدي ايه بالكلام ده؟
الو الو؟؟؟؟؟؟؟؟؟
وقفلت مي الموبايل وهي مش مصدقه اللي سمعته معقوله يكون حسام راح يقابل واحده زي ما البنت قالتلها في التليفون؟؟؟؟؟؟؟؟؟؟؟؟؟؟؟؟؟
وفضلت مي صاحيه تفكر وهي مش عارفه تتصرف ازاي ؟ تسأل حسام ولا تستنى كام يوم لما تشوف تصرفاته؟
والساعه 10رجع حسام ودخل يطمن على مي فلقيها قاعده على الكرسي وبتبصله بطريقه غريبه فقالها:
حسام:مالك يا مي انتي تعبانه؟
مي:انا كويسه, انت كنت فين؟
حسام:ايه يا مي ؟كنت عند ماما ما انا قايلك
مي:متأكد؟؟
حسام:قصدك ايه يا مي ؟ مش فاهم ؟وفضلت مي باصاله وعينيها كلها دموع..............................................