بعد الفرح

 

 

الحلقة الثانية و العشرون

 

 

صحي حسام يوم الجمعه بدري ودخل المطبخ حضر فطار جميل لمي واول ما سمع صوت آدم راح خده من سريره وطلع بيه بره وفضل آدم يبصله ويضحك وحسام قعد يقوله:
حسام:عايزك انهارده تبقى مؤدب عشان اعرف اصالح ماما مش عياط عياط
آدم قعد يضحك
حسام:ربنا يهديك تاكل فول معانا؟
آدم فتح بقه عالآخر
حسام:مستعجل على ايه بكره هتزهق من أكل الفول يلا نروح نصحي ماما
ودخل حسام اوضة النوم حط آدم جنب مي وراح جاب صينية الفطار وقعد جنبها عالسرير وصحاها:
حسام:مي يلا يا حبيبتي اصحي احنا حضرنا الفطار
مي:انتوا صحيتوا امتى؟
حسام:من بدري
وآدم رمى نفسه على مي عشان فرحان انها صحيت ومي حضنته وبصت لصينية الفطار:
مي:ايه ده كله؟
حسام:انا قررت انهارده ادلعك عالآخر
مي:يا سلام
حسام:انتي بس سيبيلي نفسك وانا محضرلك برنامج جامد
مي:طيب
وبعد ما فطروا ومي لمت المطبخ لبسوا عشان ينفذوا برنامج حسام واول حاجه راحوا لمامت حسام سلموا عليها وشربوا شاي وبعد كده راحوا لمامت مي وسابولها
آدم ونزلوا ركبوا العربيه:
مي:ها هنروح فين؟
حسام:ده مفاجأه
مي:طيب على راحتك
حسام فضل سايق كتير ووقف بالعربيه قدام فندق الواحه وقالها:
حسام:انزلي يا حبيبتي
مي:هنعملى ايه هنا؟
حسام:تعالي بس
مي نزلت وهي مستغربه اللي بيحصل ودخلوا الفندق وحسام طلب الاوضه اللي باسمه وخد المفتاح وطلعوا اوضه جميله بتبص عالبيسين:
حسام:ايه رأيك بقى؟
مي:احنا هنقضي اليوم هنا
حسام:بصي يا ستي انا حجزت الاوضه يوم بس طبعا عشان آدم والرضاعه ممكن نروح اول ما مامتك تتصل تقول انه بيعيط
مي:مش عارفه اقولك ايه
وجريت عليه وحضنته جامد وهنو حضنها وقالها :
حسام:انا عاف اني كنت مقصر معاكي الفتره اللي فاتت بس كنت مضغوط من الشغل بس خلاص انا قررت ان يوم الجمعه هيكون ليكي انت و آدم
مي:بجد يا حبيبي؟
حسام:بجد طبعا ويلا بقى عشان انتي واحشاني موووووووووووت..................................... .............................
بعد ساعه قام حسام خد حمام وكان جايب معاه شنطه فيها شورت وتيشيرت ومايوه وكان جايب لمي المايوه الشرعي بتاعها وراحوا قعدوا عالبيسين ونزلوا الميه ومي كانت فرحانه كانت حاسه انها بتقضي شهر العسل بتاعها وبعد كده طلعوا الاوضه غيروا هدومهم وطلبوا الغدا عالبيسين وفضلوا يتكلموا في كل حاجه وكأنهم بقالهم سنه بعيد عن بعض وبعد كده مي اتصلت بمامتها تسال عن ىدم فمامتها قالتلها انه كل ونام وقالتلها متقلقيش عليه ومي اطمنت على آدم وكملت يومها مع حسام وبعد كده راحوا قعدوا يشربوا حاجه وحسام طلب شيشه وفضلوا يتكلموا ويضحكوا وحسام بص لمي حس انها فعلا كانت محتاجه تغير جو البيت وحس انه لازم يديها شوية وقت عشان متحسش بالوحده وقر انه كل يوم جمعه يعملوا حاجه جديده سوا...............................
رجعت مي عند مامتها وآدم اول ما شافها رفع ايديه وحضنها ومي باسته عشان كان اول مره يبعد عنها الوقت ده كله وروحوا مي وحسام و آدم رضع وخد حمام ونام حسام قالها :
حسام:تعالي نقف في البلكونه شويه
مي:انا فرحانه اوي انهارده يا حسام حاسه اننا قضينا شهر العسل بتاعنا
حسام:وانا كمان انتي كنتي واحشاني جدا
وسهروا يتكلموا وفي الآخرناموا وهما حاضنين بعض ومي حست انها هتبتدي مرحله جديده في حياتها مع حسام.....................