الأربعاء، 25 أبريل 2012

بعد الفرح

 

 

الحلقة الثانية

 

 

صحيت مي الصبح وهي فرحانه خالص انها بقت مدام اخيرا بعد صبر السنين وبصت جنبها لقيت حسام نايم على جنبه وواخد اكتر من نص السرير وبيشخر بصوت عالي جدا واكتر حاجه غاظتها ان شعره كان نازل على عينيه ( ما هو شعره ناعم جدا ) قامت مي ودخلت الحمام وخدت شاور وكانت مدايقه انها هتغسل شعرها وهيبقى على طبيعته!!!!!!!!!!!!!
خرجت مي من الحمام لابسه برنس العروسه ولافه شعرها بفوطه وقعدت على كرسي التسريحه عشان تحط كريمات العنايه بالبشره (مش عروسه ) وبصت في المرايا لقيت حسام بيتحرك وفتح عينيه وبصلها نظر كلها حب و قالها:
حسام:صباحيه مباركه يا عروسه
مي:صباحيه مباركه يا عريس
وقام حسام وكان لابس بنطالون البيجاما بس وقرب منها وقالها :
حسام:طول عمري بحلم باليوم اللي هسرحلك فيه شعرك يا حبيبتي
مي اتخضت وقررت تهرب من الموقف ده بأي طريقه:
مي:مش وقته يا حبيبي يلا ادخل خد الشاور بتاعك عشان تفطر تلاقيك جعان من مجهود امبارح
حسام قعد يهرش في بطنه وهو بيفكر انه جعان فعلا وقالها:
حسام:طب حضري الفطار يا حبيبتي عقبال ما اخرج من الحمام
ودخل حسام الحمام وراحت مي فاكه الفوطه عن شعرها بسرعه ولمته ديل حصان لورا وحطت جيل من ادام ولبست قميص نوم بينك طويل وراحت تحضر الفطار لجوزها..........................
خرج حسام من الحمام وكان لابس شورت اسود وتيشيرت احمر وشبشب اسود ودخل المطبخ لقي مي لسه بتجهز الفطار فقالها:
حسام:اساعدك يا روحي؟
مي :لا انت روح ارتاح وانا دقيقتين وجايه
حسام خرج وراح قعد في الانتريه وفضل مستني نص ساعه فقام يشوفها اتأخرت ليه واول ما دخل المطبخ لقي منظر عجييييييييييييييييييب............
لقي مي عرقانه خالص وشعرها ناعم من ادام بس ديل الحصان هايش جدا والحوض كله اطباق وكوبايات فقالها:
حسام:انا مصر اساعدك شكلك تعبتي اوي
مي:اللي يريحك يا حبيبي
واخيرا بعد ساعه الاكل اتحط على السفره فطير مشلتت وعسل وبيض مسلوق وخيار وطماطم وكوبايتين شاي وبعد الفطار قامت مي تلم السفره راح حسام شده وقالها :
حسام :مش وقت يا حبيبتي انتي وحشتيني موووووووت
مي:متكسفنيش بقى هههههههههههه
ودخلوا اوضة النوم............................................. .................................................. ..................................... وبعد ساعتين قامت مي وحسام من النوم على صوت جرس الباب فقام حسام مخضوض:
حسام:يا ترى مين اللي جاي عالصبح كده؟
مي:يمكن ماما
حسام:حماتي ده وحشتني اوي من امبارح
ودخل حسام الحمام خد شاور بسرعه وخرج يفتح الباب واول ما فتح لقي حماته في وشه وراحت مزغرده بصوت عالي وهو رجع لورا من قوة الصوت
حماته:صباحيه مباركه يا جوز بنتي
حسام:الله يبارك فيكي يا حماتي
حماته:امال فين عروستنا الحلوه؟
حسام:في الحمام ثواني وجايه
ودخلت حماته على اوضة الانتريه ومعاها شنط كتير وقعدت وقعد حسام يتكلم معاها لغاية ما جت مي واول ما مامتها شافتها حضنتها جامد وقعدت تبوسها كأنها بقالها سنه ما شفتهاش وقالت:
ام مي:عامله ايه يا ضنايا؟ وحشتني يا روح قلبي
مي:وانتي كمان يا ماما , انا كويسه الحمد لله
ام مي:ها فطرتوا ولا اقوم احضرلكوا الفطار؟
مي:فطرنا يا ماما ارتاحي انتي
حسام (في حد يجي يزور عروسه وعريس بدري كده ده انتوا عيله غريبه !!!!!!!!!!!!!)
رن جرس الباب وراحت مي تفتح ولقيت ادامها مامت حسام واول ما شافتها قالتلها:
ام حسام:صباحيه مباركه يا عروسه و(و راحت بايساها بوسه واحده في خدها زي ما تكون مش طايقاها)
مي:الله يبارك فيكي يا طنط اتفضلي (يا ساتر ايه اللي جابك بدري كده مفيش ذوق خااااالص)
حسام:ماما اهلا يا حبيبتي اتفضلي
ام حسام:طبعا هتفضل ده بيت ابني مين ؟ازيك يا ام مي معلش ما اخدتش بالي انك هنا
ام مي:ازيك يا حبيبتي وحشتني
هكملكوا بكره


ليست هناك تعليقات:

إرسال تعليق