بعد الفرح

 

 

الحلقة الخامسة

 

 

وصل حسام البيت واول ما دخل اترمى على الكرسي وقال:
حسام:هاتيلي ميه لو سمحتي هموت من العطش
مي جابت ميه بسرعه:اتفضل يا حبيبي
مي:ها احكيلي ايه اللي اخرك ؟
حسام:ابدا يا ستي ماما اصرت اني اطلع اقعد معاه شويه عشان وحشتها
مي:معزوره برده يا حبيبي كنت جبتها تبات معانا (انا متأكده انها كانت عايزه تبات )
حسام:تبات فين؟ انا مش هنفتح الباب طول مدة الاجازه
مي:مش للدرجه دي
حسام:واكتر من كده
وشال مي ودخلوا اوضة النوم وقفلوا الباب و................................................. .................................................. .....
صحيت مي بالليل دخلت خدت شاور وخرجت عشان تصحي حسام يقوم يصلي ويتعشى:
مي:حسام اصحى يا حبيبي
حسام:سيبني انام شويه
مي:يلا عشان تصلي و تتعشى
حسام:حاضر حاضر طلعيلي غيار من الدولاب
مي:حاضر (ما تطلع لنفسك ده انت غريب اوي ابتدينا بقى)
خرج حسام من الحمام لابس الفانله الحمالات والبوكسر وقعد على السفره فمي بصتله وقالت:
مي:انت مش هتلبس؟
حسام:ما انا لبست اهوه
مي:انت بتهرج مش كده؟
حسام:بصي يا مي انا في البيت بحب اقعد براحتي
مي:خلاص اللي يريحك يا حبيبي
وبعد الغدا دخل حسام الانتريه يتفرج على التليفزيون وقال لمي:
حسام:اعمليلي شاي يا مي لو سمحتي
مي:حاضر (هو انت مش هتلم الاطباق معايا ولا ايه ؟ طب حتى ادخل اعمل الشاي يا ساتر على الكسل)
وبعد شويه دخلت مي بصينية الشاي لقيت حسام نايم على الكنبه وبيشخر وشكله غريب بالحمالات والبوكسر
مي:حسام يلا يا حبيبي الشاي هيبرد
حسام:اتاخرتي ليه؟
مي:غسلت الاطباق وعملت الشاي
حسام:تسلم ايدك يا حبيبتي
مي:هنعمل ايه انهارده؟
حسام:هنقعد نتفرج على الفيلم ده تحفه
مي:بس انا مش بحبه ,يلا نروح السينما
حسام:في عرايس يخرجوا تاني يوم جواز
مي:وايه يعني ؟ شويه ونرجع
حسام :لا مش قادر اخرج
مي:براحتك
وفضل حسام يتفرج على فيلمين ورا بعض وبعدين قال:
حسام:بقولك اي يا حبيبتي انا عايز اروح اقعد على القهوه شويه
مي:دلوقتي؟
حسام:عشر دقايق وهطلع هشرب حجر شيشه
مي:اللي يريحك يا حبيبي
ونزل حسام وفضلت مي مستنياه والعشر دقايق بقوا ساعه ونص فاتصلت بيه:
مي:الو ايوه يا حسام انت اتأخرت اوي
حسام:خلاص يا حبيبتي آخر حجر
مي:طيب مستنياك
ودخلت مي لبست قميص نوم احمر ودخلت السرير وفضلت مستنيىه حسام بس نامت وهي مستنياه وبعد شويه حست بيه بيدخل السرير جنبها :
حسام:انتي نمتي؟
مي:آه باين كده
حسام طيب يلا اصحي عشان وحشتيني موت
وقرب منها و................................................. .................................................. ........................
وتاني يوم صحيوا متأخر فطروا وفضلوا في السرير طول اليوم وفات اسبوع من الاجازه بالشكل ده والاسبوع اللي بعده ابتدى الناس تيجي تزورهم عشان يباركولهم وفضلوا كل يوم يستقبلوا الضيوف بالليل والناس ادتهم نقطه كتير وقبل ما ينزلوا الشغل بيوم سألت مي:
مي:هانعمل ايه بالفلوس ده؟
حسام:بفكر اركب تكييف في العربيه
مي:يا سلام طب ما اولى نركب تكييف في اوضة النوم
حسام:خلي بتاع اوضة النوم بعدين
مي:بعدين امتى ؟
حسام:يا مي العربيه اهم صدقيني
مي:لأ طبعا اوضة النوم اهم
حسام:طيب اللي يريحك يا حبيبتي
مي:هتشتريه امتى؟
حسام:قريب قريب ان شاء اللهوابتدوا ينزلوا الشغل من يوم السبت الصبح وابتدت الحياه الحقيقيه ..................................................