غرام أرملة

 

الحلقه السابعه

بعد كده رجع حسين وحماده وطلبوا غدا وكان حسين حاسس انه اول مره يكون فرحان بالشكل ده و هو خارج وافتكر ايامه مع سلمى اللي كانت مجرد يقعدوا في مكان تفضل تقوله الست ده بتبصلك ليه وانت اكيد تعرفها وهو يحاول يفهمها ان ده كلها اوهام في دماغها وفي الآخر الخروجه تنتهي بخناقه ويروحوا البيت لكن هنا وبص لهنا لقيها عماله تاكل حماده بهدوء وبتضحك معاه وكل شويه حماده يديها بوسه وخرج حسين من افكاره على صوت حماده:
حماده:حضرتك مش بتاكل ليه يا انكل؟
حسين:انا هاكل حالا
حمادهاللي مش بيخلص اكله مش بيطلعله عضلات مش كده يا مامي؟
بصت هنا لحسين ولقيت انه مليان عضلات ووشها احمر وضحكت وقالت :صح طبعا
حسين:طيب يا حماده هنشوف مين هيخلص الاول
وابتدوا يعملوا سباق وحماده فاز وقعد ينط وهو فرحان اوي وبعدين استأذن انه يروح يلعب بالاسكوتر شويه وراح وسابهم لوحدهم في ترابيزه جنب الالعاب بتاعت الاطفال:
حسين:حماده مؤدب اوي
هنا:شكرا
حسين:لأ بجد انتي بتربيه كويس جدا
هنا:ده هو كل حياتي
حسين:هو انتي لي مفكرتيش تتجوزي تاني؟
هنا ضحكت ضحكتها الرقيقه وقالت:اتجوز؟ واجيب لحماده راجل يضايقه او يتعصب عليه لأ طبعا انا كفايه عليه حماده يا سيدي
حسين:بس حماده محتاج راجل في حياته
هنا:لأ عادي
حسين:انا مش قصدي اضايقك ولا حاجه انا بس ملاحظ ان فيه حاجات لازم راجل يعلمها لحماده
هنا:قصدك الكوره وكده؟ وضحكت
حسين:انا مش بهزر على فكره لازم يكون فيه راجل في حياة حماده وخصوصا لما يكبر
هنا بصت بعيد وقالت:لما يكبر ربنا يحلها من عنده
رن تليفون حسين فرد:
حسين:الو
ايوه يا ماما
انتي وصلتي ,طب انا هاجي آخدك من المحطه استنيني
حسين:معلش يا هنا انا مضطر امشي عشان مامتي جت من اسكندريه ولازم اروح اجيبها,سلمي على حماده
هنا:اتفضل وحمدلله على سلامتها,وحاضر هسلملك عليه
ومشي حسين وفضلت هنا تفكر في كلامه وحست انه عنده حق بس هي لا يمكن تجيب لحماده راجل يتحكم فيه ويدايقه.................
وجه حماده يدور على حسين وملقيهوش فسأل مامته:
حماده:فين انكل حسين؟
هنا:هوه مشي عشان عنده مشوار مهم وبيسلم عليك
حماده قعد وعينيه فيها دموع وسكت فهنا حست انه زعلان فحضنته جامد وحست بخوف من تعلق حماده الزايد بحسين...............
تاني يوم الصبح كانت هنا بتنشر الغسيل على المنشر وهي لابسه بانتاكور اسود ضيق وتيشيرت احمر وعامله شعرها ديل حصان وفجاه حست ان في حد بيبص عليها فبصت لقيت مامت حسين بتبصلها وتضحك فضحكتلها وقالت:
هنا:صباح الخير
مامت حسين:صباح الخير يا حبيبتي
هنا:ازي حضرتك؟
مامت حسين:الحمد لله,انتي اسمك ايه؟
هنا:هنا
مامت حسين:جميله واسمك جميل
هنا ضحكت:شكرا يا طنط
مامت حسين:انا مامت حسين الساكن الجديد
هنا:اهلا وسهلا بحضرتك,ما تتفضلي حضرتك عندنا شويه عقبال ما يجي حسين من الشغل
مامت حسين:لا يا حبيتي لحسن اعطلك ولا حاجه
هنا:لا ابدا انا خلصت كل شغل البيت
مامت حسين:لا خليها مره تانيه
هنا:خلاص هستنى من حضرتك زياره قريب
مامت حسين وهي فرحانه عالآخر:قريب قريب اوي ان شاء الله
واول ما حسين رجع من الشغل مامته قالتله:لقيتلك عروسه يا حسين بس ايه قمممممممممر
حسين:تاني يا ماما
مامت حسين:تاني وتالت ورابع لاية ما اطمن عليك
حسين:يا ماما انت لسه جايه امبارح لقيتي عروسه فين وامتى ( وقعد يضحك )
مامت حسين:طب مش هقول عشان تضحك عليه كويس
حسين:لا خلاص قولي انا بهزر معاكي
مامت حسين:بص يا سيدي انا قاعده في البلكونه لا بيه ولا عليه لقيت قمر واقف في البلكونه اللي جنبنا
حسين:قصدك هنا؟
مامت حسين:انت تعرفها باين عليها بنت ناس ومؤدبه وكمان شاطره في شغل البيت
حسين:يا ماما هنا مش بتفكر في الجواز
مامت حسين:بص يا حبيبي كل البنات بتقول كده واول ما يجي عريس بيطيروا من الفرحه
حسين :بس هنا عندها ظروف
مامت حسين:ظروف ايه ؟ عيانه ولا ايه؟
حسين:لا يا ماما هنا ارمله وعندها ولد صغير ورافضه فكرة الجواز خالص
مامت حسين:يا عيني يا بنتي ده صغيره قوي على اللي هي فيه
حسين:ولو شفتي ابنها هتعرفي هي تعبت قد ايه ولد ما شاء الله عليه مؤدب وزي القمر
مامت حسين سكتت وسرحت شويه..............
حسين:هااااااا رحتي فين يا ماما؟
مامت حسين:لا ابدا يلا عشان احضرلك الغدا ودخل حسين يغير هدومه وابتدت مامت حسين تفكر في موضوع هنا ......................