غرام أرملة
الحلقة السادسة
دخل حسين ينام وحلم حلم غريب اوي( حلم ان سلمى واقفه بتبصله وهي متغاظه وهو بيلاعب
حماده وبيضحك مع هنا )
صحي من
النوم وهو قلقان من الحلم ده ولبس وراح الشغل وهناك لقي نفسه بيفكر في هنا علطول
ومكنش عارف ايه السبب وقعد يفتكر حماده ويضحك على طريقة كلامه وبعد ما خلص شغله رجع
البيت لقي حماده بيلعب بالاسكوتر فسلم عليه:
حسين:ازيك يا حماده ؟ عامل ايه؟
حماده:الحمد لله
حسين:خلصت الواجب؟
حماده:من بدري جدا
حسين:مش عايز حاجه؟
حماده:آه ممكن اطلب من حضرتك حاجه
حسين:طبعا يا حماده اتفضل
حماده:انا عايزك تعلمني العب كوره
حسين:انت مبتعرفش تلعب
كوره؟
حماده:بعرف بس اصحابي
بيتريقوا عليه
حسين:ليه؟
حماده:هما باباهم بيعلمهم حركات مش بعرف اعملها وانا بابي عند
ربنا
حسين راح حضن حماده قوي
وقاله:بص يا بطل انا هتفق مع ماما اروح معاك النادي اعلمك شوية حركات تخلي كل
اصحابك يتغاظوا منك
حماده:بجد
يا انكل؟
حسين:بجد يا
حبيبي
حماده:طب امتى
هنبدأ
حسين :لما مامي توافق
الاول
حماده :انا هروح اقولها
(وجري حماده رن الجرس ومامته فتحت وكانت لابسه بنطالون كتان ابيض وبادي ازرق فاتح
وشعرها مفرود)
حماده:انكل وافق
يعلمني العب كوره
هنا:ايه؟
حسين:بعد اذنك انا اتفقت مع حماده اعلمه كوره في النادي عشان يغلب
اصحابه, ممكن؟
حماده:ممكن يا
مامي ارجوكي وافقي
هنا:بس كده
هنعطلك
حسين:انا قلتلك اني
لوحدي هنا وفاضي اغلب الوقت
هنا:طيب اوكيه يوم الجمعه تيجي معانا النادي وتلعبوا كوره
براحتكوا
حسين وحماده حضنوا بعض
جامد عشان وافقت وهنا فضلت تبصلهم وحست ان حماده بيحب حسين اوي وابتدى يتعلق بيه
وابتدت تخاف الولد يتعلق بيه اكتر من
كده............................................... .....
عدى الاسبوع عادي كل يوم يتقابلوا على السلم الصبح
وبالليل ممكن يتكلموا من البلكونه وهنا تعمل نيسكافيه لحسين لغاية ما جه يوم
الجمعه...................
الساعه 9 الصبح حماده بيصحي مامته:
حماده:يلا يا مامي كده هنتأخر
هنا:الساعه كام؟
حماده:العقرب الكبير على 12 والصغير على 9
هنا:يا حبيي لسه بدري جدا,سيبني انام
شويه
حماده:لا كده هنتأخر على
انكل حسين
هنا:يا حبيبي لسه
فاضل 4 ساعات على النادي وبعدين تلاقيه لسه نايم
حماده:لأصحي وواقف في البلكونه وقالي صحي
مامي
قامت هنا بسرعه وجريت على
الحمام غسلت وشها وسرحت شعرها بسرعه ولبست جينز ازرق وتيشيرت موف فاتح وجريت على
البلكونه:
هنا:صباح
الخير
حسين:صباح
النور
هنا:انت صحيت بدري
ليه؟
حسين:اصلي عندي تمرين كوره
مع واحد صاحبي (وغمز لحماده)
هنا:يعني عايزين تروحوا دلوقتي؟
حسين:لأ احنا هنلبس الاول وهننزل نفطر في النادي وبعدين نبدأ
التمرين
حماده:آه انا شايف كده
برده
هنا:موافقه عشان ده رأي
الاغلبيه يلا يا حماده عشان نلبس
حسين:انا هقابلك عند البوابه كمان ساعه
هنا:خلاص اوكيه
وراحت هنا لبست فستان جينز نص كم وقصير على الركبه وكوتشي ابيض ولبست
حماده شورت ابيض وتيشيرت احمر وكوتشي ابيض
دخل حسين أخد دش وحلق دقنه ولبس شورت جينز قصير وتيشيرت اصفر وكوتشي
ازرق وخد معاه بنطالون وتيشيرت تاني عشان الصلاه
ونزلوا كلهم واتقابلوا عند البوابه ودخلوا النادي
وقعدوا في المطعم وطلب حسين فطار ليهم كلهم وبعد ما اكلوا قام حسين وحماده عشان
يبدأوا التمرين وفضلت هنا تتفرج عليهم وهي شايفه حسين حنين على حماده وبيعلموا
براحه وكل ما يغلط يشيله ويحدفه لفوق وحماده يفضل يضحك وفي الآخر اتعلم حماده 3
حركات صعبين وجم يقعدوا مع هنا وهما عرقانين خالص:
هنا:ها في امل يبقى لعيب كوره؟
حسين:بجد عنده موهبه جامده ما شاء الله
عليه
حماده:شفتي الحركات اللي
اتعلمتها انا هوريها لاصحابي كلهم عشان يعرفوا اني بعرف
العب
هنا:طب يلا عشان تغسل وشك
واغيرلك هدومك
حسين:انا هاخده
معايا حمام الرجاله
هنا:بس كده
تعب عليك
حماده:ايوه يا مامي
انا كبرت خلاص ومش هروح حمام البنات تاني
هنا:طيب يلا خد شنطتك واغسل وشك وايدك كويس
ومشي حسين وحماده وكل واحد شايل شنطته وحست هنا ان في
دمعه نزلت على خدها وكانت زعلانه اوي ان حماده كبر من غير ما يعرف باباه ولا يتعلم
منه حاجه ...............................................
ليست هناك تعليقات:
إرسال تعليق