لست خائنة

 

 

(7)

أفاقت دينا من نومها على صوت الماء يتدفق خارج حوض الاستحمام فخرجت منه وارتدت ملابسها و نظرت الى ساعة الحائط وجدتها تقارب الثانية عشر ظهرا فجلست امام شاشة الكومبيوتر الخاص بها تنتظر اتصالا من فؤاد و عند تمام الساعة الثانية عشر جاءها اتصالا من حبيبها:
فؤاد:صباح الخير يا حبيبتي
دينا و هي تدخن سيجاره:صباح النور
فؤاد:الجميل زعلان ليه؟؟؟؟؟؟؟؟
دينا:لا ابدا انا كويسه
فؤاد:وحشتيني اوي
دينا:ياااااااااااااه يا فؤاد لو تعرف انا محتاجالك قد ايه؟
فؤاد:بصي يا ستي كمان ساعه بالضبط الباب هيخبط هتلاقي هديه عشانك
دينا وهي غير مصدقة:هديه عشاني انا !!!!
فؤاد:كل سنه وانتي طيبه يا حبيبتي
دينا:بمناسبة ايه؟
فؤاد يضحك بحنان بالغ:انهارده عيد ميلادك يا حبيبتي كملتي 28سنه
دينا أحست ان السنين تمر دون أن تشعر بها:آه صحيح , وانت طيب يا فؤاد
فؤاد:مش هتسأليني ايه هي الهديه؟
دينا:ده لو كارت منك هيبقى عندي بالدنيا كلها
فؤاد:بصي يا ستي انا عارف انك مش بتحبي اجيبلك هدايا غاليه بس المره ده مقدرتش امنع نفسي
انا اشتريتلك سلسلة قصيره دهب ابيض متعلق فيها قلب بيتفتح و جواه صوره ليا في ناحيه والناحيه
و الناحيه التانيه حطي صورة يارا.
دينا:ليه بس كده يا فؤاد تكلف نفسك
فؤاد بصدق شديد:و انا عندي أغلى منك يا دينا
دينا:ربنا يخليلك ابنك فارس
فؤاد:فارس وانا اصلا مستحمل اللي انا فيه الا عشانه
دينا:ايه اللي حصل تاني؟
فؤاد:مش عايز ادايقك يوم عيد ميلادك
دينا:قول يا فؤاد في ايه؟
فؤاد:امبارح رجعت البيت لقيت ساندي هانم عازمه شلة النادي فالبيت و عامله حفله و دخلت ادور
على فارس لقيته بيلعب فالبانيو لوحده والهانم مش حاسه ان ليها ابن صغير لازم تاخد بالها منه
دينا:الحمد لله انك لحقته , معلش يا فؤاد ربنا يهديها
فؤاد:بقالي ست سنين في العذاب ده مش قادره تحب اي حد غير نفسها ربنا يسامحه ابويا هو اللي
حكم اني اتجوزها عشان بنت عمي بس عمري ما حسيت اني بحبها , انسانه انانيه و عصبيه
دينا:هدي نفسك يا فؤاد عشان السكر
فؤاد بعصبيه:و الله لولا انها معاها الجنسية الامريكيه وممكن تاخد الولد لكنت طلقتها بس اغصب عني
مقدرش اعيش يوم واحد من غير فارس
دينا:انتي هتقولي ما انا برده المره الوحيده اللي حاولت اسيب اسماعيل هددني اني مش هشوف يارا
تاني طول حياتي وانه هيبعتها مدرسه داخليه بره مصر
فؤاد:ربنا يصبرنا يا دينا ويحلها من عنده
دينا:ها يا حبيبي فطرت و لا لسه؟
فؤاد:لا لسه هطلب بعد شويه
دينا:طيب يلا عشان تاخد الحقنه و تفطر
فؤاد:ياه يا دينا مش عارف اقولك ايه عشان اهتمامك بيا
دينا:انت كل الدنيا ليا يا فؤاد ربنا ما يحرمني منك ابدا
فؤاد ضاحكا:ها مش هتفتحي الكاميرا عشان أشوفك بقى؟؟؟؟؟؟؟
دينا بخجل:لأ يعني لأ
فؤاد:ده انهارده عيد ميلادك يعني عيد
دينا:متهزرش بقى
فؤاد:انا عايز اقولك على حاجه
دينا:خير؟
فؤاد:انا نازل مصر بعد اسبوع عندي مؤتمر

أحست دينا بأن الدنيا تدور بها... أيعقل ان بعد كل هذه السنوات دون ان يتقابلا يحضر فؤاد الى مصر!!!!! ايمكنها ان تراه امامها .... ان تملأ عينيها من ملامحه التي تعشقها ...... ان يتلامسا اثناء سلامهما يدا بيد ..... هل استجاب الله لدعائها أخيرا ...... لا .. لا .. انها تحلم بالتأكيد


فؤاد:دينا انتي معايا و لا النت فصل من عندك
دينا ابتلعت ريقها:معاك معاك بس مش مصدقه اللي انا سمعته
فؤاد:لا صدقي يا حبيبتي
دينا:هتنزل فين؟
فؤاد:هنزل في الفور سيزون
دينا:هي ساندي هتيجي معاك؟
فؤاد:ساندي تيجي مصر!!!! لأ طبعا
دينا:طيب يا حبيبي تيجي بألف سلامه
فؤاد و صوته ملئ بالرجاء:هتقابليني مش كده؟
دينا:مش عارفه
فؤاد:ارجوكي يا دينا و لو ساعه واحده بس
دينا:انت عارف يا فؤاد انا متجوزه
فؤاد:انا عارف و محترم ده جدا بس أرجوكي محتاج أشوفك
دينا:ربنا يسهل , بس انت توصل بالسلامه
فؤاد:انا هفضل احلم بأني هقابلك كل ما أغمض عيني
دينا تتنهد:و انا كمان
فؤاد:انا هسيبك بقى عشان يارا زمانها طالعه فالاسانسير وكمان عشان تستني هديتك
دينا:حاضر , هكلمك بالليل ان شاء الله
فؤاد:تسعه بالثانيه هتلاقيني مستنيكي
دينا:باي
فؤاد:باي يا حبيبتي



أغلقت دينا الكومبيوتر و استلقت عالأريكه وهي تتذكر كيف تعرفت على حبيب عمرها فـــــــــــــــــــــــــــــــــــــــؤاد
.................................................. ..............................................