بعد الفرح

 

الحلقة الخامسة عشر

 

 

رجعت مي وحسام البيت وبعد ما غيرت هدومها قعدت مع حسام في الانتريه وسألته:
مي:ممكن اسألك سؤال؟
حسام:طبعا اتفضلي
مي:ممكن اعرف بالضبط ايه حكاية هاله بنت خالتك ده ؟
حسام:ولا حكايه ولا حاجه
مي:انا انهارده اتاكدت ان في حاجه مش طبيعيه
حسام:بصي يا مي عشان منتكلمش على حد هاله بنت خالتي كانت متاكده اني هتقدملها بس انا شعوري ناحيتها طول عمري كان زي اختي بالضبط ولما عرفت اني خطبتك جالها انهيار ودخلت المستشفى وبعدين اقتنعت ان ده نصيب بس باين انها لسه جواها شعور من ناحيتي
مي:هي اللي كلمتني في التليفون مش كده؟
حسام:تقريبا هي بس انا مش متأكد ميه في الميه
مي:شكرا يا حسام
حسام:على ايه؟
مي:عشان قلتلي كل حاجه وعان انهارده وقفتها عند حدها
حسام:انا انهارده اتعمدت اعاملها كده عشان تشيل الافكار الغريبه ده من دماغها خالص
مي:ولو كلمتني تاني اعمل ايه؟
حسام:بصي حاولي مترديش على ارقام غريبه ومتقلقيش خالص
وبعد كده دخلت مي خدت شاور ولبست قميص نوم جميل لونه اصفر عشان كان بقالها مده تعبانه وحسام كان مقدر بس انهارده حست انه واحشها اوي ودخل حسام الاوضه لقيها لابسه ففرح وقالها:
حسام:ايه ده انتي خفيتي خلاص
مي:انهارده احسن كتير
حسام:طب ثواني هاخد دش وآجي بسرعه
ورجع حسام وقرب من مي و................................................. .................................................. ....................
عدى سبع شهور ومي بطنها كبرت خالص وشكل جسمها اتغير وصدرها كبر والدكتور لسه مش عارف يحدد نوع البيبي عشان علطول قافل رجله ومي وحسام كانوا نفسهم يعرفوا.
ويوم معاد الكشف بتاع مي راحت هي وحسام وقعدوا في العياده ولما جه الدور بتاع مي دخلوا والدكتور طمنها على كل حاجه وعمل السونار وسألها:
الدكتور:انا آخر مره قولتلك نوع البيبي ايه؟
مي:حضرتك مقلتليش خالص عشان كان قافل رجله
الدكتور:طب انتي نفسك في ايه؟
مي:انا نفسي في ولد وحسام نفسه في بنت
الدكتور:معقوله نفسه في بنت؟
حسام:اصلي طول عمري كان نفسي يكون عندي اخت
الدكتور:طيب يا سيدي المره اللي جايه ربنا يرزقك ببنت ان شاء الله
مي:يعني ولد يا دكتور؟
الدكتور:آه يا ستي ولد وباين عليه شقي اوي
حسام:بجد يا دكتور
الدكتور:مبروك عقبال ما يوصل بالسلامه
وروح حسام ومي وهما فرحانين وعمالين يفكروا في اسماء ولاد وكل واحد فيهم كلم مامته يفرحها واليوم ده مي نامت وهي بتحلم بالبيبي لما تشيله بين ايديها
الشهرين اللي بعد كده كانوا صعبين على مي عشان بتروح الشغل كل يوم وكمان شغل البيت وطلبات حسام وكانت تعبانه خالص ووزنها زاد كتير وهي كان عندها اكتئاب عشان بقت تخينه بالشكل ده ويوم سألت حسام:
مي:حسام انا شكلي وحش وانا حامل؟
حسام:ده انتي زي القمر
مي:متضحكش عليه انا بقيت تخينه خالص
وقعدت تعيط وحسام حضنها وطبطب عليها وقالها:
حسام:بصي يا حبيبتي انا بحبك حتى لو بقيتي 100كيلو
مي:يعني لسه بتحبني؟
حسام:واكتر من الاول بكتييييييييييييييييير
وقرب منها و................................................. .................................................. ............................
بعد ما خرجت مي من الحمام ودخلت السرير عشان تنام جنب حسام حست بحاجه غريبه بتنزل منها فصحت حسام بسرعه:
مي:حسام الحقني
حسام:مالك يا مي في ايه؟
مي:انا تقريبا بولد
حسام:بجد مش معقوله ده انت لسه فاضلك 3اسابيع وتخلصي التاسع
مي:بقولك بولد
حسام:طيب انا هكلم مامتك والدكتورومامتي
مي:بلاش مامتك يا حسام كفايه ماما
حسام :حاضر حاضر بس انتي اهدي خالص
مي قامت لبست وحضرت شنطتها ووقفت تستنى حسام واول ما لبس نزلوا ركبوا العربيه وراحوا المستشفى لقيوا مامتها مستنيه :
ام مي:ها يا حبيبتي الميه نزلت؟
مي:ايوه يا ماما كتير اوي
ام مي:طيب يا حبيبتي ربنا يجيبلك ساعه سهله
مي:انا خايفه يا ماما
ام مي:ولا تخافي ولا حاجه شويه وتخرجي ومعاكي ابنك في حضنك
مي ابتدت تعيط وحسام كان خايف عليها وجه الدكتور كشف عليها وقال لسه ادامها ست ساعات كمان
مي فضلت تتكلم مع مامتها وحسام بس بعد شويه ابتدى الطلق يزيد ومي تعيط ومش عارفه تعمل ايه في الوجع ده ومامتها تقولها اتنفسي بالراحه وبعد ساعتين جه الدكتور تاني وكشف وقال ان شاء الله هتدخلي اوضة العمليات بعد ساعه فمي خافت اكتر وفضل الوجع يزيد وبعد شويه جت الممرضه لبست مي القميص بتاع العمليات وراحت مي اوضة العمليات وحسام ومامتها وقفوا بره وسمعوها وهي بتعيط جامد وفضلت كده حوالي نص ساعه وفي الآخر سمعوا صوت البيبي بيعيط ومي سكتت اول ما الممرضه ادتها البيبي ومي بصتله لقيته جميل وصغير خالص وباسته وخدته الممرضه عشان تحميه وبعد شويه خرجت الممرضه شايله البيبي وحسام شاله وباسه في راسه وكبر في ودنه وبعد كده اداه لمامت مي وسأل الممرضه:
حسام:هي هتخرج امتى؟
الممرضه :عشر دقايق وهنطلعها اوضتها
وفضل حسام واقف مستني مي لما تخرج ومامتها خدت البيبي وراحت تستناها في اوضتها واول ما خرجت مي كانت نايمه عالسرير والممرضات بيزقوا السرير فحسام مسك ايديها وباسها وقالها:
حسام:حمدلله على السلامه
مي:الله يسلمك شفت البيبي؟
حسام:آه زي القمر ما شاء الله, ها هتسميه ايه؟
مي:انا هسميه آدم
حسام:حلو اوي الاسم يا ام آدم
وراحت مي اوضتها ومامتها باستها واطمنت عليها وقالتلها ترضع البيبي وحضنت مي البيبي وابتدت ترضعه.
وابتدت مرحله جديده في حياة مي وحسام مع وصول آدم للدنيا............................................ .................................................