بعد الفرح

 

الحلقة التاسعة عشر

 

 

حسام نزل الصبح وهو زعلان من مي وقالتله انها هتروح عند مامتها فقالها براحتك وراح حسام الشغل وفي وقت الاستراحه قعد معاه صاحبه محمد:
محمد:مالك يا ابني ؟
حسام:مفيش حاجه
محمد:لأ طبعا في شكلك مش طبيعي
حسام:مي يا سيدي
محمد:مالها تعبانه؟
حسام:لا مش تعبانه بس زهقت من قعدت البيت
محمد:هههههههههههه
حسام:بتضحك على ايه دلوقتي؟
محمد:ما هو ده الجواز يا بني الست بعد ما تتجوزك وتخلف منك وانت تطلع عينيك في الشغل تبتدي بقى النكد بتاع الزوجه المصريه انت سايبني لوحدي انت مبتحبنيش وهكذا............
حسام:يعني ايه الحل دلوقتي ؟ البيت بقى كئيب جدا؟
محمد:بص يا سيدي انت كل يوم بالليل قبل ما تروح من شغلك التاني تقعد عالقهوه شويه تفك عن نفسك واول ما تدخل على مراتك تقولها وحشتيني موت وهاتلها ورده ولا شوكولاته وهي هتطير من الفرح وهتعيش سعيد ومفيش مانع لما تكلمها وانت في الشغل مرتين تلاته.
حسام:وهي كده هتفرح؟
محمد:يا بني الستات دول تافهين جدا ههههههههههههه
حسام:طيب وليه اروح القهوه كل يوم؟
محمد:عشان تغير جو الشغل اللي انت مطحون فيه طول اليوم واهو تضحكلك ضحكه يعني
حسام:طب هجرب ويا رب الموضوع يتصلح
محمد:متقلقش انت بس عشان لسه جديد في الجواز بكره تبقى خبره زيي ههههه
حسام:اما نشوف ......................
مي قالت لحماتها انها عملت الغدا وهتروح تزور مامتها وحماتها كمان كانت عايزه تروح تطمن على عمر ونزلوا مع بعض ووصلت مي عند مامتها:
ام مي:اهلا يا حبيبي وحشتني ازيك يا مي؟
مي:زي الزفت؟
ام مي:ايه بس اللي حصل؟
مي:مفيش حاجه حصلت كل يوم اصحى انظف واطبخ وارضع الولد واغسل واعمل المواعين وحسام يرجع يتغدى وينام شويه ويصحى ينزل تاني وبفضل طول اليوم لوحدي امبارح قلتله اني عايزه ارجع الشغل تاني انا خلاص زهقت من قعدة البيت.
ام مي:ترجعي الشغل؟ وآدم؟
مي:هجيبهولك الصبح واشفط لبن ونحطه في التلاجه وارجع آخده وده الحل الوحيد اللي انا لقيته
ام مي:يعني نزولك الشغل هيسعدك؟
مي:طبعا يا ماما
ام مي:طيب ونومك المتلخبط هتقدري تروحي الشغل وانتي مش نايمه غير نص ساعه بسبب آدم وتعملي شغل البيت وتهتمي بنفسك مع كل الشغل ده؟
مي:يا ماما انا حاسه بوحده وفراغ
ام مي:يا حبيبتي ده عادي عشان انت لسه في اول جوازك وبعدين بدل ما تتخانقي مع جوزك الشويه اللي بيقعدهم معاكي ممكن تخلي الوقت ده احلى وقت ليه وليكي
مي:يا ما حسام مش بيتكلم معايا خالص ومش بيخرجني ولا بيسألني عامله ايه؟
ام مي:يعني كنتي هتبقي مبسوطه لو قعد في البيت بعد الظهر ومدورش على شغل وفضل قاعد عالقهوه وانتي يكون ناقصك حاجات؟
مي:يا ماما مش كل حاجه الفلوس
ام مي:بصي يا مي موضوع رجوعك الشغل ده غلط عشان ابنك لسه محتاجلك والفراغ اللي عندك ممكن تمليه بكذا حاجه
مي:زي ايه يعني؟
ام مي:اتعلمي حاجات من النت انزلي الجيم كل يوم اشتري كتب واقريها انزلي احفظي قرآن بس بلاش جو النكد اللي عايشه فيه ده عشان كده غلط عليكي وعلى جوزك
مي:يا ماما انا بقعد لوحدي وهو مش حاسس بيا خالص
ام مي:عايزاه يعملك ايه جوزك بيشتغل اكتر من 13 ساعه في اليوم ومن حقه يرجع البيت يرتاح
مي:وانا خلاص محدش بيفكر فيه خالص
وابتدت مي تعيط ومامتها حضنتها وقعدت تقولها:
ام مي:يا حبيبتي اللي انتي فيه ده كل الستات عايشين فيه بس في ست بتعرف تستفيد من قعدتها في البيت وتهتم بنفسها وببيتها وبجوزها وواحده تانيه تعمل زيك كده وتنكد على نفسها ومش بتفوق غير لما جوزها يتغير معاها
مي:يتغير معايا؟
ام مي:الراجل لو حس ان بيته مليان مشاكل وخناق يهرب منه علطول
مي:يهرب يروح فين يتجوز مثلا؟؟؟؟؟؟؟؟؟؟؟؟
ام مي:لأ بس ممكن يخرج مع اصحابه عشان ميقعدش في البيت كتير
مي سكتت وفضلت تفكر في كلام مامتها............................................ .....

يا ترى مي هتعمل ايه؟؟؟؟؟؟؟؟؟؟؟؟