غرام أرملة

 

الحلقة العاشرة

 

ويوم الاحد بعد ما راحت هنا وحماده المدرسه ونزل حسين شغله قعدت مامت هنا في البلكونه ولقيت مامت حسين بتقولها:
مامت حسين:صباح الخير
مامت هنا:صباح الخير
مامت حسين:انا مامت جاركم المهندس حسين
مامت هنا:اهلا وسهلا
مامت حسين:ممكن آجي اشرب معاكي القهوه؟
مامت هنا:آه طبعااتفضلي
وفي بلكونة هنا قعدوا الاتنين يتكلموا وهما بيشربوا القهوه سوا :
مامت حسين:بصي بقى انا واضحه ومبعرفش اذوق الكلام
مامت هنا:قولي يا حبيبتي اللي عايزه تقوليه , خير؟
مامت حسين:اول حاجه لازم تعرفيها ان حسين ابني بنى نفسه لوحده عشان باباه مات وهو صغير هوه اللي جوز اخته وبعد كده ضحكت عليه واحده زميلته في الشغل واتجوزته وانا مكنتش مرتحالها ابدا بس محبيتش ادخل وقلت ده رجل وعارف مصلحته ومكملش سنه لقيت نفسيته بقت زي الزفت وقعد يحكيلي بتعمل ايه فيه من عصبيه شديده غيره فظيعه وفي الآخر قرر يطلقها وساب اسكندريه وجه يشتغل هنا عشان يبدأ من جديد
مامت هنا:لا حول الله هو فيه كده في الدنيا
مامت حسين:واكتر بس مش ده موضوعنا
مامت هنا:امال ايه موضوعنا؟
مامت حسين:ابني حب بنتك انا حسيت بكده اول ما قلتله لقيتلك عروسه في البلكونه اللي جنبنا بس هو قالي انها رافضه الجواز وحتى هو حكالي انه طلب منها الجواز بس هي خافت ومردتش عليه لغاية دلوقت , وانا شايفه ان هنا هي الليممكن تسعد ابني وكمان حسين بيحب حماده اوي وطول الوقت يحكيلي عنه
هاااا قلتي ايه ؟
مامت هنا:بصي انا برده هكون صريحه معاكي هنا بنتي بعد موت جوزها بقى عنده رعب انها تحب حد تاني ويروح منها وتفضل لوحدها وجالها عرسان بعد اول سنه من وفاة جوزها بس هي علطول بترفض وحتى ساعات مش بتحكيلي عشان مضغطش عليها وبيني وبينك انا بدعيلها في كل صلاه اني اطمن عليها مع زوج صالح قبل ما اموت عشان انا خايفه عليها تعيش وحيده في الدنيا وهي لسه صغيره ده اللي قدها لسه متجوزش اصلا
مامت حسين:طب وبعدين هنقنعها ازاي انها توافق على حسين؟
مامت هنا:والله مش عارفه اصلها عنيده اوي بالنسبه للموضوع ده
مامت حسين:لازم نلاقي حل وبسرعه............................................ ........
حسين في شغله بقى مش مركز بسبب تفكيره في هنا وحس انها خلاص مش هتوافق عليه وكان زعلان جدا وبيفكر يعمل ايه لو قالت لأ؟
هنا وهي راجعه البيت مع حماده سألها:
حماده:هو ليه انكل حسين مش بيجي معانا النادي؟
هنا:يمكن مشغول
حماده :طب ممكن اروح اسلم عليه انهارده
بصت هنا لحماده ولقيته حزين وكأن حسين وحشه اوي فوافقت وهي مضطره بس قالتله:
هنا:اوكيه بس متتأخرش
حماده:شكرا يا مامي
واول ما وصلوا البيت غيروا هدومهم واتغدوا مع بعض وحماد خلص الواجب بسرعه وقال لمامته: حماده: انا هروح بقى
مامت هنا:هتروح فين يا حبيبي؟
هنا:هيسلم على حسين جارنا ويجي بسرعه
وخرج حماده ورن الجرس وفتحت مامت حسين:
حماده :انكل حسين موجود؟
مامت حسين:ايوه يا حبيبي اقوله مين؟
حماده:انا حماده
مامت حسين:اهلا يا حبيبي اتفضل , هوواقف في البلكونه
دخل حماده البلكونه لقي حسين سرحان فقاله:
حماده:ازيك يا انكل حسين؟
حسين قام من على الكرسي وشال حماده وحضنه جامد وقاله:
حسين:ازيك يا حبيبي عامل ايه؟
حماده:انا زعلان منك
حسين:مني انا ليه ؟
حماده:بقالك كتير مش بتروح معايا النادي ولا بتسأل عليه
حسين:معلش يا حماده اصلي مشغول
حماده:انا فاهم كل حاجه انا كبرت خلاص
بص حسين لحماده وهو مستغرب فحماده قال:
حماده:انت بتحب مامي مش كده؟
حسين:وده حاجه تضايقك؟
حماده :بالعكس طبعا ده انا كل يوم قبل ما انام ادعي ربنا انك انت تكون بابي اللي اعيش معاه واتعلم منه كل حاجه
حسين:بجد يا حماده؟
حماده :طبعا يا انكل
حسين:بس انا حاسس ان مامتك مش موافقه على جوازنا
حماده :سيب الموضوع ده عليه انا
حسين:هتعمل ايه؟
حماده:سيبني وانا هتصرف
حسين ضحك وحضن حماده وقاله:
حسين:لو عملتلي الخدمه ده هعملك اللي انت عايزه
حماده:اي حاجه؟
حسين:اي حاجه تطلبها
حماده:اتفقنا,عن اذنك بقى عشان متاخرش
حسين:اتفضل يا حبيبي
وقعد حسين يضحك ويقول معقوله حماده ممكن يقنع هنا؟؟؟؟؟؟؟؟؟؟؟؟؟؟؟؟؟؟؟؟