بعد الفرح

 

الحلقة الثالثة و العشرون

و الأخيرة

 

 

ابتدت حياة مي وحسام تتغير وكل واحد فيهم بيحاول يسعد التاني وكمان آدم كبر شويه بقى بيمشي ومي بقت بتشغل وقتها انها تتعلم اكلات جديده من النت وكمان ابتدت تاخد كورسات انجليزي ومبقاش عندها وقت فراغ خالص وحسام بقى يوم الخميس بيخرج مع اصحابه ويوم الجمعه بيقضيه في البيت مع مي وبيزوروا اهلهم وبالليل ممكن يقعدوا في اي مكان يتكلموا شويه ويشربوا حاجه ويروحوا ومي فهمت يعني ايه جواز ومسؤوليه وحسام بطل يكون اناني وبقى قبل ما يعمل اي حاجه يفكر في مي ويا ترى هتعجبها ولا لأ أما آدم مبقاش متعلق بمي زي الاول وبقى شبه حسام بالضبط وبيقلده في كل حاجه والفتره ده فكرت مي ترجع الشغل وحسام قالها براحتك بس هي كانت متردده بس مامتها شجعتها عشان الشغل بتاعها فرصه ممكن متلقيهوش تاني وفعلا ابتدت مي تحضر نفسها عشان ترجع الشغل واتعودت تحضر اكل في الفريزر يكفيها طول الاسبوع وآدم بقت بتوديه عند مامتها كل يوم الصبح وترجع هي وحسام ياخدوه وبعد ما يتغدوا ينزل حسام شغله التاني وتفضل مي تنظف وتحضر طلبات تاني يوم و حست مي انها بقت فرحانه عشان رجعت ىالشغل تاني ..............................

طبعا القصه ملهاش نهايه لأن أكيد في مشاكل هتظهر في حياة مي وحسام بس هنا بتخلص اول مرحله في جوازهم وهي المفروض بتكون اصعب مرحله في الجواز حتى لو بعد قصة حب او تقليدي ... الجواز لازم يكون فيه مشاكل وهي ده سنة الحياه بس المهم الزوجه تحاول تحل المشاكل اللي بتواجهها من غير عصبيه ولازم تعرف ان الجواز هو مشروعها اللي لازم تنجح فيه في الدنيا .