الخميس، 26 أبريل 2012

بتحبني ؟

 

الحلقة التاسعة و العشرون

 

 

ركبت ليللى الطياره وقعدت في كرسيها جنب الشباك واستغربت انه نفس المكان اللي قعدت فيه لما كانت مع خالد وبعد ما ربطت الحزام فتحت القصه عشان تكملها واندمجت كالعاده لما بتقرا قصه رومانسيه وبعد شويه حست بحد قعد جنبها وشمت ريحة بيرفيوم هي عارفاها كويس فنزلت الكتاب بالراحه وقلبها بيدق جامد وبصت جنبها لقيت مفاجأه مكنتش متوقعاها ابدا....................
ليلى:انت بتعمل ايه هنا؟

خالد:مش تسلمي عليه الاول
ليلى وهي مش مستوعبه:ازيك
خالد:ازيك انت
ليلى:الحمد لله
خالد:يااااااااه بقالي كتير مشفتكيش
ليلى مسكت نفسها وقالتله بعدم اهتمام:آه فعلا
خالد:اخبار شغلك ايه؟
ليلى:تمام
خالد:بتشتغلي فين؟
ليلى:في شركة والد ايهاب فاكره؟
خالد:آه, انتوا اتخطبتوا ولا لسه؟
ليلى معرفتش تقول ايه فغصب عنها:ايوه طبعا
خالد وهو بيبص على ايدها:بس انت مش لابسه دبله؟؟
ليلى:اصلي مبحبش الدبل والخواتم
خالد وهو مش مقتنع:طيب مبروك
ليلى ملقيتش كلام تقوله:...............
خالد:انتي مسافره تتفسحي ولا شغل؟
ليلى:الاتنين
خالد:كويس
ليلى:وانت؟
خالد: الاتنين
ليلى:طيب انا هكمل القصه بقى
خالد:وانا هنام ( ورجع راسه لورا و غمض عينيه )
فضلت ليلى ماسكه القصه ومش شايفه الكتابه ولما اتأكدت انه نام بصتله كان لابس شورت كاروهات بني في بيج وتيشيرت بيج نص كوم وشوز بني هو كان خاسس اوي وعينيه كان تحتها خطوط عميقه كأنه بقاله سنه سهران وريحة البيرفيوم بتاعته زي ما كانت فاكراها وحست ان الدموع ملت عينيها من كتر ما كان واحشها اوي اوي ونزلت دموعها غصب عنها بس مسحتها بسرعه وحاولت تكمل القصه.


يا ترى ايه اللي هيحصل في دبي؟؟؟؟؟؟؟؟؟؟



ليست هناك تعليقات:

إرسال تعليق