الثلاثاء، 24 أبريل 2012

آنسة كومبيوتر

 

الحلقة الثانية عشر


بصت عبير لعمر ومكنتش عارفه تقول ايه:
عبير:انا مش عارفه اقولك ايه يا عمر.. بس انا مش مستعده للا رتباط دلوقتي
عمر:انا بقول نتخطب دلوقتي ونأجل الجواز لغاية ما تخلصي كليه
عبير عينيها دمعت:اصلي انا بصراحه....
عمر:ايه يا عبير قولي؟
عبير:انا مش حاسه ناحيتك بأي حاجه غير الصداقه
عمر:يعني مش بتحبيني زي ما بحبك؟؟؟؟؟؟؟؟
عبير و دموعها بتنزل:انا آسفه يا عمر
عمر وهو بيضحك ضحكه حزينه:لا مفيش حاجه يظهر اني كنت فاهم غلط , عالعموم انا هفضل طول عمري بحترمك واتمنالك كل خير
عبير:ارجوك متزعلش مني يا عمر
عمر:انا عمري ما ازعل منك ابدا
عبير :يعني هنفضل اصحاب؟
عمر:طبعا, انا هسيبك دلوقتي عشان عندي مشوار مهم
عبير:اتفضل
ومشي عمر و فضلت عبير قاعده تفكر في اللي حصل وسألت نفسها ليه مش بتبادل عمر نفس مشاعره؟؟؟؟؟؟؟؟ يا ترى ايه السبب؟؟؟؟؟؟؟؟


دخل احمد النادي لقي عبير قاعده لوحدها وشكلها زعلانه فقرب منها وقالها بصوت واطي:
احمد:عبير...
عبير بصت لقيت احمد واقف جنبها:احمد؟
احمد:ممكن اقعد؟
عبير:اتفضل
احمد:انا جيت عشان اعتذرلك عاللي حصل مني
عبير:حصل خير
احمد:انا مش عارف ايه اللي خلاني اكون عصبي كده
عبير:خلاص يا احمد مش عايزه اتكلم فالموضوع ده تاني
احمد:طيب , مالك شكلك مدايق؟
عبير:لا ابدا مفيش
احمد:انتي هتخبي عليه؟
عبير:بجد مفيش حاجه
احمد:طيب يا عبير براحتك بس لما تحسي انك عايزه تتكلمي انا موجود
عبير:طيب
احمد:تعالي نشرب حاجه
عبير قامت:اوكيه
مشيوا مع بعض وفضلوا يتكلموا ونسيت عبير كلام عمر خالص و قعدت تضحك مع احمد و هما بيتكلموا و بيضحكوا احمد سكت وبصلها:
احمد:انتي شوفتي عمر انهارده؟
عبير:ايوه ليه ؟
احمد:كلمك في حاجه؟
عبير:حاجه زي ايه؟
احمد:يعني انه عايز يتقدملك
عبير:انت عرفت منين؟
احمد:يعني كلمك؟
عبير بصت بعيد وقالت:ايوه كلمني
احمد: وقلتي ايه؟
عبير:انت رأيك ايه؟
احمد:انا بسألك عن رأيك
عبير:قلتله اننا مجرد اصحاب
احمد حس انه ارتاح وقالها:وهو قال ايه؟
عبير:قالي انه كان فاهم غلط
احمد:عبير...
عبير:نعم...
احمد:انا بحبك
عبير حست ان الدنيا وقفت و ان قلبها وقف وحست انها طايره فالسما ومش شايفه ولا سامعه غير كلام احمد ليها..............................


ليست هناك تعليقات:

إرسال تعليق