بعد الفرح

 

الحلقة العاشرة

 

راحت مي وحسام الشغل وبعد ما خلصوا ركبوا العربيه عشان يروحوا البيت فحسام بيسألها:
حسام:ها هتغدينا ايه انهارده يا حبيبتي؟
مسمعش حسام اي رد فبص لقي مي نايمه فحس انها تعبانه وانها ممكن تكون حامل فخاف عيلها وسابها نايمه لغاية ما وصلوا البيت وهناك صحاها:
حسام:يلا يا حبيبتي احنا وصلنا
مي:انا فين؟
حسام:احنا وصلنا البيت يلا عشان تطلعي تريحي شكلك مرهق
مي:طيب
وطلعوا فوق ومامته فتحت الباب لقيت حسام ساند مي فسألته:
ام حسام:خير يا ابني مالها مي؟
حسام:مش عارف بس شكلها تعبان شويه
مي:انا كويسه وهروح احضر الغدا
حسام:لا لا انتي تروحي تنامي وانا هعمل كل حاجه
مي:طيب عن اذنكوا ( بركاتك يا ماما ده انتي طلعتي دمااااااااااااغ هههههههههههه)

دخلت مي غيرت هدومها ودخلت السرير ونامت نوم عميق وسابت حسام يحضر الغدا لوحده ..............................
بعد حسام ومامته ما اكلوا قام سام لم الاطباق ومامته ساعدته وقالتله:
ام حسام:روح انت ارتاح يا حبيبي وانا هغسل المواعين
حسام:لا يا ماما حضرتك ارتاحي
ام حسام:يا بني انا من الصبح معملتش حاجه
حسام:معلش يا ماما ريحيني
وعمل حسام المواعين وعمل شاي وراح قدمه لمامته وقالها انه هيروح يطمن على مي ودخل الاوضه لقي مي نايمه نوم عميق فقالها:
حسام:مي يلا يا حبيبتي عشان تاكلي
مي:لا انا عايزه انام
حسام:طب انا هجيبلك طبق هنا
مي بدلع:طيب
وراح حسام جاب طبق اكل وعمل سلطه وحطهم في صينيه ودخلهم لمي:
حسام:يلا يا جميل عشان تتغدى
مي:تسلم ايدك يا حبيبي
وبعد ما خلصت قامت تحط الصينيه في المطبخ بس حسام مرضيش ومي كملت نوووووووووووووووووم
بالليل قامت مي خدت شاور ولبست فستان قطن قصير بينك وسرحت شعرها ديل حصان لورا وراحت تقعد معاهم في الانتريه:
ام حسام:ها يا بنتي عامله ايه دلوقت؟
مي:الحمد لله احسن كتير
حسام:بجد احسن؟
مي:متقلقش انا بقيت كويسه وهروح اعملكم عشا
حسام:لا انا هعمله
مي:انت تعبت انهارده ربنا يخليك ليه انا هعمل ساندويتشات خفيفه وشاي بلبن
وجابت مي صينيه عليها اطباق الساندويتشات والشاي بلبن وقعدوا ياكلوا وهما بتفرجوا على فيلم كوميدي فمامت حسام قالت:
ام حسام:انا هروح البيت الصبح
حسام:ليه يا ماما مش قلتي هتقعدي اسبوع
ام حسام:معلش يا بني هروح وهآجي يوم الجمعه بدري اساعد مي
مي:يا طنط خليكي منورانا
ام حسام:معلش انتي تعبانه ومشغوله في الشغل والبيت ربنا يقويكي
حسام:اللي يريحك يا ماما
مي:طب حضرتك متتأخريش يوم الجمعه
ام حسام:من عينيا يا حبيبتي
مي كانت عايزه تروح لمامتها تبوس ايديها على افكارها العبقريه بس مسكت نفسها لما تكلمها بالليل من الموبايل................................
الصبح نزلت مي وحسام الشغل وكان حسام رقيق وحنين معاها ومي كانت فرحانه فسألها:
حسام:تحبي نلغي العزومه؟
مي:لأ طبعا انت عزمت الناس خلاص
حسام:بس انتي شكلك تعبان اوي
مي:ما ماما هتجيبلي الاكل معمول وانا بس هحطه في اطباق
حسام:مامتك ده طيبه اوي
مي:عشان تعرف بس قيمة حماتك
حسام:عارف والله عارف هههههههههه
ووصلوا الشغل واستمروا على الوضع ده طول الاسبوع لغاية ما جه يوم العزومه يا ترى ايه اللي حصل؟؟؟؟؟؟؟؟؟؟؟؟