الثلاثاء، 24 أبريل 2012

آنسة كومبيوتر

 

الحلقة الأخيرة
خلصت عبير الكليه وطلعت التانيه عالدفعه واحمد كان دايما بيشجعها عشان تجيب تقدير وفعلا جابت امتياز مع مرتبة الشرف و بعد كده ابتدت عبير واحمد يوضبوا الشقه ويختاروا الاوض عشان يتجوزوا تالت يوم العيد وفعلا اختارت عبير الاوض كلها مودرن والستاير كمان ومامت احمد ومامتها كانوا بيساعدوها واحمد كان معجب بذوقها جدا واختاروا ان الفرح يتعمل في فندق موفينبيك و ابتدت عبير تنقي فستان الفرح وقررت تعمل لاحمد مفاجأه جميله يوم الفرح.


و راحت عبير وايمان وصفاء يفشوا الشقه ومعاهم الامهات وكانت صفاء فرحانه جدا خصوصا ان عمر طلب ايدها من باباها اما ايمان فكانت معجبه بمحمد اخو صفاء اللي كان دايما حاسس انها صغيره جدا............ بس ايمان كانت مصممه تتجوزه.


يوم الفرح لبست ايمان فستان لونه احمر طويل وليه فتحه من الجنب وفردت شعرها الطويل وصفاء لبست فستان لونه موف طويل ونازل على واسع وظهره مفتوح واحمد كان مستني عبير تنزل السلم مع باباها واول ما نزلت احمد كان سعيد جدا خصوصا انه لقي عبير لابسه الحجاب وفستان طويل وواسع ومطرز بالفضي وكانت مغطيه وشها بالطرحه ولما وصلت لاول سلمه طلع احمد وسلم على باباها وشال الطرحه وباسها في راسها وقالها بصوت واطي:
احمد:ده احلى هديه قدمتهالي في حياتنا
عبير:حبيت ابدأ حياتي معاك برضا ربنا
احمد:ربنا يخليكي ليه يا احلى عروسه فالدنيا
و نزلوا وقفوا وسط الزفه اللي كانت جميله جدا وايمان فضلت ترقص معاهم ولما لقيت محمد جه راحت تسلم عليه:
ايمان:ازيك يا محمد؟
محمد بعصبيه:ايه الرقص ده كله
ايمان كانت هتطير من الفرحه وقالت ببراءه:
ايمان:مش فرح اخويا الوحيد!!!
محمد:خليكي واقفه جنبي وبلاش رقص
ايمان عملت نفسها زعلانه:انتي بتكلمني كده ليه؟
محمد بصوت عالي:عشان هتبقي مراتي
صفاء سمعته فبصت لايمان وغمزتلها وبعدت عنهم عشان عمر كان مستنيها بعيد وايمان فضلت باصه لمحمد:
محمد:بتبصيلي كده ليه؟
ايمان:انت بتتكلم جد؟
محمد:عمري ما كنت جد زي انهارده , ها قلتي ايه موافقه تتجوزيني ولا لأ؟
ايمان بهزار:لو مكنتش بس تحلف
ومحمد قرب منها بس هي بعدت عنه:
ايمان:ايه ؟ ايه؟ بابا واقف هناك اهوه
محمد:طيب خليكي هنا اوعي ترقصي تاني انت فاهمه
ايمان:اموت فيك وانت حمش كده
محمد كح شويه :طيب انا رايح لباباكي
و راحت ايمان قالت لعبير في ودنها ان محمد هيطلب ايدها من باباها وعبير حضنتها وباركتلها
وفضل الفرح لغاية الساعه 3 الفجر وطلعت عبير واحمد جناح العرسان وكان احمد شايلها واول ما دخلوا الاوضه نزلها بالراحه وقالها:
احمد:مبروك يا حبيبتي
عبير:الله يبارك فيك
احمد:انا هغير بره وانت خدي راحتك

و خرج احمد وعبير غيرت هدومها ولبست بيبي دول قصير لونه ابيض وعليه روب قصيردانتيل ابيض وفردت شعرها وبعد شويه الباب خبط واحمد دخل كان لابس بيجاما لونها نبيتي وقالها:
احمد:ياااااااااه اخيرا ربنا جمعنا مع بعض
عبير:الحمد لله
احمد:انتي مش هتنامي؟
عبير:انام!!!!!
احمد:ايه يا حبيبتي العرسان بعد الفرح بيناموا , ولا انت شايفه ايه؟
عبير:بس.. اصل..
احمد:في ايه يا عبير؟
عبير:انت هتنام فين؟
احمد:بعد اذنك هنام جنبك
عبير وهي بتفكر:طيب
احمد:عبير انت مكسوفه؟
عبير:شويه
احمد:لا متخافيش تعالي اقولك حاجه
و قربت عبير واحمد خدها في حضنه وطبطب عليها وبعدين قالها
احمد: تعالي نتفرج على اي فيلم ايه رايك؟
عبير:يا ريت
وقعدوا يتفرجوا على فيلم رعب اجنبي وبعد شويه عبير نامت على كتف احمد فراح شالها وحطها عالسرير بالراحه ونام جنبها وهو بيبصلها ويضحك.
الصبح صحيت عبير لقيت احمد نايم راحت قامت دخلت الحمام وطلبت الفطار وصحت احمد بالراحه:
عبير:احمد.. احمد
احمد:يا ماما سيبيني بحلم حلم جميل
عبير:ها احكيلي..........
احمد:عبير كانت.......ايه ده انت صحيتي امتى؟
عبير وهي بتضحك:يلا عشان طلبت الفطار
احمد: طب تعالي اقولك حاجه مهمه
عبير:بس.....
احمد:هششششششششششش

.................................................. ..................................................
.................................................. ..................................................


صحيت عبير لقيت احمد ساند على دراعه وبيبصلها:
عبير:انت صاحي؟
احمد:بشوف اجمل بنت في الدنيا وهي نايمه
عبير:طيب من فضلك غمض عينيك عشان هروح الحمام
احمد:اهوه
وعبير لقيته ببص من بين ايديه فقالت:عبير:شايفاااااااااااااك
احمد:خلاص بجد مغمض

و ساروا بالليل شرم الشيخ يقضوا اسبوعين وكانت عبير حاسه انها بتحلم و احمد كان حبه ليها بيزيد يوم عن يوم وطبعا كان بيحصل بينهم خلافات بس دايما كان حبهم بيخليهم يحاولوا يحلوا اي مشكله بهدوء وبعد سنه ربنا رزقهم بولد اسمه مالك وكانت عبير فرحانه بيه عشان كان شبه اول وآخر حب في حياتها.





ليست هناك تعليقات:

إرسال تعليق