بعد الفرح

 

 

الحلقة الحادية و العشرون

 

 

رجعت مي تاني تقعد في البيت لوحدها وكانت بتطلع غيظها في التنظيف فبقت كل يوم تصحى تفطر وتقعد تنظف الشقه وتلمع كل حاجه وتقعد تطبخ كل يوم حاجه جديده وبقت تهتم بآدم زياده عن اللزوم بس مع حسام بقت ساكته طول الوقت يعني يرجع من الشغل تقوله:
مي:احضر الغدا؟
حسام:آه انا ميت من الجوع
وبعد الغدا يدخل ينام وهي تعمل المواعين وتمسح المطبخ وتخرج تتفرج عالتليفزيون ويصحى حسام يلبس وينزل ويقولها:
حسام:عايزه حاجه اجيبها وانا راجع بالليل؟
مي:لأ شكرا
وينزل حسام يروح شغله التاني ويخلص الساعه 9 بالليل ويقعد عالقهوه ساعتين ويرجع بالليل يتعشى ويلاعب آدم شويه وينام وتفضل مي لوحدها وفضلت مي كده اسبوعين بعد كده حسام عشان حس انها زهقانه دخلها النت في البيت وابتدت مي تسلي نفسها وتقرا عن تربية الطفل والتعامل مع الازواج واشتركت في منتدى نسائي ومن وقتها مي مبقتش وحيده بس علاقتها بحسام بقت عاديه زي اي زوجين يعني مبقاش في كلام رومانسي ولا مفاجآت ولا ورد في عيد الحب وحتى عيد ميلادها حسام نسيه السنه ده فمي حست بفراغ عاطفي فظييييييييييع بس متكلمتش مع حسام في اي حاجه وفضلت شايله كل حاجه جواها.
حسام بقى لقي نفسه فرحان مع اصحابه عالقهوه وحس انه بيريح من الشغل المتعب وكمان فرح انه اشترك لمي في النت وحس انه كده مش مقصر معاها وكمان مي بقت مش بتتخانق معاه هو صحيح كان ساعات بيحس ان في حزن في عينيها بس كان بيقول لنفسه اكيد بيتهيأله...........
وفات اربع شهور عالوضع ده بس مي مقدرتش تستحمل الوضع اكتر من كده ففكرت في طريقه تغير بيها الوضع وفضلت تقرا عن المشاكل اللي زي بتاعتها وتشوف الستات بيحلوها ازاي؟؟؟؟؟؟؟؟؟؟؟؟؟؟؟؟

وفي واحده حلت المشكله دي بطريقه عجبت مي وحست انها ممكن تنفذها عشان حسام يبطل يروح القهوه كل يوم عشان هي اولى بالوقت اللي بيقعده مع اصحابه
وابتدت تنفذ الخطه فورااااااااااااااااااااا
اول حاجه عملتها عملت في البلكونه قعده عالارض واشترت شيشه وكل حاجاتها وقفلت ستارة البلكونه وابتدت تستعد للمعركه بالليل فلبست جيبه قصيره جلد اسود وبادي احمر حمالات ولبست آدم لبس جميل ورضعته كويس ونيمته في سريره وحطت ميك اب جميل وحضرت عشا في البلكونه وفضلت مستنيه حسام بس هو اتأخر للساعه واحده والاكل برد فمي فضلت تعيط عشان حست ان حسام خلاص مبقاش بيحب يقعد معاها في البيت وبقى بيقعد عالقهوه اكتر ما بيقعد معاها وقامت غيرت هدومها ونامت وكانت لسه بتعيط......................................
حسام كان مع اصحابه بيلعبوا استيميشن وكل ما يقولهم انا هروح يمسكوا فيه ويقولولوا انهارده الخميس هتروح تعمل ايه؟
وحسام قعد ومبطلش ضحك معاهم بس كل شويه يفكر في مي و آدم خصوصا انه كان واعد مي انه يخرجها يوم الخميس ومعملش كده غير مرتين بس طول الاربع شهور والمرتين مره راحوا لمامته ومره لمامتها فحس انه مقصر مع مي وقرر يصالحها لما يروح بالليل..................................
دخل حسام البيت الساعه تلاته الفجر ولقي الشقه ظلمه ماعدا نور البلكونه دخل لقي قعده جميله وشيشه وعشا محطوط على ترابيزه قصيره ومتغطي بفوطه وحس ان مي كانت عامله حاجه عشانه وهو اتأخر عليها فحس بالذنب ودخل اوضة النوم لقي مي نايمه في آخر السرير وآدم صاحي في سريره وبيلعب فحسام شاله وباسه وآدم ضحكله وكأنه بيسأله اتأخرت ليه يا بابا؟ وخرج حسام وهو شايل آدم من الاوضه وقعد معاه في البلكونه وفضل يلاعبه وآدم عمال يضحك بصوت عالي .
صحيت مي عشان تبص على آدم ملقتهوش في سريره فاتخضت عليه وقامت تدور عليه عالارض وعلى السرير بتاعها وبعد كده سمعته بيضحك فراحت تشوف في ايه فلقيت حسام شايله وبيلاعبه فراحت خدت آدم من حسام وقالت:
مي:هاته عشان هغيرله
حسام:مي
مي:نعم؟
حسام:انا آسف
مي:انت عملت حاجه عشان تعتذر؟
حسام:من فضلك يا مي انا مكسوف اوي من نفسي
مي:انا هروح اغير للولد
حسام فضل يبص لمي وهي ماشيه وفضل يفكر ازاي ممكن يصالحها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يا ترى حسام هيعمل ايه؟