بعد الفرح

 

الحلقة الحادية عشر

 

جه يوم العزومه وكانت مي نظفت الشقه يوم الخميس وصحيت بدري حضرت الفطار ووضبت الحاجات اللي فاضله وبعد شويه مامتها جت وجابت الاكل حمام محشي وفراخ محمره وكفته ولحمه محمره ومكرونه بالباشميل ورقاق ورز بالخلطه وحتى السلطات كانت عاملاها وابتدت تساعد مي عشان الضيوف هيجوا بدري
وحسام بعد الصلاه طلع جايب الفاكهه والحاجه الساقعه وحلويات شرقيه واول واحده جت مامت حسام بس جت بدري بصراحه قبل الضيوف بعشر دقايق فمي حمدت ربنا ان مامتها هي اللي حضرت العزومه والا كانت مخلصتش ابدااااااااااااااااا
وابتدى قرايب حسام يجوا اربع خالات وولادهم وعماته و لادهم وكانوا جايبن معاهم تورت وجاتوهات واول ما وصلوا مي قدمت عصير وبعد كده حضرت السفره مع مامتها وقعدوا يا كلوا فخالة حسام سألت:
خالة حسام:ما شاء الله عليكي يا مي حضرتي الاكل ده كله لوحدك؟
مي:لا يا طنط ده ماما عملت الاكل وجابته عشان انا برجع من الشغل متأخر
خالت حسام:تسلم ايدك يا ام مي الاكل جميل
ام مي:بالهنا والشفا
ام حسام:تعبتي نفسك يا حبيبتي
ام مي:لا ابدا ولا تعب ولاحاجه
حسام:تسلم ايدك يا حماتي
ام مي:الف هنا وشفا
وبعد الاكل دخلوا كلهم الانتريه وسابوا مي تدخل الاطباق لوحدها بس حسام مخدش باله ودخل معاهم بس مي ادايقت اوي:
مي:شفتي يا ماما مفيش واحده شالت طبق من مكانه
ام مي:بصي ياحبيبتي اتعودي عى حاجه الضيوف عندك ميشلوش حاجه من مكانها وانتي لما تزوري حد تساعديه عشان الذوق ده مش بيطلب
مي:انتي عرفتي الحاجات ده كلها امتى؟
ام مي:الزمن علمني يا حبيبتي
مي:بس انت مكنش ليكي اختلاط بحد خالص
ام مي:في حاجات امي علمتهالي وحاجات اتعلمتها لما اتجوزت
مي:يا رب اقدر اكون زيك يا ماما
ام مي:هتقدري ان شاء الله واحسن مني كمان
مي حضنت مامتها وقالت:ربنا يخليكي ليه يا ماما
ام مي:يلا كفايه كلام وروحي حطي الحلويات اللي جوزك جابها واللي الضيوف جابوها عالسفره وكمان الحاجه الساقعه والفاكهه وحطي اطباق وشوك
مي:حاضر
وابتدوا الضيوف ياكلوا الحلويات والفاكهه وبعد كده طلبوا شاي بس الحاجه اللي مي استغربتلها اوي انهم فضلوا قاعدين للساعه 11 بالليل ومي تعبت وكانت عايزه تنام وكمان مامتها روحت الساعه 8 بعد ما وضبت المطبخ لمي ........................................
الساعه 11 ابتدوا يستاذنوا ومشيوا واحده ورا التانيه ومي لاحظت ان فيه بنت من بنات خالة حسام بتبصلها اوي بطريقه غريبه ومامت حسام روحت معاهم بس فضلت مي تفكر ليه البنت ده بتبصلها كده؟؟؟؟؟؟؟؟؟؟؟؟


الساعه 12 مي اترمت عالسرير وحسام جنبها فقالها:
حسام:برافو عليكي يا مي العزومه كانت هايله
مي:متشكره يا حبيبي
مي:مين بنت خالتك اللي كانت لابسه طرحه بيج؟
حسام:آه ده هاله
مي:اصلها كانت بتبصلي اوي
حسام:متاخديش في بالك
مي:عايزه اعرف ليه؟
حسام:لا ابدا اصل مامتها كانت عايزانا نتجوز
مي:ومتجوزتهاش ليه؟
حسام:عشان قابلت واحده خطفت قلبي
مي:يعني كنت بتحبها؟
حسام:لا طبعا ده زي اختي بالضبط
مي:طب تصبح على خير
حسام:انتي هتنامي؟
مي:انا تعبانه اوي من الوقفه طول اليوم
حسام:طب تعالي نامي في حضني
مي:هنام هههههههه مش حاجه تانيه
حسام:يلا نامي ولا انتي عايزه حاجه
مي:ههههههههههه طيب تصبح على خير
وناموا وهما حاضنين بعض وكانت مي فرحانه ان حسام اتبسط في العزومه وتاني يوم ابتدى اسبوع جديد من الشغل والصحيان بدري......................