بعد الفرح

 

الحلقة الرابعة

 

 

خرجت مي من الصالون لقيت حسام خارج من الحمام فسألته:
مي :فين مامتك انا عملت الشاي
حسام:يمكن روحت ههههههههههه
مي:لا معتقدش
حسام:مش عرف يمكن في البلكونه
مي:طب عالى نشوفها كده
ودخلوا البلكونه ملقيوهاش فراحوا آخر مكان في الشقه اوضة النوم لقيوا مامت حسام نايمه على السرير وفارده جسمها وحاطه ايديها الاتنين ورا راسها واول ما شافتهم قالت:
ام حسام:انا قلت افرد جسمي شويه عقبال ما تعملي الشاي
مي:انا عملته تحبي حضرتك اجيبهولك هنا (ده انتي فظيعه مفيش ذوووووووق خااااااااالص )
ام حسام:لا انا هطلع اشربه معاكوا بره
وخرجوا من اوضة النوم ودخلوا الانتريه وجت مامت مي لقيت مي وشها مقلوب فسألتها بصوت واطي:
ام مي:مالك ياحبيبتي؟
مي:تخيلي حماتي لقيتها نايمه على سريري
ام مي:انتي بتهزري مش كده؟
مي:والله ابدا
ام مي:معلش هي بس تلاقيها غيرانه على ابنها
مي:اللهم طولك يا روح
ام مي:معلش يا حبيبتي
ام مي:انا هستأذن بقى وهكلمك بالليل في التليفون انا حطتلك الاكل في التلاجه وعملت المواعين
مي:ربنا يخليكي ليه يا ماما
ام مي:سلام عليكوا يا جماعه والف مبروك
حسام:ما لسه بدري يا حماتي
ام مي:بدري من عمرك يا حبيبي, سلام عليكوا
ونزلت مامت مي وفضلت مامت حسام .................................................. ..................................................
فضل حسام ومي يبصوا لبعض وهي قاعده مريحه عالآخر وبعد شويه قالت:
ام حسام:طيب اسيبكوا انا بقى
وقف حسام ومي علطول وحسام قال:
حسام:ما لسه بدري يا ماما
مي:خليكي شويه يا طنط او حتى خليكي بايته انهارده
ام حسام:ما انا اكيد هاجي ابات عندكم بس مش انهارده
مي( يالهوووووووووووي هتباتي عندنا في شهر العسل شهر ايه دول هما اسبوعين اجازه )
ام حسام:انا هنزل بقى فين عقبال ما الاقي تاكسي
حسام:تحبي آجي اوصلك يا ماما؟
ام حسام:مش عايزه اتعبك يا حبيبي
حسام:تعبك راحه يا ماما ثواني هغير هدومي
ام حسام قعدت تاني وقالت:طيب وآدي قعده
ودخل حسام يغير هدومه ومي قعدت مع حماتها لوحدهـــــــــــــــــــــــــــــــــــــــــــــ ــــــــــم
ام حسام:اصل حسام مش بيحبني اتعب ابدا
مي:طبعا يا طنط ربنا يخليكي لينا ( يارب صبرني عالست دي )
وجه حسام وقال:يلا بينا يا ماما
وبعد ما مامته خرجت من الشقه قال لمي بصوت واطي:مسافة السكه وراجعلك يا جميل
مي:سوق على مهلك هتوحشني
حسام:انتي واحشاني من ساعة ما جم عندنا يلا سلام دلوقتي
مي:مع السلامه
وقفلت مي الباب وقالت( يا ساتر الست دي مش هتجيبها لبر شكلنا هنعمل شوية مغامرات مع بعض ربنا يستر)
وكان المفروض ان حسام يرجع بعد نص ساعه بس فات ساعتين وهو لسه مرجعش فمي قلقت عليه فاتصلت بيه:
مي:الو ايوه يا حسام
حسام:ايوه يا مي
مي:اتأخرت ليه كده؟
حسام:انا جاي في الطريق خلاص لما اجي هحكيلك باي
مي:باي يا حبيبي

يا ترى ايه اللي حصل لحسام؟؟؟؟؟؟؟؟؟؟؟