بعد الفرح

 

 

الحلقة السابعة

 

فات اول اسبوع شغل وكانت مي متفقه مع حسام انها يوم الخميس هتنظف الشقه وياكلوا اي حاجه سريعه رجعوا البيت وحسام راح يتفرج عالتليفزيون وابتدت مي تنظف اوضة النوم الاول عشان حسام بيحب ينام وبعد ما خلصتها دخل حسام ينام وهي كملت تنظيف باقي الشقة وخلصتها بعد 3 ساعات ودخلت اخدت شاور جامد ولبست جيبه قصيره وبادي وقالت لنفسها:
( انا تعبانه اوي اما اروح اريح في الانتريه شويه )
وفعلا دخلت الانتريه وفتحت التليفزيون ولقيت فيلم بتحبه وقعدت تتفرج ولسه الفيلم هيبدأ سمعت جرس الباب بيرن فقامت تشوف مين وهي مش قادره تقف من التعب وفتحت الباب ويـــــــــــــــــــــــــــــــا ريتها ما فتحت:
مي:اهلا يا طنط اتفضلي
ام حسام:اهلا يا حبيبتي , فين حسام امال؟
مي:نايم شويه
ام حسام :طيب دخليلي الشنطه ده جوه لحسن تعبت من السلم
مي:حاضر ( وشالت الشنطه وكانت صغيره بس شكلها فيها هدوم حماتها فمي كانت عايزه تصرخ فيها عشان هي كانت عايزه تريح يوم الجمعه مش تقعد تضايف
حد طول اليوم)
ام حسام:صحي حسام بقى
مي:حاضر يا طنط
دخلت مي اوضة النوم وقالت:
مي:حسام يلا اصحي عندنا ضيوف
حسام:مين البارد اللي جاي يزورنا يوم الخميس
مي:مامتك
حسام:ماما ؟ يمكن جايه تسلم علينا
مي:يمكن (ده جايه تقعد معانا يومين يا حبيبي ربنا يصبرني)
خرج حسام وسلم على مامته وقعد معاها هو و مي:
حسام:وحشتيني يا ماما
ام حسام:ما انت نسيتني خلاص
حسام:متقوليش كده ياحبيبتي بس انت عارفه الشغل
ام حسام بصت لمي وقالت:عارفه يا ابني ربنا يقويك
مي :تشربي شاي ولا قهوه يا طنط؟
ام حسام:لا اعمليلي اي عصير لحسن ريقي ناشف
مي:حاضر (ابتدينا بقى الطلبات يا رب صبرني عالست دي)
دخلت مي بصينية العصير ومعاها طبق بسكوت وقدمت لحماتها كاس عصير واول ما شربت شيه قالت:
ام حسام:ايه ده انت مش حاطه سكر ولا ايه؟
مي:لا حطيت يا طنط تحبي ازود لحضرتك تاني؟
ام حسام:لاخلاص هشربه وخلاص
حسام:وازي خالاتي وعماتي؟
ام حسام:بخير يا حبيبي وعايزين يزوروكوا في مره
حسام:يشرفوا اي وقت
ام حسام:انا بقول تعملهم عزومه عالغدا
حسام:والله فكره , ايه رأيك يا مي؟مي:حددلي اليوم وانا اجهز كل حاجه
(عزومه وانا لسه مكملتش شهر جواز المفروض هما اللي يعزمونا ده نتوا عيله غريبه اوي)
ام حسام:خليها يوم السبت
مي:بس انا عندي شغل يوم السبت يا طنط
ام حسام:ما انا هبات معاكوا يومين عشان اساعدك
حسام:تنوري اماما بس لا يمكن تحطي ايدك في حاجه انتي تقعدي ملكه متوجه وكلنا نخدمك
مي (ملكه ايه يا اخويا يعني انا ارجع من الشغل اعمل اكل لكل الناس ده انتوا اشتريتوني ولا ايه ؟؟؟؟؟)
ام حسام:لا يا ابني لازم اساعد مي ده لسه عروسه
حسام:انا قلت لايمكن ,هي مي شاطره وهتعمل كل حاجه لوحدها
مي:طب ايه رأيك نخليها يوم الجمعه اللي جايه؟
ام حسام:برده احسن وانا هفضل قاعده اونسكوا الاسبوع ده
حسام:تنوري البيت يا ماما
مي(اسبوع هتقعدي معانا اسبوع كده كتير اوي)
حسام:انا بقول تنامي انتي في اوضة النوم يا ماما انا ومي هنام في الاتريه
ام حسام:لا يا حبيب اوعى تسيب اوضتك ابدا انا هنام في الانتريه
مي:ازاي يا طنط ميصحش؟
ام حسام:خلوني براحتي ولا اروح؟
حسام:لا تروحي ايه؟ خليكي براحتك
مي ( تروحي ؟ده انت جايه وناوياها صبرني يا رب )
وبعد شويه حضرت مي ساندويتشات للعشا وعملت شاي بلبن وفضلوا حسام ومامته قاعدين جنب بعض عالكنبه ومي مرميه على كرسي لوحدها وبعد شويه حط حسام راسه على حجر مامته ونام وشخر )
ام حسام:يا حبيبي ده شكله تعبان اوي
مي:آه ما هو بيتعب في الشغل ( امال لو كان جه وقعد ينظف الشقه كلها كان حصله ايه؟؟؟؟؟؟؟؟؟؟؟؟؟؟؟)
ام حسام:اصله يا حبيبي بيرهق نفسه اوي
مي:ايوه ما انا عارفه (بيتعب من الشخير والنوم عالكنبه ربنا يديله الصحه)
الساعه 11 مي مبقتش قادره تفتح عينيها ومامت حسام مصحصحه وحسام نايم وبيشخر فمي قالت:
مي:بعد اذنك يا طنط انا هروح انام
ام حسام :وهتسيبي جوزك هنا؟
مي:لاطبعا هصحيه, حسام يا اصحي يا حبيبي
حسام:في ايه؟
مي:يلا ندخل ننام
حسام:طيب , تصبحي على خير يا ماما
ام حسام: وانت من اهله يا حبيبي
ودخلت مي وحسام الاوضه ومي اترمت عالسرير من كتر التعب فحسام قالها:
حسام:انت هتنام ولا ايه يا جميل؟
مي:حسام انا صاحيه من الساعه 6 ومقعدتش على حيلي من الصبح فبجد عايزه انام
حسام:يعني ايه؟ مش هنهيص انهارده
مي:بقولك تعبانه
حسام:انتي حره نامي , وانا هنزل شويه عالقهوه
مي:مع الف سلامه
وقبل ما تسمع رده كانت مي نامت نوم عميق وحسام بصلها وهو متغاظ ولبس ونزل لاصحابه......................................

ايه اللي هيحصل في الاسبوع ده بين مي وحماتها ؟؟؟؟؟ وحسام هيتصرف ازاي؟؟؟؟؟