آنسة كومبيوتر

 

الحلقة الثالثة

كانتعبير واقفه مستنيه الاسانسير ونفسها تطلع عشان تاخد شاور و تقعد تبيض المحاضرات عاللاب توب و فجأه حست ان في حد جنبها بصت لقيت احمد جارهم فلقيته بيبصلها:
عبير بعصبيه: في حاجه؟
احمد: لا ابدا اصل شكلك تعبان
عبير:اصل المحاضرات كانت كتير اوي
احمد:ربنا معاكي
عبير:شكرا
احمد:هو انتي صحيح مش فاكراني؟
نزل الاسانسير وركب احمد وعبير :
احمد:مرديتيش عليه؟
عبير:لا خلاص افتكرتك
احمد:وانا كمان فاكرك وفاكر اني كنت بدايقك و احنا صغيرين
عبير:بتدايقني ؟؟ لا ابدا
احمد:يعني نسيتي اني كنت بتريق على نظارتك؟
عبير وشها احمر:لا عادي احنا كنا صغيرين
احمد:هو انتي ليه اخترتي قسم عبري؟
عبير:يعني حبيت ادرس لغتهم عشان اقدر افهم بيفكروا ازاي
وصل الاسانسير عند دور عبير وخرجت واحمد قالها وهو ماسك الباب:
احمد:نكمل كلامنا المره اللي جايه
عبير ضحكت ومشيت رنت جرس الباب ومامتها فتحت:
الام:حمدلله على السلامه عملتي ايه انهارده؟
عبير:تعبت خالص وميته من الجوع
الام:حالا هحضرلك الاكل
عبير:وانا هدخل آخد شاور
و بعد ما خرجت من الحمام لبست بيجاما لونها ازرق وقعدت تاكل وتحكي لمامتها يومها الاول وبعد كده دخت اوضتها تكتب المحاضرات عاللاب توب وبعد ما خلصت دخلت سريرها عشان تنام...........


احمد واقف في بلكونة اوضته وشغل الكومبيوتر بتاعه على اغنية لعمرو دياب وكان الصوت عالي
وقعد يبص على الشارع وفجأه سمع صوت جاي من البلكونه اللي تحته:
عبير بنرفزه:ممكن توطي الصوت؟
احمد ماسك نفسه من الضحك على شكلها بالبيجاما والنظاره:ليه؟
عبير باستغراب: مش عارفه انام
احمد ببرود عشان يضايقها:انتي هتنامي دلوقتي؟
عبير رفعت النظاره:ده بعد اذنك
احمد اتكلم جد :انا بهزر معاكي خلاص انا هقفل الاغنيه وانتي روحي نامي
عبير بصوت واطي شويه:طيب شكرا
ولفت عشان تدخل راح احمد قال:
احمد:عبير؟
عبير رجعت وبصت لفوق:نعم
احمد:تصبحي على خير
عبير:وانت من اهله
ودخلت السرير ونامت عشان كانت تعبانه خااااااااااالص....................



احمد لقي باب الاوضه بيخبط:
احمد:ادخل
ايمان فتحت الباب:ممكن اقعد معاك شويه؟
احمد:تعالي يا حبيبتي ,ها عملتي ايه اول يوم احكيلي
ايمان حكت لاحمد كل حاجه ببراءه واحمد فضل يسمعها ولما خلصت كلام قالها:
احمد:انتي رأيك مين احسن مش بس عند ربنا وكمان في نظر الناس سمر و شلتها ولا عبير اللي بتحضر كل المحاضرات؟
ايمان فكرت شويه:بس سمر واصحابها دمهم خفيف وبفضل طول الوقت اضحك
احمد:طيب ممكن تروحي لسمر بعد ما تحضري محاضراتك ايه رأيك؟
ايمان:تصدق معاك حق
وباسته في خده و قالت:
ايمان:انت احلى اخ فالدنيا
احمد طبطب عليها وقالها:يلا بقى روحي نامي وبكره تحضري كل محاضراتك
ايمان:ان شاء الله تصبح على خير
احمد:وانتي من اهله

وقف احمد يبص من البلكونه ويفكر ان ايمان زي اي بنت ممكن تصاحب اي شله فاشله في الجامعه بس هو قرر من زمان انه يصاحبها ويخليها تحكيله كل حاجه وهيفضل كده معاها لغاية ما يطمن عليها ...................