بعد الفرح

 

الحلقة الثامنة عشر

 

 

كانت مي خدت اجازه سنه عشان آدم وحسام لقي شغل تاني بعد الظهر عشان يقدر على المصاريف وابتدت مي تلاقي نفسها لوحدها ول اليوم فحسام بينزل الصبح الشغل ويرجع يتغدى ويرجع ساعتين يتغدى وينام وينزل تاني ويرجع الساعه 10 بالليل يتعشى وينام لكن مي حست بوحده فظيعه وكمان ىدم بقى متعب ومتعلق بيها بزياده حتى لما تدخل الحمام بتاخده معاها ومع انها دخلتله اكل غير الرضاعه الا انه متعلق بالرضاعه جامد جدا وحسام بقى علطول مشغول ومرهق من ضغط الشغل ويوم الجمعه بتروح لمامتها لوحدها وكمان حصل حاجه جديده ان عمر اخو حسام اتخرج واشتغل فمامت حسام بقت فاضيه وابتدت تيجي عند مي كتير عشان تشوف آدم وطبعا مي بقت علطول مشغوله بحماتها و آدم وحست انها مضغوطه خالص......................
حسام قبل ما ينام بالليل بيسأل مي:
حسام:هي ماما نامت ؟
مي:آه نامت
حسام:طب تعالي ادعكي ظهري لحسن واجعني
مي:حاضر
حسام:مالك ؟
مي:مفيش
حسام :لا بجد في حاجه
مي ابتدت تعيط جامد :انت مبقتش مهتم بيه خالص
حسام قام وقعد في السرير:ليه بتقولي كده؟
مي:انت متتكلمش معايا خالص
حسام:معلش يا مي انا مشغول وتعبان فلازم تستحمليني
مي:انا زهقت من قعدتي لوحدي طول اليوم
حسام:طب ما ماما بتيجي كتير وبتبات معانا كذا يوم في الاسبوع
مي:انا محتاجاك انت يا حسام
حسام:يعني اعملك ايه اسيب شغلي واقعد معاكي اسليكي ؟؟؟؟؟؟؟؟؟؟
مي:انت بتتريق عليه؟
حسام:اعملك ايه؟ انتي لازم تقدري ظروف شغلي
مي:انا عايزه ارجع الشغل
حسام:نعم؟؟؟؟؟؟؟ والولد هتوديه فين؟؟؟؟؟؟
مي:هوديه عند ماما
حسام:والرضاعه؟
مي:انا هسيبله لبن في التلاجه وماما هتسخنه
حسام:انا مش موافق طبعا
مي:من فضلك يا حسام انا زهقت من قعدت البيت
حسام:انا قلت لا يعني لا ومن فضلك اطفي النور واقفلي الباب عشان هنام
و خرجت مي من الاوضه ومسكت آدم وقعدت تعيط عشان زهقانه ومش حاسه بملل فظيع فقررت بكره تروح لمامتها الصبح تزورها وتتكلم معاها

يا ترى رأي مامت مي ايه؟ وهتقول ايه على موضوع رجوع مي الشغل؟