آنسة كومبيوتر

 

الحلقة الثالثة عشر

بصت عبير لأحمد وقالت:
عبير:بتحبني؟
احمد وعينيه كلها حب :ايوه يا عبير بحبك ونفسي توافقي تكوني الانسانه اللي اكمل معاها عمري
عبير:بس انت عمرك ما لمحت انك حاسس ناحيتي بأي حاجه
احمد و هو بيضحك:انا نفسي مكنتش عارف اني بحبك غير لما بدأت اغير عليكي من عمر
عبير وهي هتطير من الفرح:ياااااااااه مش مصدقه
احمد:يعني اهم من كده انك.........
عبير و وشها احمر من الكسوف:ايوه
احمد:ايوه ايه؟؟؟؟؟؟؟
عبير:ايوه وخلاص بقى
احمد وهو فرحان :طيب انا عارف انك مكسوفه بس اعملي حسابك هنيجي نزوركم انا وبابا وماما يوم الخميس
عبير:اوكيه بس......
احمد: بس ايه؟
عبير:خايفه بابا يرفض عشان انا لسه بدرس
احمد:لا سيبي الموضوع ده عليه انا



و روحوا مع بعض وكانت عبير فرحانه اوي ودخلت شقتها وهي بتغني فمامتها سألتها:
الام:خير يا عبير بتغني ليه؟
عبير:انا هقولك على حاجه هتفرحك اوي
الام:خير يا حبيبتي
عبير:عارفه احمد؟
الام:احمد مين؟
عبير:اخو ايمان جارتنا
الام:ايوه ايوه ماله؟
عبير:جاي يوم الخميس عشان يخطبني
الام:يخطبك ؟؟؟
عبير:ايوه يا ماما, ايه رأيك؟
الام:مش عارفه بابا هيقول ايه؟
عبير و هي مكشره:تفتكري هيرفض؟
الام وهي بتضحك وحست ان بنتها كبرت وبقت عروسه: متقلقيش يا حبيبتي
عبير باست مامتها:ربنا يخليكي ليه يا احلى ام فالدنيا



و دخلت عبير اوضتها تغير هدومها فسمعت اغنيه من البلكونه اللي فوقيها فدخلت لقيت احمد باصص عليها:
عبير:انت بتعمل ايه؟
احمد:بفكر؟
عبير:فأيه؟
احمد:في حبيبتي
عبير اتكسفت وسكتت
احمد:بحبك وانت مكسوفه كده
عبير:انا هدخل عشان ماما مستنياني
احمد:تصبجي على خير
عبير:وانت من اهله