الاثنين، 23 أبريل 2012

مذكرات بنت جد جدا

الحلقة العاشرة
طارق لما سمع كلام امينه حس انها زعلت منه وهوه بالعكس كان عايزها تفرح انه كام عايز يخف قبل ما يرتبط بيها عشان ميظلمهاش ...
امينه فضلت دموعها تنزل وحست انه اتعذب كتير لوحده وانها المفروض تقف جنبه مش تكمل حياتها وهيه فاكراه ناسيها وعايش حياته طبيعي...
وفضلوا ساكتين كتير اوي لغاية ما امينه طلبت منه انها ترجع عشان ترتاح شويه فعلا قاموا وركبوا العربيه وكل واحد فيهم بيفكر لوحده واول ما وصلوا الفيلا قابلهم بابا امينه وسألهم عملتوا ايه؟
فامينه استأذنت وطلعت اوضتها وباباها طله بعدها بشويه وخبط على الباب:
امينه:ادخل
ابو امينه:ممكن اتكلم معاكي شويه؟
امينه:اتفضل يا بابي
ابو امينه:ممكن اعرف الجميل ماله؟
امينه:انا زعلانه منك اوي يا بابي
ابو امينه:ليه يا حبيبتي؟؟؟
امينه:انت خبيت عليه اللي حصل لطارق
ابو امينه:لا يا امينه انا احترمت رغبة طارق انك متعرفيش غير في الوقت المناسب
امينه:بس انا حاسه انكوا كلكم خدعتوني
ابو امينه:انا هسألك سؤال واحد
امينه:اتفضل
ابو امينه:لو كان انت اللي حصلك الحادثه كنتي هتوافقي ان طارق يرتبط بيكي واني عندك ظروف خاصه
امينه سكتت وفكرت:لا طبعا كنت هتمنى يرتبط بواحده سليمه تقدر تسعده
ابو امينه:و ده بالضبط اللي عمله طارق خاف ترتبطي بانسان تتعبي معاه وانت لسه صغيره ومعندكيش خبره وكان ممكن توافقي عليه بدافع الشفقه وساعتها كان هيجي عليكي يوم تندمي انك ارتبطتي بيه.
وعلى فكره انا احترمت طارق انه فكر فيكي قبل ما يفكر في نفسه وعشان كده طلبت منك مترديش على احمد لما حب يتقدملك غير بعد ما تتخرجي وتشتغلي فهمتي بقى انا كان قصدي ايه؟
جريت امينه واترمت في حضن باباها وعيطت وبقت مش قادره تفكر او تاخد قرار.............
قررت امينه انها تاخد وقتها وتفكر براحتها في طلب طارق وانها تعامله كصديق طول فترة اجازتها في كندا كمان عشان تعرفه اكتر بعد ما بعدوا عن بعض فتره طويله وفضلو كل يوم يخرجوا كلهم يتفرجا على البلد ويتعشوا بره وكان في انسجام بين العيلتين وكان طارق ساعات يطلب من امينه تروح معاه الشغل عشان تتعلم حاجات جديده وكانت معجبه جدا بافكاره وطريقة ادارته للشركه وعدى الشهر بسرعه وقرب معاد سفر امينه مصر عشان اجازتها قربت تخلص.......

ويوم السفر الصبح خرج طارق وامينه يشتروا حاجات امينه محتاجاها وهما في العربيه ركن طارق على جنب وبصلها:
طارق:امينه
امينه:نعم
طارق :انتي مردتيش عليه
امينه:مش عارفه آخد القرار دلوقت
طارق :يعني هتسافري من غير مانتفق على اي حاجه؟؟
امينه:بص يا طارق طول ما انت جنبي تفكيري مش بيكون بعقلي بيكون بقلبي بس
طارق :مش فاهم
امينه:يعني انا شعوري ناحيتك زي ما هوه بس دلوقتي انا لسه بثبت نفسي في شغلي وكمان انا مش هقدر اعيش بعيد عن مامي وبابي ولا اقدر اعيش بعيد عن مصر وكمان انت لغاية دلوقت مقلتليش انا ايه بالنسبه ليك؟؟
طارق:انتي اول حب حسيت بيه ,انتي اللي انا بحلم بيها كل يوم,انتي اللي اتمنى تكون ام ولادي,انتي اللي اتمنى اشوفها اول ما افتح عينيه وقبل ما اغمضهم,انتي اللي نفسي اموت وانا في حضنها وتكون آخر عيون اشوفها قبل ما اموت.....
امينه نزلت دموعها وحست انه بتحلم زي ما كانت بتحلم بيه وهوه بعيد عنها ملقيتش كلام تقوله.......
وطارق مسك منديل ومسح دموعها وقالها اوعي تعيطي تاني طول ما انا عايش,بحبك يا امينه بحبك من اول يوم شفتك فيه وهعيش عمري كله احاول اسعدك وامنية حياتي توافقي تكوني مراتي
امينه:موافقه يا طارق موافقه
ورجعوا البيت وقالوا لاهلهم الخبر الجميل ده وكلهم باركولهم بس امينه كان ليها طلب واحد عشان تكمل فرحتها......
هكملكوا المره اللي جايه ان شاء الله



 



ليست هناك تعليقات:

إرسال تعليق