الاثنين، 23 أبريل 2012

مذكرات بنت جد جدا

الحلقة الحادية عشر

 

طلبت امينه انها تتجوز وتعيش في مصر وطبعا طارق وافق واهله وافقوا وقالوا انهم عايزين يرجعوا مصر وسافرت امينه واهلها وطارق عشان يجهزوا الشقه ويحجزوا للفرح وفي الطياره قعد طارق جنب امينه وقالها:
طارق:انا حاسس اننا بحلم

امينه: وانا كمان لسه مش مصدقه
طارق:امتى حسيتي انك بتحبيني؟
امينه:ياااااااااااااه فكرتني باحلى يوم في حياتي ....... يوم ما كنا في مارينا وانت جيت قعدت جنبي على الرمله ساعتها متكلمناش بس كنت حاسه اني قلت كل اللي جوايا, وانت؟
طارق: يوم ما خبطت فيكي في الكليه وانتي مبصتليش حتى
امينه:لا انا شفتك وقعدت اسأل نفسي مين الولد الجديد ده؟ ههههههههههه
طارق: طيب امتى حسيتي انك بتغيري عليه؟
امينه:يوم ما كنت بتضحك مع مي زميلتنا
طارق:مي ؟ يا امينه انا قابلت في حياتي بنات كتير زي مي لكن عمري ما قابلت غير امينه واحده بس
امينه:بجد يا طارق؟
طارق:بجد يا روح طارق
امينه:انا مش بحب الكلام ده
طارق : كلام ايه؟انا قلت حاجه غلط؟
امينه:كلام الحب وكده
طارق:امينه احنا هنتجوز كمان شهرين تلاته وعادي اني اعبر عن مشاعري ناحيتك
امينه:بس انا بتكسف
طارق:خلاص مترديش عليه وسيبيني انا اتكلم
امينه:اوكيه
ووصلوا الفيلا وبابا امينه قال لطارق يقعد معاهم عقبال ما يخلص توضيب الشقه وطارق وافق وابتدوا يجهزوا الشقه......
راحت امينه تتفرج على الشقه عشان تقول رأيها وعجبتها الشقه جدا بس طلبت تغييرات بسيطه:
امينه:حلوه اوي يا طارق بس انا عايزه اكبر اوضة النوم واعملها حمام خاص واوسع البلكونه عشان المنظر جميل اوي وعايزه المطبخ يكون امريكي وبس
طارق:كل اللي تقولي عليه هيتنفذ ان شاء الله
امينه :ميرسي
وابتدوا يشوفوا الاوض بس معحبش امينه حاجات معينه فطارق قالها خلاص انت اختاري اي موديل ونبعت نشتريه من ايطاليا او اي مكان يعجبك وفعلا اختاروا حاجات من النت واتفقوا عليها واتحدد وصول كل حاجه بعد شهرين بالضبط وكمان تكون الشقه خلصت.
وبدأوا يشوفوا هيعملوا فرحهم فين فطارق اقترح ان الفور سيزون مناسب عشان قاعته كبيره وفعلا امينه وافقت ومامتها كمان وفي يوم جه طارق ومعاه راجل وطلب من امينه ومامتها يتفضلوا عشان ينقوا الشبكه وقعدت امينه والراجل فتح الشنطه وخرج منها 5 اطقم سوليتير كانوا عجبوا طارق ومعرفش ينقي لوحده وفعلا عجب امينه واحد معين كله فصوص عل شكل قلوب رقيق وشيك جدا .
وكرت امينه هتشتري فستان الفرح منين خصوصا انها محجبه فمامتها قالت ممكن ننقي موديل ونخليه مناسب للمحجبات ونفصله واتفقت مامت امينه مع اتيليه تعرفه عشان يبتدوا يفصلوا الفستان...................
راح طارق وامينه مره يتغدوا في النادي وهما قاعدين جه احمد:
احمد:امينه كنت فين المده ده كلها؟
امينه:كنت مسافره
طارق:ازيك يا احمد
احمد :مين ؟ طارق ازيك اخبارك ايه؟
طارق :الحمدلله
احمد:رجعت مصر امتى؟
طارق :رجعت مع امينه
احمد:مع امينه ؟
طارق :قولنا مبروك احنا فرحنا كمان اسبوعين
احمد:مبروك يا طارق مبروك يا امينه ربنا يسعدكم,عن اذنكم عشان ورايا معاد مهم
امينه:انت كنت قاصد تضايقه؟
طارق:انت مش شايفه بيبصلك ازاي؟
امينه:بس انت كنت قاسي معاه
طارق:ما هو كان مسيره هيعرف
امينه:طيب
طارق:انت زعلتي مني؟
امينه :لأ بس صعب عليه اوي
طارق: وانا مش صعبان عليكي نفسي اسمع منك كلمه حلوه
امينه :وبعدين معاك اصبركلها اسبوعين
طارق:يار ب صبرني اسبوعين وقعدوا يضحكوا
وجه يوم الفرح وامينه قاعده في السويت بتاعها في الفندق بتجهز والكوافيره بتعملها الماسكات وكل حاجات العروسه وطارق كمان في السويت بتاعه الكوافير بتاعه بيعمله ماسكات وبيحطله كريمات زكل شويه طارق يتصل بامينه:
امينه:الو يا طارق
طارق:وحشتيني
امينه:طارق انا ورايا حاجات كتير
طارق:طب هاتي بوسه
امينه:مش بحب كده
طارق:امينه........احنا فرحنا انهارده
امينه:ما انا عارفه
طارق:انا حاسس انك مش عارفه اي حاجه
امينه:قصدك ايه؟
طارق:امينه انتي عارفه يعني ايه جواز؟
امينه:طبعا عارفه يعني بيت ومسؤوليه وكده
طارق:بجد هوه ده الجواز في نظرك؟؟؟؟؟؟؟؟؟؟؟
امينه:اه طبعا
طارق :طب سلام يا امينه اشوفك في الفرح
امينه:سلام
وقعدت امينه تضحك عشان طارق فاكرها لسه كابتن امينه وميعرفش انها انسه امينه وبالليل هتبقى مدام امينه..........
وابتدى الفرح ونزلت امينه ماسكه باباها ومغطيه وشها بالطرحه على موسيقى الكامنجات وجه طارق وخدها من باباها ورفع الطرحه وباسها في راسها وابتدت الزفه واول اغنيه اشتغلت كانت لمحمود العسيلي:
(انا كل ما اغمض عيني الاقيكي جايه من بعيد لابسه الفستان الابيض والمزيكا تقول وتعيد والاقيكي بتضحكيلي وبتقوليلي بقينا لبعض والاقي دقات قلبي من كتر الفرحه تزيد........)
وطارق قال لامينه:انا اللي اخترت الاغنيه ده
وابتدت اغنية اول رقصه سلو لشانايا توين(from this moment )ورقصوا عليها وامينه قالتله :
امينه:انا اللي مختاره الاغنيه ده
راح طارق شالها ولف بيها والناس صفقوا جامد اوي وفضل الفرح لغاية الساعه 3 وبعدين خلص الفرح على اغنيه اصاله
(بين ايديك) ورقص طارق وامينه وهما مش حاسين بالناس وبعدين سلموا على المعازيم وجت سالي قرصت امينه وقالتلها :مبروك يا حبيبتي عقبالي يا رب
مبروك يا طارق خلي بالك من امينه
طارق:في عينيه
وطلعوا السويت بتاعهم وقالها:مبروك يا عروسه
امينه:الله يبارك فيك يا عريس
وراحت امينه تلبس في الحمام وقفلت عليها الباب و......................



هناك تعليق واحد: