كم أحبك

دخل وائل منزله عائدا من عمله وكان سعيدا ان اليوم هو يوم الخميس فهو ينتظر هذا اليوم ليقضيه مع حبيبته و زوجته ملك و توقف لشراء بعض الزهور ليقدمها اليها فقد كان مفتقدها طوال الاسبوع
فتح وائل الباب ودخل ليجد رائحة المنزل جميله فقد كانت ملك تعطر المنزل باستمرار بروائح كاللافندر والياسمين و سمع صوتها قادما من المطبخ و هي تغني بصوت عذب:
ملك:بين ايديك انا بنسلى روحي .. بين ايديك.. صعب اعيش فالدنيا ده الا بيك....
وائل وهو يحتضنها من الخلف:يا سلام عالروقان
ملك وقد فوجئت بعودته مبكرا:حبيبي.. خضتني
وائل يلف ذراعيه حولها:وحشتيني موت موت موت
ملك وهي تبتسم برقه:قد ايه؟
وائل:قاااااااااااااااد الدنيا
ملك وهي تقبله برقه على رقبته:و انت كمان , بس قولي هنا انت ازاي تيجي من غير ما تكلمني مش انت عارف اني بحب اضبط نفسي
وائل مستغربا وهو ينظر اليها وقد كانت ترتدي شورت جينز قصير للغايه وعليه بادي حمالات احمر و قد رفعت شعرها للأعلى و تناثرت بعض الخصلات حول وجهها الرقيق فبرغم ان ملك بشرتها قمحية اللون و ملامحها عاديه الا انه كان يراها أجمل امرأه في الكون برقتها وحنانها البالغين:
وائل:هو انتي كده مش مضبطه نفسلك
ملك و على وجهها نظرة اندهاش:لأ طبعا , انا مش حاطه اي ميك اب او بيرفيوم
اقترب منها وائل فوجد رائحتها جميله للغايه:امال ايه الريحه اللي تجنن ده؟
ملك ضاحكه:ده ريحة عرقي ههههههههه
يضحك وائل :لأ بجد؟
ملك:ده ريحة اللوشن اللي بحطه بعد الشاور و كريم الوش و شوية حاجات كده بعملها كل يوم
وائل:يااااااه كل ده عشاني؟
ملك:عشانك وعشاني يا حبيبي
وائل:ربنا يخليكي ليا يا ملوكه
و ذهب وائل ليبدل ملابسه بينما اكملت ملك اعداد الطعام وبعد ان انتهت قامت بتحضير المائده بطريقه انيقه فجلس وائل و هو يشعر انه في افخم المطاعم وبينما يتناولان طعامها كانت ملك تقوم باطعام وائل في فمه كما كانت تتكلم معه في مواضيع طريف فتحكي له قصة قرأتها او فيلم شاهدته وبعد ان تناولا الغداء قام وائل وساعد ملك في تنظيف المائده وذهب ليحضر الشاي بينما ملك تغسل الصحون فقد اعتادت ان تغسل الصحون بعد الغداء مباشرة حتى يكون المطبخ دائما نظيفا و جلسا سويا في الشرفة يشربان الشاي و يضحكان و فجأه نظر وائل بعيدا فاحست ملك أن هناك ما يشغله
فقالت برقة بالغة:حبيبي سرحان في ايه؟
وائل و عيناه حزينتان:مش انا كده ظالمك معايا؟؟؟؟؟؟؟؟؟؟؟؟؟؟؟؟؟؟؟؟دخل وائل منزله يوم الثلاثاء و وجد المنزل رائحته غير طيبة و الملابس ملقاه على السرير والاطباق مكدسه داخل الحوض فظل يبحث عن زوجته وجدها نائمه في السرير فنظر الى ساعته فوجدها تشير الى الثالثة عصرا جلس بجوارها و هو يشعر بالحزن فحاول ايقاظها بلطف:
وائل:سلمى .. سلمى
سلمى بعصبية شديدة:يوووووووووووووه عايز ايه يا وائل؟
وائل يحاول التظاهر بهدوء الأعصاب:الساعه تلاته يا سلمى عايز اتغدى
سلمى:انت موراكش حاجه غير الاكل
وائل:يا سلمى انا مكلتش حاجه من الصبح
سلمى:يييييييييييييه هتسمعني الموشح اياه.... حاضر حاضر هحضرلك تاكل
وائل:طيب اغسلي وشك و انا هساعدك
سلمى:لا بقولك ايه مش بحبك تدخل معايا المطبخ
وائل:طيب يا سلمى بس يا ريت تهدي شويه
سلمى بصوت مرتفع:ايه شايفني مجنونه ادامك؟؟؟؟؟؟؟
وائل:لا يا سلمى مقصدش بس انا بقالي كذا يوم بره البيت ايه موحشتكيش؟
سلمى:توحشني!!!!! ليه هو انت كنت مهاجر دول هما كام يوم
وائل:طيب انا هستناكي في الانتريه عقبال ما تجهزي الأكل
سلمى توجهت الى المطبخ وهي غاضبه لأن وائل ايقظها من نومها لتعد له الطعام ياله من كسول هو يعلم جيدا انها تنام في ساعة متأخرة فهي لا تستطيع النوم باكرا .... ما المشكلة ان اعد لنفسه طعام الغداء !! يا له من زوج ممل.. و دخلت الى المطبخ واعدت طبق بسيط من البيض و وضعته امام وائل الذي خاطبها قائلا:
وائل:هو ده الغدا؟؟؟؟
سلمى:بقولك ايه هو ده اللي انا هعمله انهارده انا اصلا عايزه انام
وائل:بس يا سلمى انت مش بتطبخي بقالك فتره طويله
سلمى:امتى بقى هتفهم انك مش متجوز شغاله
ذهبت سلمى لتفتح جهاز التلفاز لتشاهد أحد الأفلام بينما وائل ينظر اليها بشعرها الحريري وعيونها الخضراء و بشرتها الناصعة البياض لكنها و برغم جمالها الباهر الا انها زوجه فاشله فهي تظل بنفس ملابس النوم ليومين او اكثر ولا تمشط شعرها الا عند خروجها من المنزل كما ان المنزل يعج بالفوضى وعدم النظافه و برغم ان هناك سيده تأتي لتنظيف المنزل أسبوعيا الا ان سلمى لا تقوم بتنظيف المنزل طوال الأسبوع , ولا تعد الطعام بل تحضر الاطعمه الجاهزه او تقوم بشراء وجبات سريعه و تمضي طوال اليوم في النادي بصحبة صديقاتها .


تذكر وائل كيف انجذب الى سلمى و قرر الزواج منها بالرغم من تحذير والدته له ان الزوجة الصالحه ليست المرأة الجميلة لكنه كان مأخوذا بجمالها وأناقتها و تزوجها خلال شهور قليله و قد اكتشف طبيعتها منذ يوم زفافهما فهي سريعة الغضب ولا تحترمه اطلاقا و قد كان يفكر في طلاقها الا انه اكتشف انها حامل فقرر الصبر ربما تتغير لكنها و برغم انجابها لابنتهما الوحيده دينا الا أنها ما زالت كما هي بل زادت طباعها سوءا مع مرور عشر سنوات على زواجه بها .


تنهد وائل وقام ليطمئن على ابنته في غرفتها و وجدها تذاكر دروسها :
وائل:ازيك يا حبيبتي عامله ايه؟
دينا تحتضن والدها قائله:بابي حبيبي حمد لله على السلامه وحشتني اوي
وائل:وانتي كمان يا حبيبة بابي, ها أخبار المذاكره ايه؟
دينا:الحمد لله
وائل:اتغديتي؟
دينا:مامي قالت اطلب ديليفري
وائل:طيب يا حبيبتي انا هدخل ارتاح شويه
دينا:اتفضل يا بابي


يدخل وائل غرفة النوم ليجد سلمى تستعد للخروج فسألها:
وائل:على فين يا سلمى؟
سلمى:رايحه النادي
وائل:مش هتقعدي معايا شوية؟
سلمى:مش ممكن يا وائل هو انت صغير!! احنا كبرنا بقى عالدلع ده
وائل نظر اليها معاتبا و تركها تذهب لأصدقائها .................................


تذكر وائل ملك حبيبته و ابنة خالته التي كانت تحبه طوال عمرها دون ان يشعر بها و التي اصيبت بانهيار عصبي يوم زفافه الى سلمى و بعد مرور خمس اعوام من زواجه الفاشل من سلمى علم وائل ان ملك ترفض أي عريس يتقدم لخطبتها فطلبت منه خالته ان يقنعها و بالفعل ذهب الى منزل خالته ليتكلم مع ملك لكنه فوجئ بها رافضه لفكرة الزواج تماما و عندها سألها وائل:
وائل:ليه بس يا ملوكه ؟
ملك:ارجوك يا وائل متضغطش عليا
وائل:طب لو في اي حد قوليلي وانا هساعدك
ملك نظرت الى عينيه وانفجرت فالبكاء مما جعل وائل يقترب منها محاولا تهدئتها فقالت له من بين دموعها:
ملك:ارجوك يا وائل سيبني دلوقتي
وائل باهتمام بالغ:لأ مش همشي غير لما اعرف مالك
ملك:بقولك مفيش
وائل:انتي بتحبي حد مش كده؟
ملك:و افرض هتعمل ايه يعني؟
وائل:هحاول اقرب بينكم
ملك من بين دموعها:واذا كان متجوز
وائل:ياه معقول انتي يا ملك بتحبي واحد متجوز؟
ملك بانفعال:ايوه متجوز و مخلف كمان
وائل:طيب بس اهدي و قوليلي بتحبيه من امتى ؟ وهو يعرف ولا لأ؟
ملك تهدأ قليلا:بحبه من يوم ما فتحت عينيه عالدنيا
وائل وقد بدأ يفهم : وهو يعرف؟؟؟؟؟؟
ملك:لا طبعا ميعرفش
وائل:هو بيحب مراته؟
ملك:مش مرتاحين مع بعض
وائل احس بأنه تسبب في آلام ملك وتذكر كيف كانت تنظر اليه دائما بعينين مليئتين بالحب لكنه كان يريد الزواج من فتاه جميله وقد تحقق له ما أراد وها هو يدفع الثمن
وائل:ملك تتجوزيني؟
ملك:انت بتقول ايه؟ انت فهمتني غلط؟
وائل يضع اصبعه على فمها:هششششششششششش
ملك:يا وائل....
وائل:انا آسف يا ملك على كل الالم اللي سببتهولك وارجوكي اديني فرصه أعوضك
ملك وعيناها مليئتان بالدموع:انا مقدرش اكون السبب في جرح انسانه تانيه
وائل:ارجوكي يا ملك سيبيني اشرحلك وبعدين احكمي

و بعد ان تحدث وائل مع ملك قررا ان يتزوجا دون علم سلمى حرصا على مصلحة دينا وتم الزواج و قد حضره اقاربهما فقط و مضت خمس سنوات و وائل يعيش اسعد ايام حياته مع ملك وبرغم محاولته العدل بين ملك وسلمى الا ان سلمى لا تستحق الا التجاهل لكنه مازال حريصا على ابنته , و ملك تساعده على العدل بينها و بين سلمى التي لا تشعر بأن زوجها قد تغير واصبح بعيدا عنها.



ذهب وائل ليلا لمنزل ملك و وجدها تشاهد احد البرامج الاخباريه فجلس معها و وضع ذراعه حول كتفيها وقال لها بصوت هامس:


وائل:كم احبك