يوميات مدام عنايات

الحلقة السادسة عشر

دخل عبده اوضة النوم وهوه حاسس انه بقاله سنه ماشفش عنايات وكانت واحشاه اوي وبيدور عليها بعينيه في كل حته لقيها قاعده على الكرسي في الظلمه وشكلها صعب خالص فسألها:
عبده:عنايات مالك يا حبيبتي ؟في حد من الولاد جراله حاجه؟
عنايات: عبده ,انا عرفت كل حاجه.................
عبده :عرفتي ايه؟ مش فاهم
عنايات:من فضلك يا عبده متخبيش عليه انا ماستهالش منك كده
عبده :انا اسف
عنايات:اسف على ايه بالضبط
عبده يعيط ويقول :انا مش عارف انا عملت كده ازاي
وهنا عنايات وقفت مكنتش بتتكلم عن اي حاجه غير انه خبى عليها ان منى سافرت معاه بس واضح ان الموضوع اكبر من كده بكتييييييير............
عنايات:متخبيش عليه اي حاجه انا من حقي اعرف
عبده : ارجوكي يا عنايات سامحيني انا مش هسامح نفسي ابدا على اللي انا عملته انا بجد مقدرتش اقاوم بس صدقيني انا حاولت كتيربس ضعفت انا لحد دلوقتي مش مصدق اني اتجوزتها عرفي ..............
عنايات اغمى عليها وعبده مش عارف يعمل ايه حاول يفوقها ومعرفش فاتصل بالاسعاف وخدوا عنايات على المستشفى وعبده راح معاها وساب الولاد عند هدى وقالها انها تعبت فجأه وهدى قالتله انا هاجي المستشفى اطمن عليها
وفي المستشفى الدكتور قال لعبده ان عنايات عندها صدمه عصبيه
وقعد عبده على الكرسي جنبها ومسك ايديها وقعد يعيط بصوت عالي وضل كده لغاية ما نام وهوه ماسك ايديها

عنايات فتحت عينيها لقيت نفسها في اوضه غريبه وهيه مش فاكره ايه اللي حصل ولقيت عبده نايم على الكرسي فابتسمت وبعدين افتكرت اللي حصل فبدأت تصرخ تصرخ بصوت عالي وعبده حاول يهديها وهيه بقوله كلمه واحده:
ليــــــــــــــــــــــــــــــــــــــــــــــــ ـــــــه ليــــــــــــــــــــــــــــــــــــــه ليــــــــــــــــــــــــــــــــــه
وجه الدكتوروالممرضات وطلبوا من عبده يخرج بره وادوها حقنه مهدئه ونامت والدموع بتنزل من عينيها ...........
وبعد يومين فاقت عنايات ولقيت ام عبده جنبها وكانت بتقرا قرآن واول ما حست ان عنايات صحيت قالت:
ام عبده : حمدالله على السلامه ياحبيبتي
فراحت عنايات حضنتها جامد وعيطت بس مش بصوت عالي وم عبده قعدت تعيط وتطبطب عليها وتقولها عيطي يا حبيبتي عيطي.........................