الأحد، 22 أبريل 2012

يوميات مدام عنايات


الحلقة الخامسة عشر

خرج منى وعبده وقالتله انها هتعرفه على اصحابها في باريس عشان هيعملوا حفله عشان يحتفلوا بيهم وعبده وافق بس كان كل تفكيره في عنايات وقد ايه هوه قرفان من نفسه وحاسس انه مش في وعيه وهو بيعمل كده في حبيبته ........
وصلوا فيلا بتاعت اصحاب منى دخلوا ومنى قعدت تسلم على الرجاله وتبوسهم وتسلم على الستات بايديها وعبده مستغرب اللي هيه بتعمله ولقي الجو مش متناسب معاه خالص خمرو وناس بترقص وكل واحد ماسك صاحبته على جنب بيعملوا حاجات غريبه وحس انه مخنوق فقال لمنى يلا نمسشي فمنى مرضيتش وقالت:

منى :ايه يا عبده لسه بدري هنروح دلوقتي
عبده: معلش يا منى يلا بينا
منى:ايه انا وحشتك ولا ايه ؟ههههههه
عبده:من فضلك يا منى يلا بينا انا مخنوق هنا
منى: طيب طيب متتضايقش كده يلا بينا
عبده لما وصلوا الفندق سألها:
عبده: انت ازاي تبوسي الرجاله في الحفله ولا كأنك متجوزة؟
منى:ايه يا عبده دول اصحابي من سنين وعادي بقى احنا في باريس مش في مصر
عبده: يظهر ان فيه حاجات كتير معرفهاش عنك
منى:خلاص بقى متزعلش يا حبيبي وانا بعد كده هاخد بالي (وقربت منه وحضنته من ورا )وقالت:
منى: تعالى نريح شويه قبل الغدا
عبده :مش عايز انام دلوقتي
منى:ومين قال اننا هنام....................احنا هنعمل حاجات تانيه وطبعا عبده مقدرش يقاوم وراح عندها و.......

هدى:مالك يا عنايات ساكته ليه؟
عنايات :لا ابدا اصلي جالي صداع
هدى : طيب روحي نامي شوية وبالليل هطلعلك اطمن عليكي
عنايات:طيب مع السلامه
هدى : مع السلامه
ودخلت عنايات اوضتها وقفلت عليها وقعدت تفكرليه عبده مقلهاش ان منى سافرت معاه وليه صوته كان متغير معاها الصبح وقررت انها مش هتتصل بيه تاني لحد ما يرجع بالسلامه وتبقى تسأله عن كل حاجه واهوه كلها تلات ايام ويرجع
وقعدت تصلي وتدعي ربنا انه يحفظلها جوزها ويبعد عنه منى ونامت اليوم ده وهيه بتعيط وحلمت احلام وحشه جدا

وج يوم رجوع عبده ومنى مصر وقبل ما يروحوا المطار عبده سألها:
عبده :هنتقابل ازاي في مصر
منى :متقلقش يا حبيي,انا عندي شقة بتاعتي في المعادي هنتقابل فيها كل يوم
عبده:لا كل يوم مينفعش عشان عنايات والولاد خليها بظروفها
منى : براحتك يا حبيبي
وركبوا الطيارة ومنى نامت بس محطتش راسها على كتف عبده وهوه كمان مبصش ناحيتها ومتكلموش خالص واول ما نزلوا من الطيارة وخلصو الاجراءات سلموا على بعض وجري عبده على البيت عشان عنايات والولاد وحشوه اوي
واول ما دخل البيت لقي البيت هادي وظلمه فقال اكيد عنايات محضرالي مفاجأة في اوضة النوم وفتح الباب وبص لقي...
اكملكوا المرة اللي جايه ان شاء الله

ليست هناك تعليقات:

إرسال تعليق