يوميات مدام عنايات

الحلقة السابعة عشر

وبعد كده عنايات روحت بيتها ومعاها حماتها واول ما دخلت لقيت عبده قاعد مع الولاد مستنينها واول ما شافوها جريوا عليها:
محمد: وحشتيني اوي يا ماما
مي :كل ده تأخير انتي كنتي بتعملي ايه عند الدكتور؟
عنايات حضنت الولاد وسابتهم ودخلت اوضتها وقفلت عليها الباب وجه عبده وحاول يدخل وقالها:
عبده :من فضلك يا عنايات افتحي ارجوكي اديني فرصه اسمعيني بس من غير ما تردي
طبعا عنايات مردتش وفضلت قاعده في السرير وحاضنه رجليها ومخبيه وشها وبتعيط وبعد كام ساعه قامت وغيرت هدومها وقعدت تفكر ازاي تقدر ترجع عبده وتدي منى درس عمرها ما تنساه ابدا وفي نفس الوقت ترد كرامتها اللي اتجرحت اوي........................
منى بقى كانت بتحاول تتصل بعبده وموبايله مقفول واتكلمت عالبيت محدش رد فقلقت وقعدت تقول يا ترى ايه اللي حصل يا عبده؟؟؟؟؟؟؟؟؟؟؟؟؟؟؟؟
تاني يوم الصبح طلعت عنايات من الاوضه بدري اوي وكانوا كلهم نايمين ماعدا عبده كان صاحي وشكله صعب اوي
اول ما شافها وقف وقالها:

عبده :عنايات من فضلك اسمعيني
عنايات:اسمعني انت ومتقاطعنيش خالص لحد ما اخلص كلامي
(وفي اللحظه ده خرجت ام عبده من الاوضه )وقالت:
ام عبده: قولي يا بنتي كل اللي جواكي وانت متفتحش بقك خالص
عبده: قولي كل اللي انت عايزاه
عنايات:طبعا انا مش هعاتبك عاللي انت عملته لان انا اكبر من كده وانت وهي اقل من اني افكر فيكم
وانا برده ست عاقله مش هخرب بيتي عشان عيالي ميتحرموش من باباهم وعشان اكمل معاك كام لاولادك عندي
عندي 3 شروط لو متنفذوش من انهارده يبقى لازم تطلقني
عبده :انا موافق عليهم كلهم
عنايات:لا لازم تسمعهم وتوافق عليهم قدام طنط وانا اهوه بديك حرية الاختيار مش بحطك ادام الامر الواقع زي ما عملت
معايا
عبده :قولي اللي انتي عايزاه وانا تحت امرك
عنايات:اول شرط انك توافق اني اشتغل كفايه اني من يوم ما اتخرجت من كلية الهندسه قاعده في البيت زوجة وام
وعمري ما قصرت معاك في اي حاجة
تاني شرط انك تشتريلي عربيه زي ما كنت واعدني وتكتبها باسمي هيه والشقه ده
تالت شرط وده اهم واحد وهوه ده اللي هتنفذه من دلوقتي حالا.......
عبده :ايه هوه؟
عنايات:طبعا المدام الجديدة كانت فاكره انك هتروحلها كام ساعه كل كام يوم مش كده؟
عبده:اه بالضبط ليه؟
عنايات: اللي هيحصل هوه العكس
عبده:يعني ايه مش فاهم؟
عنايات : يعني انت دلوقتي هتلم هدومك وهتتفضل تعيش معاها وتيجي تشوف الولاد كل ما يوحشوك وعشان ميبقاش ليك حجه مامتك تيجي تعيش معايا انا والولاد
عبده:ازاي تقولي كده انتي كده بتلغيني من حياتك
عنايات :ليه هوه انا اتجوزت واحد غيرك في لحظة ضعف
عبده: انتي عمرك ما كنتي قاسيه معايا كده
عنايات:انتي علمتني كل حاجه في الدنيا حتى القسوة اتعلمتها منك
عبده:انت مصممه على الشروط ده
عنايات : اتفضل يا عبده روح للانسانه اللي اخترتها وعجبتك ومقدرتش تقاومها وانا متخفش عليه انا والولاد احنا هنكون بخير (ودخلت جابت شنطتين كلهم حاجاته وسابتهم عند باب الشقه ودخلت اوضتها وقفلت الباب وقعدت على الارض تعيط من غير صوت ودعت ربنا يا رب قويني لحد الازمة ده ماتعدي وقعدت تعيط على عمرها اللي عدى قدام عينيها كأنه ثواني وافتكرت اول مره عبده يقولها بحبك لما كانت في تانيه عمارة واول مره مسك ايديها ولما جه هوه ومامته وباباه عشان يخطبوها ويوم فرحهم وافتكرت يوم موت باباها ازاي عبده خدها في حضنه لحد ما نامت من كتر العياط وازاي يوم ولادة محمد قعد عبده يعيط على باب اوضة الولاده وهوه سامعها بتصرخ وتتألم اول ما خرجت هيه والبيبي جري عليها هيه وقعد يبوس ايديها وكانه مان فاكرها هتموت وهي بتولد وافتكرت كل ذكرياتهم الحلوه سوا دي مقدرتش تفتكر ان في يوم ناموا مخاصمين بعض وفضلت مكانها لحد ما سمعت باب الشقة بيتقفل فخرجت من الاوضه عشان تحضر الفطار للولاد لكن لقيت ام عبده حضرت كل حاجه وقاعده مستنياها وكانت عامله كوبايتين شاي بالنعناع فجريت عنايات عليه واترمت في حضنها وقعدت تعيط بحرقه جامده اوي وام عبده تطبطب عليها وتقولها :
ام عبده :لا يا عنايات كفايه عياط قومي يا بنتي انت طول عمرك قويه وعمري ما شفتك ضعيفه ابدا قومي اقفي على رجليكي ورجعي جوزك تاني لبيته وعياله ومتخليش واحده زي ده تخرب بيتك قومي يا حبيبتي افطري ده انتي خسيتي خالص عنايات قالتلها:
عنايات وهي بتضحك من بين دموعها:انتي مش لسه كنتي بتقولي اني تخنت ههههه
ام عبده : ايوه كده اضحكي كده امال انا انكش مين في الكلام غيرك وبرده مستحملاني
عنايات : ربنا يخليكي ليه يا امــــــــــــــــــــي
هكملكوا عبده عمل ايه بعد شويه تكونوا قريتوا ده استنوني وقولولي ايه رأيكوا في قرار عنايات؟