مذكرات بنت جد جدا

الحلقة الثانية عشر

و الأخيرة

 

خرجت امينه من الحمام وهي فارده شعرها وكان طول خالص لغاية اخر ظهرها ولابسه حاجه غريبه..........
طارق كان واقف في البلكونه مستني امينه تخرج عشان يعبرلها عن فرحته ..فحس بحركه وراه لقي امينه واقفه ولابسه روب طويل ومقفول من فوق تحت بزراير صغيره وكتير فاستغرب بس كمان عجبه شعرها جدا وقالها:
طارق:الله شعرك طول اوي اول مره اشوفه
امينه:اصلي بقيت بحبه وهوه طويل
قرب طارق ولمس شعرها وهوه حاسس انه بيحلم وبعدين سألها:
طارق:هوه انتي بردانه؟
امينه:لأ ليه؟؟؟؟؟؟؟؟؟؟؟
طارق:اصلك لابسه روب وقافلاه فقلت اكيد بردانه
امينه:لا لا خالص
طارق:طب ما تفكي الزراير
امينه:ضروري؟
طارق:يعني يا ريت بعد اذنك اصل انهارده ليلة العمر تقريبا انا سمعتهم بيقولوا كده
وابتدت امينه تفك الزراير وطبعا عشان هما كتير نزل طارق على ركبه وقعد يساعدها وفك الزراير اللي تحت وطبعا خدوا وقت طويل عشان الزراير صغيره اوي وكتير اوي..................
وبعد ما خلصوا وقع الروب وطارق قال:
طارق:ياااااااااه ده انا ايدي وجعتني
وبص لامينه لقيها لابسه بيبي دول قصير وناعم اوي وشفاف اوي اوي فقالها:
طارق:اهوه كده تبقى ليلة العمر
امينه:متكسفنيش بقى
طارق:طيب تعالي نقعد على السرير
امينه :قبل ما نقعد انا في حاجه نفسي اعملها من زمان
طارق:خير اعملي كل اللي نفسك فيه
وقفت امينه قريب منه وحطت ايدها على شعره وبعدين لمست وشه حته حته
وطارق وشه احمر خالص وسألها :انتي عارفه انتي بتعملي ايه؟
امينه:اصلي طول السنين اللي فاتت كنت بحلم بيك فعايزه اتأكد اني مش بحلم وعينيها دمعت
طارق:لا لا انا مش عايز دموع انهارده انا عايزك تضحكي علطول
وشالها بين ايديه وحطها بحنان على السرير وطفى النور بس ساب نور الاباجورات وقرب منها وقالها:
طارق:انت خايفه مني؟
امينه:عمري ما خفت منك دايما بحس معاك بالامان
ولفت دراعتها حوالين رقبته و............................
وبعد ساعه سألها طارق:في حاجه بتوجعك؟
امينه:لا ......... انت بتقلق زياده عن اللزوم على فكره
طارق:اه انا بقلق عليكي انتي بس وخدها في حضنه وناموا

وبعد اسبوعين قدمت امينه استقالتها من شغلها عشان طارق فتح فرع لشركته في مصر وامينه هتساعده وابتدوا كل يوم يروحوا الشغل سواويرجعوا يفضلوا قاعدين في البيت لغاية ما يوم صحي طارق على صوت امينه في الحمام بتكح جامد
فقام بسرعه لقيها واقفه وعرقانه وماسكه فوطه فسألها:
طارق:انتي تعبانه؟
امينه بصوت واطي: لا ابدا يظهر خدت برد من التكييف
طارق:طب تعالي عالسرير وهتصل بالدكتور حالا
امينه:مفيش داعي يا طارق انا كويسه
طارق:لو سمحتي يا امينه سيبيني براحتي
وقبل ما ترد عليه كان اتصل بالدكتور وقاله تعالى بسرعه امينه تعبانه خالص
وامينه قعدت تضحك بس كانت تعبانه خالص وجه الدكتور وكشف على امينه:
الدكتور:ما تقلقش يا طارق يا ابني مفيش حاجه
طارق:ازاي يا دكتور ده رجعت اول ما صحيت من النوم
الدكتور:ما ده الطبيعي في الفتره ده
طارق:مش فاهم؟
الدكتور :مبروك يا امينه مبروك يا طارق هتجيبولنا بيبي جميل
طارق:لا يا دكتور من فضلك اتاكد كويس امينه لسه صغيره على الحمل
الدكتور بص لامينه:انتي عندك كام سنه؟
امينه وهي بتضحك:23 سنه يا دكتور,بس هوه طارق كده محسسني اني في KG1
الدكتور:هتاخدي الفيتامينات ده وتزوريني كل اسبوعين
ووصل طارق الدكتور ورجع جري لامينه:
طارق:حاسه بايه دلوقتي:
امينه:مش حاسه بأي حاجه ,اطمن
طارق:لا انا مش هطمن غير لما تقومي بالسلامه
وفضل طارق طول فترة الحمل قلقان عليها ويأكلها بنفسه ويغطيها بالليل ولو قامت بالليل تدخل الحمام يقوم يقف يستناها وكأنها اول ست تحمل في العالم وكانت امينه بتخبي عليه اي وجع عشان ميقلقش زياده وجه الشهر التاسع............

كانت امينه قاعده في البلكونه وحاطه رجليها على كرسي وبتفتكر كل اللي حصلها في الست سنين اللي فاتوا وكانت فرحانه اوي ان طارق بيحبها الحب ده كله .......وحست بيه رجع من الشغل:
طارق:ها يا حبيبتي عامله ايه انهارده؟
امينه:تمام
بيبص طارق لبطنها لقيها بتتحرك جامد فقالها:مال بطنك؟؟؟؟؟؟؟؟؟؟؟؟
امينه:ده البيبي بيتحرك
طارق :لا لا يلا عالدكتور بسرعه
امينه:يا طارق معادنا مع الدكتور كمان يومين وانا بجد كويسه
استسلم طارق ودخل الحمام وساب امينه في البلكونه بس امينه كان كل جسمها بيوجع وحاسه ان الخبط زياده عن كل يوم
بس قالت اكيد ده عادي...
بالليل وهما نايمين على السرير قامت امينه تجري على الحمام وطبعا طارق وراها وهي بتفكر ازاي بيحس اول ما تقوم؟
ودخلت الحمام وخرجت وقالتله:
امينه:طارق يا حبيبي انا كويسه الحمد لله بس تقريبا هولد انهارده
طارق:ايه هتولدي انهارده لسه فاضل اسبوع والتاسع يخلص
امينه:طارق يلا بينا ونتكلم في السكه
وركبت امينه العربيه واخدت شنطة البيبي وطول السكه طارق قلقان:
طارق:انا بقول انك لسه صغيره عالحمل والحاجات ده
امينه وهي بتتألم اوي:طارق مش ملاحظ ان الكلام ده متأخر شويه انا رايحه اولد
طارق:اه صحيح ,انا مش مسامح نفسي علي انتي فيه ده
امينه:ارجوك يا طارق سوق بسرعه شويه
وساق طارق بسرعه واول ما وصلوا المستشفى جري وقال: حد يساعدني مراتي تعبانه اوي
وجه ممرض بكرسي متحرك وخد امينه على اوضة الكشف وجه الدكتور وقالهم جهزوها لاوضة العمليات.....
وطارق مشي وراها وهي على السرير فقالتله :من فضلك يا حبيبي روح كلم مامي وبابي
طارق:بعدين بعدين
امينه:من فضلك يا طارق
طارق مشي وهوه مدايق انه هيسيبها فبصت امينه للمرضه اللي بتزق السريروقالت:
امينه:كان لازم ابعده عشان مش عارفه اتألم وهوه موجود اصله بيخاف عليه اوي
طارق:انا جيت ومش هتبعديني تاني.................
وقامت امينه بالسلامه ودخلت اوضتها في المستشفى وطارق وراها وشايل البيبي وقالها :
طارق:هتسميها ايه؟
امينه:اختار انت الاسم
طارق:بص للبيبي اوي وقال.............. هسميها امينه
امينه:تاني ........... وهتقلق عليها برده؟

طارق:امري لله هفضل طول عمري قلقان عليكوا انتوا الاتنين