الأحد، 22 أبريل 2012

سر زوجة

الحلقة التاسعة


ابتدت مقاومة فاطمه تقل وخلاص بقت اتعودت على كلام احمد الحلو واهتمامه الزايد بيها وفي يوم:
فاطمه قاعده بتشتغل وميرفت قاعده بتتكلم في التليفون وفجأه جت موظفه جديده الشركه وطبعا كلهم قعدوا يتفرجوا عليها وجه احمد يجري:

احمد:مين ده يا ميرفت؟
ميرفت:ده موظفه جديده
احمد: وهتكون معانا في القسم
ميرفت:مش عارفه هروح اسأل........
فاطمه:حلوه اوي الموظفه الجديده
احمد:مفيش احلى منك يا فطومه
فاطمه:مش هتعقل بقى؟
احمد:سيبيني انا عايز ابقى مجنون فطومه
فاطمه وشها احمر خالص
احمد:انا همشي بدل ما اقول حاجه ترجعي تزعلي مني
فاطمه كانت عايزه تقوله متمشيش, خليك شويه, محتاجالك............بس طبعا عمرها ما هتقول اللي جواها ابدا ابدا
وفعلا طلعت الموظفه الجديده في نفس القسم واسمها مروة وهيه قمحيه وملامحها جميله بس مش مخطوبه لسه ومن اول اسبوع بدأ اهتمام مروة باحمد وطبعا فاطمه كانت اول مره تجرب احساس الغيره وكمان مع انسان مش من حقها تفكر فيه اساسا .....بس غصب عنها
كانت فاطمه بتشتغل وجه احمد يصبح عليها وهوه جي وقفت مروه تتكلم معاه وهوه بيتكلم عادي وبيضحك بس فاطمه كانت هتتجنن وجه احمد لفاطمه:
احمد:صباح الخير يا فطومه
فاطمه وهي مكشره خالص:صباح النور
احمد:الله اول مره اشوفك مكشره كده معقوله في حد قمر كده وهوه مكشر؟؟؟؟؟؟؟
فاطمه:انا مش مكشره بس ورايا شغل
احمد:عارفه كانت مروه بتسألني على نوع موبايل كويس تشتريه
فاطمه:مسألتكش كانت بتقولك ايه
احمد:انا بس بحب اقولك كل حاجه
فاطمه ابتسمت شويه وقالتله:شكلك كده معجب بيها؟
احمد:لا يا فاطمه انا معجب بيكي انت
فاطمه سكتت وملقيتش كلام تقوله واحمد فضل باصصلها ومن بعيد مروه بتبص عليهم وهي مستغربه هوه ليه بيقف كل يوم عند فاطمه!!!!!!!!
وبعد كده باسبوع في وقت الاستراحه كانوا قاعدين يشربوا شاي فميرفت استأذنت عشان تروح الحمام فاحمد قال:
احمد بهزار:بقولك ايه يا فطومه
فاطمه:خير يا ترى
احمد :ما تيجي تطلقي ونبقى مطلقين زي بعض ونربي عيالنا سوا
فاطمه قامت وسابته وراحت الحمام وهي خايفه من طريقة كلام احمد حست انه مش بيحترمها خالص واسلوبه غريب.......ففكرت ازاي ترد عليه؟؟
فاطمه:انا عايزه اتكلم معاك
احمد:اتفضلي
فاطمه:انت ازاي تقولي كده للدرجه ده انا في نظرك مش محترمه
احمد:لا يا فاطمه ابدا وبعدين انا كان قصدي انك زوجه كويسه ومفيش زيك فالدنيا
فاطمه:خلاص يا احمد ومن فضلك خلي بينا حدود بعد كده
احمد:اللي يريحك
ومشيت فاطمه والدموع ماليه عينيها وبتقول لنفسها واحد بيعاكسك وهوه عارف انك متجوزه عايزاه يحترمك ازاي اذا كان انت محترمتيش نفسك؟؟؟
وفضل احمد اسبوع يصبح على فاطمه من بعيد وطول الةوقت يتكلم مع مروه ويفضلوا يضحكوا وفاطمه حاسه بنار جواها ومش عارفه ترتاح في بعده عنها بس لازم تستحمل عشان بيتها وولادها وكمان عشان احترامها لنفسها.
وفضلت تطلع اشاعات ان احمد هيخطب مروه وطبعا فاطمه بقت حزينه وخست خالص ومبقتش تضحك بس بتشتغل لحد ما يوم جه احمد:
احمد:صباح الخير يا فاطمه
فاطمه رفعت عينيها وكأنها بتحضنه عشان كان بقاله كتير متكلمش معاها وفضلت ساكته بس بتبصله وهو واقف ساكت وكأن الدنيا مش بتتحرك خالص......
احمد:عامله ايه؟
فاطمه:الحمد لله
فاطمه:انا عايزه اطلب منك طلب
احمد:اتفضلي
فاطمه: ممكن متخطبش مروه غير لما اسافر لجوزي
احمد:انت هتسافري ؟؟؟
فاطمه:احتمال
احمد:وهتسيبيني لوحدي؟
فاطمه:مش وقت هزار دلوقت
احمد :انا مش بهزر يا فاطمه انا بسألك بجد هتسيبيني؟
فاطمه:لازم اسافر بس اوعدني متخطبهاش غير لما اسافر
احمد:حاضر اوعدك
وبعد اسبوع جه احمد لفاطمه وقالها:
احمد :انا مسافر بكره اسوان وهقعد لآخر الاسبوع مش عايزه حاجه من هناك؟
فاطمه:اسبوع؟
احمد:ايه كتير؟؟؟؟؟؟؟؟؟؟؟؟؟؟
فاطمه من غير ما تكون مركزه:كتير اوي
احمد :طب بلاش اسافر
فاطمه:ايه ده روح شوف شغلك بلاش دلع
احمد:حاضر يا فطومه انا هرجع يوم السبت (وبصوت واطي :هتوحشيني اوي)
ومشي احمد وساب فاطمه في حيره مش عارفه تتصرف والموضوع بيتعقد اكتر..............
وفضل الاسبوع اللي احمد مسافر فيه يمر ببطء وفاطمه ساكته ومش بتتكلم خالص وبتعد الساعات عشان يوم السبت يجي ويوم الاربع قبل ما تروح البيت لقيت قدامها مفاجأه..............................

 



ليست هناك تعليقات:

إرسال تعليق