الأحد، 22 أبريل 2012

يوميات مدام عنايات


الحلقة العاشرة

و اول ما دخل عبده وعنايات الشقة وقفلوا الباب :
عنايات: خير يا عبده مالك انت متكلمتش طول السكه
عبده:ابدا مفيش
عنايات: لا بجد في حاجه حصلت في الفرح دايقتك؟
عبده : يعني مخدتيش بالك؟؟؟
عنايات :لا والله ابدا
عبده: مبروك جالك عريس
عنايات: الله يبارك فيه ما هو جه وانا وافقت واتجوزته كمان هههههههههه
عبده : انا مش بهزر دلوقت
عنايات :انت بتتكلم جد؟
عبده: ايوه والله وسالني عليكي عشان يتقدملك
عنايات : ومين بقى اللي معندوش نظر ده ومش شايف اني مدام وام كمان؟
عبده : زميلنا المهندس اسماعيل
عنايات: طيب يا حبيبي انا ذنبي ايه؟
عبده: انا مقلتش حاجه بس ادايقت اوي وكنت هموته بس مسكت نفسي عشان الناس
عنايات:ياااااااااه يا عبده اول مرة تغير عليه بالشكل ده
عبده: ده انا كنت هشيلك واجري بيكي بعيد عن عينيهم كلهم
عنايات قربت منه وقالت بصوت كله دلع:طب ما احنا فيها اهوه يلا شيلني هههههه
عبده: يعني انتي قد الكلام ده؟؟؟؟
عنايات :اه طبعا (وراح عبده شالها ودخلوا اوضة النوم وقفلوا الباب وهما بيضحكوا جامد )
يوم الاحد الصبح وصل عبده الشركة وقبل ما يقعد على المكتب التليفون رن ولقي المدير عايزه في مكتبه فراح يشوفه عايزه في ايه......................
عنايات بقى كانت عماله ترغي في التليفون مع منى وتحكيلها على اللي حصل وميتة من الضحك وهدى مش مصدقه ان كل ده حصل وبعدين قفلوا مع بعض عشان عنايات كانت هتنظف الشقة وتعمل الاكل وقعدت تغني وهي بتشتغل (جرب نار الغيرة جرب نار الغيرة وقولي قولي...........
في مكتب المدير:
المدير :اهلا يا باشمهندس عبده
عبده :اهلا بيك يا فندم ,خير يا فندم
المدير :لص يا سيدي انت هتسافر فرنسا اسبوع في زيارة لمصتع هنتعامل معاه الفترة اللي جايه
عبده :تحت امرك يا فندم وهسافر لوحدي؟
المدير :لا الباشمهندس احمد هيسافر معاك
عبده : والسفر امتى ان شاء الله؟
المدير: بعد اسبوعين جهز نفسك
عبده :ان شاء الله
ولما عنايات عرفت انه مسافر مع احمد اطمنت وقالت فرصة يبعد يمكن منى تشيله من دماغها ولو انه هيوحشها مووووت
وعدى الاسبوعين وعنايات جهزت الشنطة وكتبتله شوية حاجا يشتريهم من فرنسا وسلمت عليه هي والولاد وكنوا بيعيطوا عشان هيوحشهم اوي.
وصل عبده المطار وقعد يدور على احمد ومش لاقيه فاتصل بيه:
عبده : ايه يا احمد انت فين؟
احمد: معلش يا عبده اصل ماما في المستفى وانا اعتذرت للمدير بس نسيت اكلمك
عبده : الف يلامه على مامتك ربنا يطمنا عليها هكلمك تاني عشان اطمن عليها
احمد :متشكر يا عبده مع السلامه
عبده :مع السلامه
وراح عبده وخلص الورق وقعد يستنى ان باب الطيارة يفتح عشان يدخل وبيبص لقي مفاجأة مش متوقعه خااااااالص......
هكملكوا المره اللي جايه ان شاء الله عشان هيحصل حاجات جامده موووووووووووووت

ليست هناك تعليقات:

إرسال تعليق