يوميات مدام عنايات
الحلقة الحادية عشر
وبعد ماعبده وصل لباب الطيارة واستنى يفتحوا الباب بيبص لقى منى جايه
من بعيد لابسه جينز اسود وعليه جليتر بيلمع وبدي فضي نص كوم وسابوهفضي كعبه عالي
وفارده شعرها وبتقرب وهيه بتضحك:
منى :ايه رأيك في المفاجأه دي؟
عبده :مفاجأه غريبه,انتي مسافره انهارده؟
منى :اه مسافره
عبده :على فين ان شاء الله؟
منى :مسافرة فرنسا .........معــــــــــــاك
عبده : ازاي محدش بلغني خالص
منى:المدير كلمني الصبح وحكالي الظروف اللي عند احمد وقالي تقدري تسافري وانا وافقت .
عبده :طيب يلا عشان ندخل الطياره
ودخلوا الطيارة وقعدت منى جنب الشباك وعبده جنبها وهوه كان لسه مش مستوعب اللي حصل وكمان مش متعود انه يقعد جنب اي واحده قريب كده غير عنايات وقعد يفكر هعمل ايه طول الاسبوع مع منى ؟؟؟؟؟؟؟؟؟؟؟؟
وبعد ساعتين من الرحله عبده نام واتغطى بالبطانيه ولما صحي بعد شويه لقي منى حاطه راسها على كتفه ونايمه نوم عميق وشم ريحة البيرفيوم بتاعها وعجبه اوي وفجأة منى صحيت لقيت عبده بيبصلها جامد فقالت وهيه بتضحك:
منى: ياه ده انا باين عليه نمت وراسي جت على كتفك انا اسفه
عبده بلع ريقه وقال : لا ابدا مفيش حاجه
والمضيفه جابت الاكل وكل واحد اختار اللي هوه عايزه وبدأوا ياكلوا وفي وسط الاكل عبده لقى منى بتقرب منه جامد وبتقوله:في صلصه على شفايفك همسحهالك
عبده وشه احمر وحس انه مكسوف جدا وقالها: شكرا
وعدت الرحله على خير ونزلوا لقي مندوب من المصنع مستنيهم وخلص الاجراءات ووصلهم الفندق بالعربيه واتفق معاهم انه هيجيلهم الصبح الساعة 8عشان الاجتماع وطلعوا اوضهم اللي كانت جنب بعض وكل واحد فتح اوضته وقبل ما منى تقفل بابها قالت :نتقابل في المطعم كمان ساعه عشان نتغدى انا هموت من الجوع
عبده : اوكيه
ودخل عبده خد حمام ولما خرج طلب عنايات واطمن عليها وعلى الولاد ومرضيش قولها ان منى هيه اللي سافرت معاه مش احمد عشان متزعلش وبعد كده لبس بنطلون جينز ازرق وعليه قميص ابيض وحاط بيرفيوم ck ونزل يستنى منى
في المطعم ومسك المنيو عشان يشوف هيختار ايه وس ان منى جت فبيبص لقاها جايه لابسه فستان ابيض حمالات وطويل وعامله شعرها ديل حصان لفوق زلابسه صاندال ابيض وحاطه نفس البيرفيوم اللي كانت حطاه في الطياره وقام فتحلها الكرسي فمنى سألته:اتأخرت عليك؟
عبده : لا ابدا انا كنت بشوف المنيو تحبي تختاري ايه؟
منى :انت بتعرف فرنساوي؟
عبده : اه طبعا انا اخدت كورسات وانا طالب (وافتكر انه خد الكورسات عشان عنايات متروحش لوحدها من غيره )
منى :طيب كويس اوي وانا كمان درست فرنساوي لغاية ثانويه عامه
عبده طلب الغدا وطول الوقت منى بتسأله وهوه يجاوب وكان كل اسئلتها عنه هوه يعني بيحب ايه؟ يكره ايه؟الافلام اللي بيحبها؟ وفضلوا ساعتين في المطعم وبعدين عبده قال:
عبده: مش نطلع ننام انا تعبت خالص
منى : ايه ده لسه بدري معقوله نيجي باريس وننام دلوقت تعالى انا هوديك شوية اماكن عمرك ما سمعت عنها
عبده :انت جيتي فرنسا قبل كده؟
منى :انا كل سنه كنت بسافر فرنسا اوايطاليا مع بابا
عبده :طيب ما نخليها بكره انا تعبان
منى :انا عايزاك تسيبلي نفسك طول الاسبوع واوعدك انك عمرك ما هتنسى الاسبوع ده ابدا
عبده :اوكيه يلا بينا يا ستي
وابتدت منى توديه كل الاماكن السياحية وكانت كأنها مرشده سياحية وهو سائح بيشوف كل حاجه لاول مرة وقعدت تحكيله تاريخ كل شارع واتصوروا في كل مكان يروحوا وعبده كان مبهور بجمال البلد جدا وفضلوا سهرانين لغاية الساعه واحده الصبح وفي الآخر عبده قالها : احنا كده بكره مش هنقدر نصحى بدري يلا بقى نروح الفندق
منى :طيب اللي يريحك
وطلعوا كل واحد اوضته واتفقوا يتقابلوا الصبح الساعه سبعة ونص علشان يفطروا وعبده اول ما شاف السرير رمى نفسه وابتدى يفكر ان عنايات وحشته اوي وهيكلمها و خخخخخخخخخخ خخخخخخخخخخ خخخخخخخخخ
والصبح عبده صحي على صوت جرس تليفون الاوضه فرفع السماعه:
عبده:الو مين
منى : انت لسه نايم يا عبده الساعه 8الا تلت كده هنتأخر
عبده:يا خبر انا 5دقايق وهنزل
ونزل عبده وهوه لابس بدله كحلي قابل منى وكانت لابسه بدله بيج جاكتها قصير وكانت فارده شعرها:
عبده: صباح الخير
منى : صح النوم
وطلبوا الفطار وفطروا والساعة 8 بالضبط جه مندوب المصنع وركبوا العربيه وراحوا الاجتماع وكانوا مشغولين جدا
وبالليل حصل حاجه مش متوقعه خااااااالص ................
هتعرفوها المره اللي جايه ان شاء الله
منى :ايه رأيك في المفاجأه دي؟
عبده :مفاجأه غريبه,انتي مسافره انهارده؟
منى :اه مسافره
عبده :على فين ان شاء الله؟
منى :مسافرة فرنسا .........معــــــــــــاك
عبده : ازاي محدش بلغني خالص
منى:المدير كلمني الصبح وحكالي الظروف اللي عند احمد وقالي تقدري تسافري وانا وافقت .
عبده :طيب يلا عشان ندخل الطياره
ودخلوا الطيارة وقعدت منى جنب الشباك وعبده جنبها وهوه كان لسه مش مستوعب اللي حصل وكمان مش متعود انه يقعد جنب اي واحده قريب كده غير عنايات وقعد يفكر هعمل ايه طول الاسبوع مع منى ؟؟؟؟؟؟؟؟؟؟؟؟
وبعد ساعتين من الرحله عبده نام واتغطى بالبطانيه ولما صحي بعد شويه لقي منى حاطه راسها على كتفه ونايمه نوم عميق وشم ريحة البيرفيوم بتاعها وعجبه اوي وفجأة منى صحيت لقيت عبده بيبصلها جامد فقالت وهيه بتضحك:
منى: ياه ده انا باين عليه نمت وراسي جت على كتفك انا اسفه
عبده بلع ريقه وقال : لا ابدا مفيش حاجه
والمضيفه جابت الاكل وكل واحد اختار اللي هوه عايزه وبدأوا ياكلوا وفي وسط الاكل عبده لقى منى بتقرب منه جامد وبتقوله:في صلصه على شفايفك همسحهالك
عبده وشه احمر وحس انه مكسوف جدا وقالها: شكرا
وعدت الرحله على خير ونزلوا لقي مندوب من المصنع مستنيهم وخلص الاجراءات ووصلهم الفندق بالعربيه واتفق معاهم انه هيجيلهم الصبح الساعة 8عشان الاجتماع وطلعوا اوضهم اللي كانت جنب بعض وكل واحد فتح اوضته وقبل ما منى تقفل بابها قالت :نتقابل في المطعم كمان ساعه عشان نتغدى انا هموت من الجوع
عبده : اوكيه
ودخل عبده خد حمام ولما خرج طلب عنايات واطمن عليها وعلى الولاد ومرضيش قولها ان منى هيه اللي سافرت معاه مش احمد عشان متزعلش وبعد كده لبس بنطلون جينز ازرق وعليه قميص ابيض وحاط بيرفيوم ck ونزل يستنى منى
في المطعم ومسك المنيو عشان يشوف هيختار ايه وس ان منى جت فبيبص لقاها جايه لابسه فستان ابيض حمالات وطويل وعامله شعرها ديل حصان لفوق زلابسه صاندال ابيض وحاطه نفس البيرفيوم اللي كانت حطاه في الطياره وقام فتحلها الكرسي فمنى سألته:اتأخرت عليك؟
عبده : لا ابدا انا كنت بشوف المنيو تحبي تختاري ايه؟
منى :انت بتعرف فرنساوي؟
عبده : اه طبعا انا اخدت كورسات وانا طالب (وافتكر انه خد الكورسات عشان عنايات متروحش لوحدها من غيره )
منى :طيب كويس اوي وانا كمان درست فرنساوي لغاية ثانويه عامه
عبده طلب الغدا وطول الوقت منى بتسأله وهوه يجاوب وكان كل اسئلتها عنه هوه يعني بيحب ايه؟ يكره ايه؟الافلام اللي بيحبها؟ وفضلوا ساعتين في المطعم وبعدين عبده قال:
عبده: مش نطلع ننام انا تعبت خالص
منى : ايه ده لسه بدري معقوله نيجي باريس وننام دلوقت تعالى انا هوديك شوية اماكن عمرك ما سمعت عنها
عبده :انت جيتي فرنسا قبل كده؟
منى :انا كل سنه كنت بسافر فرنسا اوايطاليا مع بابا
عبده :طيب ما نخليها بكره انا تعبان
منى :انا عايزاك تسيبلي نفسك طول الاسبوع واوعدك انك عمرك ما هتنسى الاسبوع ده ابدا
عبده :اوكيه يلا بينا يا ستي
وابتدت منى توديه كل الاماكن السياحية وكانت كأنها مرشده سياحية وهو سائح بيشوف كل حاجه لاول مرة وقعدت تحكيله تاريخ كل شارع واتصوروا في كل مكان يروحوا وعبده كان مبهور بجمال البلد جدا وفضلوا سهرانين لغاية الساعه واحده الصبح وفي الآخر عبده قالها : احنا كده بكره مش هنقدر نصحى بدري يلا بقى نروح الفندق
منى :طيب اللي يريحك
وطلعوا كل واحد اوضته واتفقوا يتقابلوا الصبح الساعه سبعة ونص علشان يفطروا وعبده اول ما شاف السرير رمى نفسه وابتدى يفكر ان عنايات وحشته اوي وهيكلمها و خخخخخخخخخخ خخخخخخخخخخ خخخخخخخخخ
والصبح عبده صحي على صوت جرس تليفون الاوضه فرفع السماعه:
عبده:الو مين
منى : انت لسه نايم يا عبده الساعه 8الا تلت كده هنتأخر
عبده:يا خبر انا 5دقايق وهنزل
ونزل عبده وهوه لابس بدله كحلي قابل منى وكانت لابسه بدله بيج جاكتها قصير وكانت فارده شعرها:
عبده: صباح الخير
منى : صح النوم
وطلبوا الفطار وفطروا والساعة 8 بالضبط جه مندوب المصنع وركبوا العربيه وراحوا الاجتماع وكانوا مشغولين جدا
وبالليل حصل حاجه مش متوقعه خااااااالص ................
هتعرفوها المره اللي جايه ان شاء الله
ليست هناك تعليقات:
إرسال تعليق