يوميات مدام عنايات

 

الحلقة الرابعة عشر

 

وصلنا لغاية ما عبده كان بيرقص مع منى ومستني بالليل يجي بفارغ الصبر ومنى عماله وهي بترقص تشوقه اكتر
وبعد ما سلموا على مدير المصنع ومراته راحوا الفندق وهما ماسكين ايد بعض ووصلوا لحد اوضة منى واخد منها عبده المفتاح وهو ايديه بتترعش ومنى عماله تضحك واخيرا قدر يفتح الباب ودخلوا وقفلوا الباب وجوه....قالتله:
منى:مبروك يا عبده
عبده :الله يبارك فيكي (وفجأة رن موبايل عبده بيبص لقي عنايات بتتصل فاتخض وحس مش قادر يرد عليها )
منى :مين يا عبده؟
عبده:ده عنايات مراتي
منى:متردش دلوقتي ابقى كلمها الصبح, انهارده ليلة عمرنا (وقربت منه اوي وشدته ليها ووخدته عند السرير و.......)
عنايات كانت بتحاول تتصل بعبده تطمن عليه بس مردش عليها فقالت اكيد نايم يا حبيبي الصبح ابقى اكلمه
هدى بقى طلعت بالليل لعنايات وخدت معاها الرقم اللي كانوا مشترينوا عشان يتعرفوا على منى وابتدوا ينفذوا الخطة.....
هدى اتصلت بالرقم وكحت قبل ما تتكلم:
هدى :الو السلام عليكم
الصوت: وعليكم السلام
هدى:مع حضرتك مندوبة فندق الشيراتون
الصوت:اي خدمه؟
هدى:احنا عندنا عرض تايم شير
الصوت:انا مش فاضي دلوقتي ممكن تكلميني وقت تاني
هدى :طيب ممكن حضرتك تديني الايميل بتاعك ابعتلك العرض عليه؟
الصوت: اوكيه الايميل هوه...........
هدى :متشكرة يا فندم
وبعد ما قفلت بصت لعنايات وقالتلها:
هدى :انا عرفته يا عنايات
عنايات: قولي بسرعه
هدى: تدفعي كام؟؟؟؟
عنايات: هتقولي ولا اعضك بجد والله
هدى وهي بتضحك:خلاص خلاص هقول................
الصبح في الفندق صحيت منى على صوت غريب جدا خخخخخخخخخخخ خخخخخخخخخخ خخخخخخخخخ
فقالت ايه الازعاج ده؟
وفي نفس الوقت كان عبده بيصحى وهوه مبتسم وعمال يفكر(اما كان حتة حلم ولا في الخيال مش عارف لما احكيه لعنايات هتعمل فيه ايه ههههههههههه)
قعد عبده في السرير وبيبص في الساعه فحس بحركه جنبه بيبص لقى منى نايمه على بطنها وظهرها باين وشعرها مفرود على المخده فافتكر انه مش حلم وانه فعلا اتجوزمنى ......اتجوزعلى عنايات حبيبه عمره.......وحس انه غلط غلطه كبيره اوي عشان شهوه مؤقته وقام دخل الحمام وتحت الدش حس بدموعه بتنزل .......وقال : سامحيني يا عنايات
صحيت منى لما حست بعبده خرج من الحمام وقالتله:
منى: صباحيه مباركه يا عريس
عبده:صباح الخير
منى:انت مش فرحان ولا ايه؟ (وابتدت تعيط ودموع التماسيح عماله تنزل)
عبده حس ان منى ملهاش ذنب وان هوه اللي ضعف قدام جمالها وهي مرضيتش تغلط ومعملتش معاه اي حاجه غير لما اتجوزوا وانها ضحت ورضيت تتجوزه عرفي عشان تحافظ على بيته فراح يصالحها:
عبده:مين ده اللي مش فرحان ,ده انا طاير من الفرح بس اللي انا فيه جديد عليه
منى بدلع : بجد يا عبده وحضنته جامد
عبده : بجد يا منى
منى :طيب هنعمل ايه انهارده
عبده :اللي انت عايزاه
منى :انا محضره مفاجأة يا رب تعجبك
عبده: اكيد هتعجبني
منى: اطلب الفطار عقبال ما اخد حمام
عبده :اوكيه
واول ما منى دخلت الحمام اتصل بعنايات:
عبده:الو,صباح الخير يا حبيبتي
عنايات:صباح الخير يا حبيبي وحشتني موت موت موت
عبده وهو حاسس بالذنب:وانتي كمان,ازيك وازي الولاد؟
عنايات:تمام المهم انت مبسوط؟
عبده:انا عمري ما هكون مبسوط من غيرك
عنايات: مالك يا عبده
عبده:وحشتيني اوي
عنايات:وانت كمان يا حبيبي
عبده:طب يا حبيتي اسيبك دلوقتي
عنايات:مع السلامه,لا اله الا الله
عبده:محمد رسول الله
وخرجت منى من الحمام لابسه طقم داخلي ازرق وراحت عشان تلبس فعبده لقيها ماسكه فستان قصير اوي لونه ازرق فقالها:
عبده :انتي هتخرجي كده
منى: اه يا حبيبي مش عاجبك؟
عبده:انت دلوقتي مراتي مينفعش تلبسي عريان كده
منى:ايه يا عبده انت بتغير عليه؟
عبده:مش مسألة غيره مينفعش مراتي تلبس كده في الشارع
منى:حاضر يا عبده (ولبست بنطالون جينز ازرق فاتح وعليها بلوزة نص كم قصيرة)
وخرجوا عشان توديه عند المفاجأة............
عنايات وهدى عرفوا من الايميل اسم الراجل اللي بيعاكسها في التليفون وقبل ما يقرروا يعملوا ايه رن موبايل عنايات :
عنايات:الو
دعاء (مرات احمد زميل عبده):الو ,ازيك يا عنايات معلش مسألتش عليكي بس انتي عارفه الظروف
عنايات:اهلا يا دعاء ظروف ايه يا حبيبتي خير
دعاء:عشان حماتي تعبانه في المستشفى وبجد مش بفضى خالص
عنايات:الف سلامه عليها واحمد عرف ان مامته تعبانه؟
دعاء :اه طبعا ده مسبهاش ولا دقيقة
عنايات:هوه مش احمد مسافر فرنسا مع عبده؟؟؟؟؟
دعاء :ما هوه اعتذر في آخر وقت للمدير
عنايات: يعني عبده سافر لوحده؟
دعاء :هوه انتي متعرفيش؟
عنايات:معرفش ايه؟
دعاء:المدير خلى المهندسه منى تسافر مكان احمد
عنايات: اصل عبده مشغول فمش بنلحق نتكلم كتير
دعاء :المهم لو محتاجه اي حاجه انا واحمد موجودين
عنايات:ميرسي يا حبيبتي وسلامي لوالدة احمد
دعاء : يوصل ,مع السلامه
عنايات:مع السلامه
وفضلت عنايات ساكته بس حاسه ان فيه سكينه في قلبها.....................
هكملكوا المرة اللي جايه ان شاء الله