يوميات مدام عنايات

الحلقة الثالثة عشر

 

 

الصبح صحي عبده على تليفون منى:
منى :صباح الخير يا عبده انت لسه نايم
عبده:اه ما انهارده معندناش شغل الصبح وبالليل معزومين عالعشا مع مدير المصنع
منى: طيب يلا بسرعه انا هستناك عالبيسين نفطر سوا
عبده :طيب نص ساعه واكون تحت
واتصل عبده يطمن على عنايات والولاد وكلمها وطمنها عليه وسأل الولاد عاملين ايه في الامتحانات وقفل معاها وقام ياخد حمام ............
عنايات اول ما نزلت الولاد طلعت على هدى تحكيلها عن مكالمة امبارح:
هدى:انت قلقانه ليه؟ اكيد واحد بيعاكس
عنايات :لا محستش بكده انا متأكده انه يعرفني وخايفه اوي
هدى:معقوله وهيكون مين ده يا ترى؟
عنايات :مش عارفه .............
هدى:المهم عبده بيكلمك؟
عنايات : لسه مكلمني لما صحي بتوقيت فرنسا ,كويس الحمد لله
هدى :اوعي يكون بيلعب بديله هوه واحمد صاحبه هههههههههه
عنايات : عبده؟؟؟؟؟ اخص عليكي يا هدى ده لو كل الرجاله لعبت بديلها عبده مش ممكن ابدا

نزل عبده وراح عند البيسين لقى منى نايمه على الشيزلونج زلابسه مايوه بيكيني اسود وفيه سلسله دهبي نازله من الصدر لحد البطن ولابسه نظاره شمس سودا ماركةDIOR فمقدرش يشيل عينيه من عليها وقالها:
عبده : صباح الخير يا منى
منى : صباح الخير يا عبده (وشالت النظاره وبصت في عينيه )
منى : نمت كويس؟
عبده كح الاولعشان يسلك صوته)اه نمت كويس
منى : يلا ننزل نعوم شويه لحد الفطار ما يجي
عبده:يلا بينا (وراح نط في الميه وكانت ساقعه شويه بس هوه كان محتاج ميه ساقعه عشان يفوق من تأثير منى عليه )
منى:يلا سابقني
(وعامت بعيد وعبده راح وراها وهي كانت بتضحك وفجأة عبده لقيها وقفت ومش بتتحرك فرجعلها )وقالها:
عبده : وقفت ليه
منى: اصلي جالي شد عضلي
عبده :طب خلاص يلا نطلع عشان ترتاحي
منى: مش قادره اتحرك خالص
راح عبده شالها وهي لفت ايديها حوالين رقبته وطلعوا من الميه وحطها براحه على الشيزلونج وابتدى يدلك رجليها عشان الشد العضلي يروح وكان قريب منها اوي............فراحت منى حطت ايديها على شعره وقالت:
منى:شعرك جميل اوي على فكره انا بموت في الشعر البني
عبده:وقالها ..ها الشد راح ؟
منى:لا لسه ممكن توصلني لأوضتي عشان احط على رجلي ميه دافيه يمكن ارتاح
عبده :اوكيه
وجه عشان يسندها راحت قالت:
منى :اه مش قادره ادوس عليها بتوجعني
عبده راح شايلها ومتكلموش ولا كلمه لحد ما دخلوا اوضتها وحطها على السرير وهي لسه لافه ايديها حوالين رقبته فحاول يبعد راحت شدته ليها و.............
منى : لا يا عبده لا انا مش ممكن اعمل حاجه غلط ابدا وقعدت تعيط
عبده : انا اسف انا مش عارف انا عملت كده ازاي ارجوكي سامحيني
منى:انا اللي اسفه مقدرتش اخبي مشاعري من ناحيتك وضعفت
عبده:مشاعرك من ناحيتي؟
منى :انا بحبك يا عبده انت الراجل اللي بحلم بيه طول عمري
عبده: بس انا متجوز وعندي اولاد وكمان بحب مراتي
منى:وانا مش هبعدك عنهم ابدا انا كلاللي عايزاه اننا نكون مع بعض
عبده :تقصدي ايه؟
منى :نتجوز يا عبده انا مش هقدر اعيش من غيرك (وقعدت دمعها تنزل وقربت منه وحضنته بس كانت بتبتسم لنفسها ..)
عبده:نتجوز ازاي ومراتي وولادي؟
منى : انا موافقه اننا نتجوز عرفي ودلوقتي لو حبيت
عبده :عرفي
منى :اه عشان محدش يعرف ابدا ونكون لبعض في الحلال ولا انت شايف ايه وابتدت تبوسه براااااااااحه اوي وهوه مش عارف يفكر خالص وحس انه ضعيف ومش قادر يقوم جمالها اكتر من كده فقال:
عبده :انا موافق .....نتجوز عرفي بس محتاجين شهود
منى: نروح اي مركز مصري ونخلي اتنين يشهدوا على العقد
عبده: طيب يلا البسي وانا هلبس واجيلك
منى: لا خليك معايا لغاية ما البس وبعدين نروح اوضتك عشان تلبس
عبده :اوكيه (وهوه بيبصلها بشوق جاااااااامد ومش قادر يصبر لحد ما يكتبوا الكتاب)
ومنى طبعا اتعمدت انه ميبعدش عنها لحسن يغير رأيه ولا مراته تتصل بيه وكانت فرحانه اوي وحاسه انها حققت اكبر انتصار في حياتها............
عنايات كانت لسه قاعده عند هدى بيشربوا الشاي فموبايلها رن فأول ما شافت الرقم اتخضت وبصت لهدى وقالت:
عنايات: ده هوه اعمل ايه؟
هدى :ردي بسرعه
عنايات:الو
الصوت:صباح الخير تصدقي صوتك وحشني من امبارح للنهارده؟
عنايات: وبعدين معاك ,من فضلك متتصلش هنا تاني ارجوك
الصوت:ارجوكي انت سيبيني بس احبك مش عايز منك اي حاجه كفايه اسمع صوتك
عنايات: يا سيدي انا بحب جوزي جدا وارجوك متتصلش تاني لاني هبلغ عن الرقم ده ومش هسكت
الصوت : واهون عليكي؟؟؟؟؟؟؟؟
عنايات :لا ده انت مش طيبعي و(قفلت السكه في وشه )
عنايات:ده اكيد مجنون بس هتجنن واعرف هوه مين؟؟؟
هدى: انا اقولك نعرف ازاي

نزل عبده ومنى من الفندق وراحوا مركز مصري وكتبوا عقدين عرفيوكانت منى هتطير من السعاده وعبده كان مش مركز هوه بيعمل ايه
وبالليل حضروا العشا مع مدير المصنع واتفقوا على الصفقات وابتدوا يرقصوا كل واحد مع مراته و............
هكملكوا المره اللي جايه ان شاء الله استنوني