يوميات مدام عنايات

الحلقة الرابعة

المرة اللي فاتت وصلنا لحد ما منى سألت عبده سؤال غريب جدا جدا
منى : ممكن أسألك سؤال يا عبده
عبده : طبعا اتفضلي خير ان شاء الله
منى :هوه انت شايل صورة مراتك في المحفظة معاك؟
عبده :اه ليه السؤال ده؟
منى :لا ابدا ,طب ممكن اشوفها؟
عبده : اه اتفضلي اهيه
منى:ياه ده جميلة اوي ما شاء الله
عبده: مقلتليش بتسألي ليه؟
منى :اصل المهندس احمد قعد يكلمني عن قصة حبكوا فحسيت بفضول جامد ربنا يخليكوا لبعض
عبده :يلا عقبالك ان شاء الله
منى : لو واحد زيك انا موافقة طبعا
عبده وشه احمر من الكسوف وقالها طيب استأذن انا بقى بعد اذنك ومشي وهوه بيفكر في كلامها
وصل عبده البيت وسلم عليهم ودخل يغير هدومه وهوه لسه بيفكر في منى
وهما بيشربوا الشاي قال لعنايات عن منى زميلته واللي حصل انهارده فمامته قعدت تضحك وتقوله امال ايه ده انت اصلا
جذاب وتتحب هههههههههههههه
عنايات : اه طبعا يا طنط وعشان انا حبيته ههههههههههه
وقعدت عنايات بتفكر في اللي حصل وقالت لنفسها الموضوع ده مش مريحني خالص مممممممممم
والصبح نزلت عند هدى صاحبتها وحكيتلها اللي حصل وقعدوا يفكروا في الموضوع سوا
هدى : والست ده متجوزة؟
عنايات : لأ ده مطلقة وده اللي مخوفني , وكمان شافت صورتي
هدى :وقالت ايه على الصورة؟
عنايات :قالت جميلة طبعا ,بس أنا مضايقة وعايزة أشوف الست دي بأي طريقة
هدى : هتشوفيها ازاي بقى ده انت عمرك ما روحتي الشغل لجوزك؟
عنايات :لازم الاقي طريقة وبسرعة .........
وتاني يوم قالت لحماتها :أنا هروح اشتري شوية حاجات ومش هتأخر
ونزلت عند هدى وابتدوا تنفيذ الخطة اللي حطتها عنايات بعد تفكير عمييييييييييييق جدا جدا
عايزين تعرفوا اللي هيحصل هقولكوا المرة اللي جاية ان شاء الله