زوجات غاضبات (7)

 

اتجوزت ساره جواز تقليدي بعد فترة خطوبه قصيره تلات شهور وطبعا اهلها كانوا شايفينه عريس لقطه وبعد الجواز اكتشفت ساره شخصية مجدي الحقيقيه......
من يوم الفرح ابتدى يتحكم فيها:
مجدي:ايه الفستان ده
ساره:ايه مش عاجبك؟
مجدي:عاجبني بس مفتوح اوي
ساره :بس انا لابسه بادي من تحت
مجدي:طيب بس ده آخر مره
واول ما دخلوا القاعه رفض انها تقوم من الكوشه خااااااااااالص ورفض يرقصوا بحجة انه بيغير عليها وروحوا بيتهم وبعد ما ساره غيرت هدومها وطبعا كانت مكسوفه جدا دخل عليها مجدي وقالها:
مجدي:مبروك يا ساره
ساره :الله يبارك فيك
وقبل ما تلحق ساره تكمل كلامها هجم عليها مجدي ومارس معاها العلاقه بطريقه عنيفه جدا وساره كانت خايفه منه بس قالت يمكن يكون ده الطبيعي وسكتت وتاني يوم الصبح كان جسمها كله بيوجعها جدا وكله بقى لونه ازرق وبعد ما فطروا طلبها مجدي تاني وبنفس الطريقه واستمرت ساره ساكته لمدة اسبوع بس جت في يوم قالتله:
ساره:مجدي
مجدي:نعم
ساره:ممكن اطلب منك طلب
مجدي:اتفضلي طبعا
ساره:ممكن تكون رقيق معايا شويه
مجدي:هو انا بضربك يا ساره؟
ساره:لا انا اقصد في علاقتنا الخاصه
مجدي:انتي بتبقي مضايقه؟
ساره :لا بس جسمي بيوجعني جدا
مجدي:انا آسف هاخد بالي بعد كده
وبعد كده اكتشفت ساره انه مجدي بيحب يمارس العلاقه من تلات لاربع مرات في اليوم وعشان هي كانت لسه عروسه كانت بتتوجع جدا وبتحاول تهرب منه بس هو مش بيسيبها ابدااااااااااااااااااا
وفات شهرين واكتشفت ساره انها حامل والدكتوره قالتلها تخلي بالها من نفسها وقالت لمجدي انه يقلل العلاقه شويه عشان الحمل لسه في الاول لكن مجدي طبعا مقللش اي حاجه واستمر في عنفه مع ساره و وبنفس العدد من المرات وساره عشان من عيله محافظه جدا مكنتش بتحكي لاي حد خالص بس كانت علطول حزينه
ونظام جياتها بقى انها تعمل شغل البيت وتنفذ طلبات مجدي ليل نهار ومهما كانت تعبانه او حتى زعلانه منه مفيش فايده بيكرر الموضوع كذا مره وهي تعبت وخصوصا انها قربت تولد وبعد ما ربنا رزقها ببنت جميله طلعت على بيت مامتها وقعدت هناك اربعين يوم وكل يوم مجدي يزورها ويطمن عليها ويجيبلها حاجات كتير وكل الناس بتشكر فيه وفذوقه بس كانت ساره خايفه ترجع البيت بس رجعت في الآخر واول ما دخلت لقيت مجدي مستنيها واخد منها البنت وابتدى يمارس حقوقه ...................................
وابتدى تحكم مجدي فيها يزيد فمنعها تخرج خالص غير معاه حتى لما تزور اهلها بيكون معاها وصاحباتها لو حبت تزورهم بيوصلها ويستناها ساعه وياخدها معاه
وفاتت سنتين وساره ساكته لغاية ما يوم صاحبتها اتجوزت و راحت ساره تباركلها وفضلت صاحبتها تحكي عن حنية جوزها وصبره عليها في العلاقه فساره حست ان مجدي غير الرجاله التانيين وانه مش طبيعي بس قررت تتكلم معاه تاني وكمان عشان بقت ام ووراها مسؤوليات تانيه غير طلباته اللي بتزيد كل يوم :
ساره:مجدي انا محتاجه اتكلم معاك
مجدي:طيب ما تيجي نتكلم جوه شويه
ساره:لا يا مجدي انا فعلا محتاجه اتكلم
مجدي:طيب وايه المشكله لما نتكلم في اوضتنا
ساره بصوت عالي:بقولك عازه اتكلم معاك مش ننام سوا
مجدي:فيه ايه يا ساره مالك؟
ساره:انا تعبت من كتر العلاقه كل يوم وكمان بقضي اغلب الوقت استحمى عشان اصلي ومش برتاح خالص
مجدي:بس ده معناه اني بحبك واني شايفك مثيره
ساره :بس انا مش قادره استحمل الوضع ده
مجدي:يعني عايزه ايه؟
ساره:احنا ممكن نخلي الموضوع ده مره واحده بس او مرتين ويكون بطريقه مش عنيفه
مجدي:يا سلام واحتياجاتي كراجل اعمل فيها ايه؟
ساره:انت ممكن تلعب رياضه
مجدي:هو انا كنت اتجوزت عشان العب رياضه ولا ايه؟
ساره:يا مجدي انا مش بستمتع خالص وعلطول جسمي بيوجعني
مجدي:طب تعالي نتكلم جوه............................................
وفاتت سنه كمان وحملت ساره في البيبي التاني واستمرت حياتها كده بس المشكله ان بنتها كبرت ودخلت الحضانه فبقى لازم تصحى بدري وكمان الحمل تاعبه جدا ومجدي مش بيتغير ومش حاسس انها بقت بتكره العلاقه بينهم جدا جدا وولدت ساره ولد جميل وفضلت مستحمله وكل ما تحاول تفهم مجدي انها بتتعب بيقولها انا بحبك وعايزك علطول بس ساره بعد السنين ده حست انها محستش بأي متعه في العلاقه الخاصه وانها علطول بتدي ومش بتاخد وكمان مسؤولية طفلين كتير عليها مع طلبات مجدي اللي مش بتخلص وبقت ساره علطول ساكته ومش بتتكلم خالص وعلطول سرحانه بتفكر في حياتها مع مجدي..............
وفات دلوقتي على جوازهم سبع سنين ولسه مجدي زي ما هو بس ساره بقت بتكرهه وبتكره تنام جنبه وبقت عصبيه عالاولاد وعلطول تضربهم وشكلها بقى اكبر من سنها وابتدت ساره تفكر تطلب الطلاق عشان مبقتش قادره تكمل حياتها بالشكل ده......................