زوجات غاضبات (8)

 

 

بعد جواز خمسه وعشرين سنه و بعد ما جوزت ولادها وخلفوا قررت فاطمه تطلب الطلاق لانها تعبت من حياتها مع جوزها سالم تعبت من خمسه وعشرين سنه خيانه مستمره واهانه علطول وفضلت ساكته ومستحمله عشان ولادها ودلوقتي لما سالم بقى كبير في السن ومحتجالها قررت تسيبه وقعدت تفتكر شريط حياتها معاه ....................................
اتجوزت فاطمه وهي عندها 18 سنه وكان سالم عنده 32 سنه وكان عريس لقطه عشان هي من عيله بسيطه وعندها اخوات كتير وفرحت فاطمه بالفستان والفرح ومن اول يوم كان بيعاملها على انها خدامه مش اكتر ولانها حملت من اول شهر ظهرت خيانته ليها ولانها كانت صغيره مكنتش فاهمه لكن مرت الايام وكبرت فاطمه وخلفت ولدين وانشغلت بتربيتهم بس للاسف اكتشفت ان عمرها راح هدر فجوزها عمره ما كان حنين معاها ولا قالها كلمه حلوه بالعكس كان علطول بيعايرها بعيلتها الفقيره وكمان كان بيخونها وهي بتعرف ومش بينكر كن دايما يقولها انا حر واستحملت فاطمه عشان ولادها بس جه يوم قررت انها هتسيبه لما الولاد يكونوا مش محتاجينها وجه اليوم ده خلاص وخدت فاطمه القرار ودخلت على سالم الاوضه وقالتله وهي بتديله الدوا:
فاطمه:اتفضل الدوا
سالم:متشكر يا فاطمه
فاطمه:هو انا عمري زعلتك في حاجه؟
سالم:عمرك يا فاطمه
فاطمه:عمري طلبت منك حاجه؟
سالم:طول عمرك بتطلبي للولاد بس
فاطمه:انا انهارده هطلب منك حاجه وعايزاك تنفذها
سالم:اطلبي يا فاطمه ده انتي استحملتيني خمسه وعشرين سنه
فاطمه:يعني انا صبرت كتير
سالم:وانا خلاص ربنا هداني وكمان المرض هدني خالص
فاطمه:وانا انهارده بقولك اني عايزه اطلق
سالم:بتقولي ايه يا فاطمه ؟ بعد كل السنين ده عايزه تسيبيني؟
فاطمه:واعيش معاك ليه ؟ عشان اضيع اللي باقي من عمري خدامه ليك في مرضك؟ عشان تاخد الباقي من صحتي؟
سالم:بس انا محتاجلك يا فاطمه
فاطمه:وانا طول عمري كنت محتاجالك تطبطب عليه تقولي كلمه حلوه تقولي شكرا لما اعملك حاجه
سالم:انتي ليه مش قادره تنسي؟
فاطمه:انسى عذابي معاك من اول وم جواز انسى خيانتك ليه كل كام يوم انسى معايرتك ليه باهلي عشان فقرا؟ انسى ازاي
سالم:سامحيني يا فاطمه
فاطمه:لو عايزني اسامحك طلقني يا سالم
سالم:مش هطلقك انتي هتفضلي معايا لغاية ما تموتي انا بقولك اهوه
فاطمه:كنت متأكده انك هتقول كده وعشان كده انا محضرالك مفاجأه
سالم:مفاجأه ؟ مفاجأة ايه؟
فاطمه:انا طول السنين اللي فاتت كنت بحوش فلوس عشان اليوم ده وفعلا بقى معايا مبلغ كويس حجزت بيه في دار للمسنات وهروح دلوقتي اعيش هناك وكمان رفعت عليك قضية خلع اول جلساتها بعد اسبوع والمحامي اكدلي اني هكسبها عشان سمعتك معروفه
وخرجت فاطمه من الاوضه وفضل سالم باصص للباب مش مصدق ان فاطمه القطه المغمضه فتحت وبقت بتفكر وتخطط وقدرت تسيبه ونزلت من دموعه وهو بيفتكر كل حياته معاها واللي عمله فيها.............................