يوميات مدام عنايات

الحلقة العشرون

 

وصلت عنايات الشركه وقابلت ياسر ومدير الشركه ومضت العقد والمرتب كان كويس بالنسبه ان معندهاش خبره 2000جنيه واتفقت معاهم انها هتستلم الشغل من بكره فراحت عنايات اشترت طلبات للبيت تكفيها لآخر الاسبوع ورجعت البيت غسلت الغسيل ونضفت الخضار ونضفت الشقة وخلت الولاد ياخدو حمام واتفقت مع حماتها انها هتنزل الولاد الباص الصبح وتطلع على شغلها وترجع بع الولاد بساعتين تقريبا وان الاكل جاهز عالتسخين ونامت وهي فرحانه اوي بس برده حلمت ان عبده بيحضنها وقالتله وحشتني اوي ودموعها نزلت وهيه نايمه...........
منى بقى قالت لعبده لما قالها ابعدي عن اصحابك:
منى: ايه الكلام الراجعي ده انت فاكرني عنايات بتاعتك ده؟
راح عبده بدون ما يشعر ضربها بالقلم جامد وقال:
عبده : عنايات ده بالف واحد زيك انتي طالق يا منى (ونزل وسابها )
ومنى قعدت تقول لنفسها انت بتمد ايدك عليه طيب يا عبده هتشوف....................
وراح عبده في يوم البيت لقى مامته لوحدها سألها:
عبده: فين عنايات يا ماما؟
ام عبده:عايز منها ايه؟مش كفايه اللي عملته
عبده: حتى انت يا ماما هتقسي عليه
ام عبده: اقسى عليك لما تقسى على نفسك وعل مراتك وولادك
عبده: يا ماما انا عارف ان ان غلطت بس بجد كان غصب عني وبعدين انا اتجوزت معملتش حاجه حرام
ام عبده: يا بني انا اه ست كبيره بس فاهمه كل حاجه انت جريت ورا عروسه لعبه زي اللي في المحلات وكنت فاكر انها هتديك حاجه جديده لكن اللي حصل انك ضيعت احلى حاجه ربنا ادهالك وهي الزوجه الصالحه وبكره هتندم
عبده:انا ندمت خلاص وطلقت منى
ام عبده:وانت فاكر ان عنايات هتفرح بطلاقك ده ههههههههههه
عبده :قصدك ايه يا ماما مش هتسامحني
ام عبده :بص يا بني عنايات استلمت شغل بقالها يومين وانا حاسه انها ابتدت ترجع لطبيعتها نصيحة مني سيبها شويه وحاول تكلمها بالراحه وربنا يهديكوا وترجعوا زي الاول
عبده: انت شايفه كده
ام عبده: ايوه يا حبيبي
عبده:طيب خدي مفتاح العربيه والاوراق بتاعتها انا ركنتها تحت العماره لونها احمر عشان كن نفسها في عربيه حمرا
ام عبده:طيب ,وانت هتقعد فين دلوقتي؟
عبده :هقعد مع اسماعيل زميلي
ام عبده:ربنا يهدي النفوس
عبده:ادعيلي يا ماما انا محتاج دعاكي اوي
ام عبده:انا بدعيلكوا كل صلاه
عبده: طيب انا هنزل بقى وادي الفلوس ده لعنايات مصروف للبيت,مع السلامه يا امي
ام عبده :مع السلامه خد بالك من نفسك
ونزل عبده راح الشغل واول ما وصل لقي مصيبه مستنياه...................
وعنايات استلمت الشغل وياسر كان بيساعدها في اي حاجه وكان كل ما يسألها عن عبده تقول كويس فجه وقت الاستراحه فراحوا يشربوا حاجه سخنه واول ما قعدواياسر قال:
ياسر:انا عايز اسألك سؤال ويا ريت تجاوبيني
عنايات:اتفضل
ياسر:هوه ايه اللي حاصل بينك وبين عبده؟
عنايات:مفيش حاجه
ياسر:يمكن بقالنا سنين متقابلناش بس انا عارفك كويس
عنايات: في بينا مشكله وبنحاول نحلها
ياسر:ممكن اعرف ايه المشكله؟يمكن اقدر اساعدك
عنايات:بجد حاجه بسيطه وان شاء الله هنحلها
ياسر:طيب لو احتجتي تتكلمي اي وقت انا موجود
عنايات:شكرا يا ياسر

دخل عبده الشركه حس ان كل الناس بتبصله بطريقه غريبه ............واول ما دخل مكتبه التليفون رن فرد:
عبده:الو
مدير الشركه:تعالى يا عبده عايزك ضروري
عبده:حاضر يا فندم
وراح عبده للمدير وخبط ودخل:
المدير:اتفضل اقعد يا عبده
عبده: خير يا فندم
المدير:مراتك المهندسه منى قدمت فيك شكوى انك اعتديت عليها بالضرب
عبده:يا فندم انا طلقتها خلاص
المدير:بس اللي حصل ده مش مكانه الشركه ابدا
عبده: انا آسف يا فندم
المدير:انت عندك اجازة مفتوحه لحد ما تحل مشاكلك العائليه
عبده وشه احمر من الغيظ واستأذن ومشي وهوه خارج من باب الشركه قابل شاب سأله:
الشاب:من فضلك عايز اقابل المهندس عبده
عبده:اي خدمه انا عبده؟
الشاب :انا عايز اكلم حضرتك في موضوع خاص
عبده : خير؟
الشاب :مش هينفع هنا ممكن نروح مكان تاني؟
عبده :في كافيتريا في آخر الشارع اتفضل
وراح عبده والشاب وقعدوا في الكافيتريا وعبده طلب قهوه وطلب للشاب شاي
عبده:خير اقدر اساعدك في اي حاجه؟
الشاب:اعرفك بنفسي الاول انا...............ز
طبعا كلكوا عايزين تعرفوا مين الشاب ده ؟وعايز ايه؟
هكمل المره اللي جايه ان شاء الله