زوجات غاضبات (2)
اتجوزت ناديه ابراهيم اللي اتقدملها عن طريق واحده صاحبتها واتخطبوا
سنه وبعد كده اتجوزوا و كان ابراهيم مفهمها انه من عيله مستواه راقي وفعلا كانوا
اهله في المرات القليله اللي زاروا فيها اهل ناديه بيلبسوا كويس ويتكلموا كويس وبعد
الجواز بحوالي اسبوعين اكتشفت ناديه حاجات
كتيييييييييييييييييييير................
في اول زياره لبيت اهل ابراهيم اللي كانت ناديه ما زارتهمش ايام الخطوبه عشان باباها كان شديد جدا لقيت ناديه مامته واقفه مع جارتها ولابسه جلابيه نص كم عالسلم فناديه استغربت بس متكلمتش ودخلت تسلم على ابو ابراهيم واخواته البنات لقيت باباه لابس فانله وبنطالون واخواته لابسين قمصان نوم قصيره وناديه اصلا من عيله محافظه وملتزمه جدا ودخلت ناديه لبست عبايه وايشارب وقعدت معاهم في الصاله ولما رجعت مامت ابراهيم من عند جارتها قالت لناديه:
ام ابراهيم:يلا يا ناديه معايا عالمطبخ عشان هنظف كرشه وبمبار
ناديه:كرشه وبمبار؟
ام براهيم:آه متعرفهمش ولا ايه؟
ناديه:بس انا مبعرفش
ام ابراهيم:انا هعلمك
ودخلت ناديه المطبخ لقيته مش نظيف وكله صراصير والمواعين ماليه الحوض ووقفت تتعلم من حماتها بس اول ما شمت الريحه خرجت من المطبخ عالحمام ورجعت فممت ابراهيم قالت:
ام ابراهيم:تعالى شوف مراتك يا ابراهيم مش طايقه ريحة الكرشه هههههههههههه
ابراهيم:ما هي متعرفهاش يا امه
ام ابراهيم:طيب اما نشوف آخرتها
وخرجت ناديه من الحمام وقعدت مع اخوات ابراهيم تتفرج عالتليفزيون فلقيتهم بيقولوا الفاظ وحشه جدا وهما بيهزروا مع بعض فناديه اتضايقت فابراهيم قالها :
ابراهيم:مالك يا ناديه؟
ناديه:ليه اخواتك بيقولوا كلام وحش كده؟
ابراهيم:بيهزروا مع بعض وفيها ايه؟
ناديه:بس ده الفاظ مش مؤدبه خالص
ابراهيم:يا ستي ابقي سدي ودانك ههههههههههههه
وجه وقت الغدا وقعدوا كلهم عالسفره وحطت مامت ابراهيم الكرشه والبمبار ومكرونه وابتدوا كلهم ياكلوا وابتدت ناديه تاكل بالشوكه والسكينه فمامت ابراهيم قالت:
ام ابراهيم:ايه يا اختي ما تاكلي زي الناس
ناديه:اصله سخن يا طنط
ام ابراهيم بانفعال:صبرني يا رب انا عارفه كان عاجبه فيكي ايه؟
ابراهيم:ليه بس كده يا امه؟
ام ابراهيم:اسكت انت
ابراهيم:حاضر
وبعد الاكل مامت ابراهيم قالت:
ام ابراهيم:ادخلي شطبي المطبخ يا ناديه
ناديه:حاضر
ودخلت ناديه المطبخ لقيت الاطباق والحلل كتير وريحتهم فظيعه بس سكتت وابتدت تغسلهم وفضلت واقفه ساعتين تخلص المواعين وبعد ما خلصت خرجت لقيت اخوات ابرهيم البنات نايمين بيتفرجوا عالتليفزيون وكل جسمهم باين وابراهيم قاعد عادي وبيهزروا هزار مش كويس مع بعض وابراهيم بيهزر بايده معاهم فناديه اضايقت بس متكلمتش وجه بالليل ابراهيم قال انهم هيروحوا فمامته قالت:
ام ابراهيم:ما تخليك بايت انهارده معانا
ابراهيم:مره تانيه يا امه
ام ابراهيم:ايه مش قادر تبعد عنها ليله
ابراهيم:هههههههههه مش عريس
وناديه كانت هتعيط من كتر الكسوف وحست انهم غير ما كانوا ايام الخطوبه خالص ومبقتش عارفه تتصرف ازاي في المشكله ده.......................
وفات اسبوعين كمان وناديه كل يوم تكتشف حاجات جديده في ابراهيم فمثلا طلع مش بيصلي خالص غير صلاة الجمعه وكمان بياكل بطريقه مقرفه وفي علاقتهم الخاصه بيعاملها بعنف شديد وكمان بيقول الفاظ بشعه وناديه متربتش على كده خالص وكل ما تفتكر ايام الخطوبه وطريقته معاها تقول ازاي قدر يمثل عليها وعلى اهلها سنه .
وفات مده وجه يوم ابراهيم قالها:
ابراهيم:ماما هتيجي تقعد معانا يومين
ناديه:تنورنا
بس قلبها انقبض عشان كانت بتخاف من حماتها واسلوبها معاها وجت حماتها يوم الخميس وجابت معاها شنطة هدومها واول ما دخلت الشقه قالت:
ام ابراهيم:ايه انتي مش بتنظفي ولا ايه؟
ناديه:ازاي يا طنط انا نظفت الشقه الصبح
ام ابراهيم :طيب
ودخلت اوضة النوم وحطت هدومها في الدولاب وخرجت وهي لابسه عبايه من بتوع ناديه وقالت:
ام ابراهيم:انا هلبس ده اصل لونها عجبني
ابراهيم:حلوه عليكي يا امه
ناديه:الدولاب كله تحت امرك يا طنط
وقعدت ام ابراهيم سهرانه معاهم لغية وقت متأخر وبالليل دخلت ناديه تنام وسابت حماتها مع ابراهيم بس صحيت الصبح على صوت دوشه في المطبخ وقامت تشوف ايه اللي بيحصل.................................
دخلت لقيت حماتها بتتفرج على كل حاجه في المطبخ وبترص المطبخ بطريقتها وطبعا وقعت حاجات عالارض:
ناديه:حضرتك بتعملي ايه؟
ام ابراهيم:اصلي صحيت بدري قلت اوضبلك المطبخ
ناديه: بس انا مضباه
ام ابراهيم:مش عاجبني عندك مانع بقولك ايه ده بيت ابني يعني بيتي انتي فاهمه
ناديه:انا مقلتش حاجه
ام ابراهيم:ايوه كده بدل ما اوريكي الوش التاني
ناديه خرجت من المطبخ ولقيت ابراهيم بيتفرج عالتليفزيون فقعدت معاه وبعد شويه جت حماتها وقالتلها:
ام ابراهيم:مش هتفطرينا ولا ايه؟
ناديه:حاضر
ودخلت ناديه تحضر الفطار وجهزت السفره واول ما حماتها قعدت قالت:
ام ابراهيم:ايه الفطار ده؟
ناديه :ماله يا طنط؟
ام ابراهيم:ماله؟ده فطار عيانين
ناديه:حضرتك عايزه تفطري ايه؟
ام ابراهيم:فين الفول والطعميه والمخلل والبتنجان المقلي؟
ناديه:معلش يا طنط هشتري واعملك بكره ان شاء الله
ام ابراهيم:عيني عليك يا ابني
ابراهيم:ما خلاص امه
ام ابراهيم:انت بتعلي صوتك عليه عشانها؟
ابراهيم:يا امه مش كده ده لسه عروسه
ام ابراهيم:يا سلام عروسه ؟؟؟؟؟؟؟؟
ابراهيم:براحه عليها
ام ابراهيم:انت مكنش ليك الجوازه ده اصلا
ناديه:عن اذنكوا
ام ابراهيم :على فين يا عروووووووووووسه ؟
ناديه:هدخل اوضتي
ام ابراهيم:اتفضلي يا عينيه
ابراهيم دخل ورا ناديه الاوضه:
ابراهيم:معلش يا ناديه اصلها ست كبيره اعتبريها زي والدتك
ناديه:لا يا ابراهيم الحياه كده مش هتنفع
ابراهيم:تقصدي ايه؟
ناديه :يعني مش ده البيئه اللي احب ان ولادي يتربوا فيها
ابراهيم:بس دول اهلي
ناديه:انا عارفه بس انت كنت مفهمني حاجه تانيه ايام الخطوبه
ابراهيم:يعني عايزاني ابعد عن اهلي؟؟؟؟؟؟
ناديه:من فضلك سيبني لوحدي شويه
وخرج ابراهيم من الاوضه وابتدت ناديه تعيط وقعدت تفكر معقوله هتقدر تطلب الطلاق بعد تلات شهور جواز والناس هتقول ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟
في اول زياره لبيت اهل ابراهيم اللي كانت ناديه ما زارتهمش ايام الخطوبه عشان باباها كان شديد جدا لقيت ناديه مامته واقفه مع جارتها ولابسه جلابيه نص كم عالسلم فناديه استغربت بس متكلمتش ودخلت تسلم على ابو ابراهيم واخواته البنات لقيت باباه لابس فانله وبنطالون واخواته لابسين قمصان نوم قصيره وناديه اصلا من عيله محافظه وملتزمه جدا ودخلت ناديه لبست عبايه وايشارب وقعدت معاهم في الصاله ولما رجعت مامت ابراهيم من عند جارتها قالت لناديه:
ام ابراهيم:يلا يا ناديه معايا عالمطبخ عشان هنظف كرشه وبمبار
ناديه:كرشه وبمبار؟
ام براهيم:آه متعرفهمش ولا ايه؟
ناديه:بس انا مبعرفش
ام ابراهيم:انا هعلمك
ودخلت ناديه المطبخ لقيته مش نظيف وكله صراصير والمواعين ماليه الحوض ووقفت تتعلم من حماتها بس اول ما شمت الريحه خرجت من المطبخ عالحمام ورجعت فممت ابراهيم قالت:
ام ابراهيم:تعالى شوف مراتك يا ابراهيم مش طايقه ريحة الكرشه هههههههههههه
ابراهيم:ما هي متعرفهاش يا امه
ام ابراهيم:طيب اما نشوف آخرتها
وخرجت ناديه من الحمام وقعدت مع اخوات ابراهيم تتفرج عالتليفزيون فلقيتهم بيقولوا الفاظ وحشه جدا وهما بيهزروا مع بعض فناديه اتضايقت فابراهيم قالها :
ابراهيم:مالك يا ناديه؟
ناديه:ليه اخواتك بيقولوا كلام وحش كده؟
ابراهيم:بيهزروا مع بعض وفيها ايه؟
ناديه:بس ده الفاظ مش مؤدبه خالص
ابراهيم:يا ستي ابقي سدي ودانك ههههههههههههه
وجه وقت الغدا وقعدوا كلهم عالسفره وحطت مامت ابراهيم الكرشه والبمبار ومكرونه وابتدوا كلهم ياكلوا وابتدت ناديه تاكل بالشوكه والسكينه فمامت ابراهيم قالت:
ام ابراهيم:ايه يا اختي ما تاكلي زي الناس
ناديه:اصله سخن يا طنط
ام ابراهيم بانفعال:صبرني يا رب انا عارفه كان عاجبه فيكي ايه؟
ابراهيم:ليه بس كده يا امه؟
ام ابراهيم:اسكت انت
ابراهيم:حاضر
وبعد الاكل مامت ابراهيم قالت:
ام ابراهيم:ادخلي شطبي المطبخ يا ناديه
ناديه:حاضر
ودخلت ناديه المطبخ لقيت الاطباق والحلل كتير وريحتهم فظيعه بس سكتت وابتدت تغسلهم وفضلت واقفه ساعتين تخلص المواعين وبعد ما خلصت خرجت لقيت اخوات ابرهيم البنات نايمين بيتفرجوا عالتليفزيون وكل جسمهم باين وابراهيم قاعد عادي وبيهزروا هزار مش كويس مع بعض وابراهيم بيهزر بايده معاهم فناديه اضايقت بس متكلمتش وجه بالليل ابراهيم قال انهم هيروحوا فمامته قالت:
ام ابراهيم:ما تخليك بايت انهارده معانا
ابراهيم:مره تانيه يا امه
ام ابراهيم:ايه مش قادر تبعد عنها ليله
ابراهيم:هههههههههه مش عريس
وناديه كانت هتعيط من كتر الكسوف وحست انهم غير ما كانوا ايام الخطوبه خالص ومبقتش عارفه تتصرف ازاي في المشكله ده.......................
وفات اسبوعين كمان وناديه كل يوم تكتشف حاجات جديده في ابراهيم فمثلا طلع مش بيصلي خالص غير صلاة الجمعه وكمان بياكل بطريقه مقرفه وفي علاقتهم الخاصه بيعاملها بعنف شديد وكمان بيقول الفاظ بشعه وناديه متربتش على كده خالص وكل ما تفتكر ايام الخطوبه وطريقته معاها تقول ازاي قدر يمثل عليها وعلى اهلها سنه .
وفات مده وجه يوم ابراهيم قالها:
ابراهيم:ماما هتيجي تقعد معانا يومين
ناديه:تنورنا
بس قلبها انقبض عشان كانت بتخاف من حماتها واسلوبها معاها وجت حماتها يوم الخميس وجابت معاها شنطة هدومها واول ما دخلت الشقه قالت:
ام ابراهيم:ايه انتي مش بتنظفي ولا ايه؟
ناديه:ازاي يا طنط انا نظفت الشقه الصبح
ام ابراهيم :طيب
ودخلت اوضة النوم وحطت هدومها في الدولاب وخرجت وهي لابسه عبايه من بتوع ناديه وقالت:
ام ابراهيم:انا هلبس ده اصل لونها عجبني
ابراهيم:حلوه عليكي يا امه
ناديه:الدولاب كله تحت امرك يا طنط
وقعدت ام ابراهيم سهرانه معاهم لغية وقت متأخر وبالليل دخلت ناديه تنام وسابت حماتها مع ابراهيم بس صحيت الصبح على صوت دوشه في المطبخ وقامت تشوف ايه اللي بيحصل.................................
دخلت لقيت حماتها بتتفرج على كل حاجه في المطبخ وبترص المطبخ بطريقتها وطبعا وقعت حاجات عالارض:
ناديه:حضرتك بتعملي ايه؟
ام ابراهيم:اصلي صحيت بدري قلت اوضبلك المطبخ
ناديه: بس انا مضباه
ام ابراهيم:مش عاجبني عندك مانع بقولك ايه ده بيت ابني يعني بيتي انتي فاهمه
ناديه:انا مقلتش حاجه
ام ابراهيم:ايوه كده بدل ما اوريكي الوش التاني
ناديه خرجت من المطبخ ولقيت ابراهيم بيتفرج عالتليفزيون فقعدت معاه وبعد شويه جت حماتها وقالتلها:
ام ابراهيم:مش هتفطرينا ولا ايه؟
ناديه:حاضر
ودخلت ناديه تحضر الفطار وجهزت السفره واول ما حماتها قعدت قالت:
ام ابراهيم:ايه الفطار ده؟
ناديه :ماله يا طنط؟
ام ابراهيم:ماله؟ده فطار عيانين
ناديه:حضرتك عايزه تفطري ايه؟
ام ابراهيم:فين الفول والطعميه والمخلل والبتنجان المقلي؟
ناديه:معلش يا طنط هشتري واعملك بكره ان شاء الله
ام ابراهيم:عيني عليك يا ابني
ابراهيم:ما خلاص امه
ام ابراهيم:انت بتعلي صوتك عليه عشانها؟
ابراهيم:يا امه مش كده ده لسه عروسه
ام ابراهيم:يا سلام عروسه ؟؟؟؟؟؟؟؟
ابراهيم:براحه عليها
ام ابراهيم:انت مكنش ليك الجوازه ده اصلا
ناديه:عن اذنكوا
ام ابراهيم :على فين يا عروووووووووووسه ؟
ناديه:هدخل اوضتي
ام ابراهيم:اتفضلي يا عينيه
ابراهيم دخل ورا ناديه الاوضه:
ابراهيم:معلش يا ناديه اصلها ست كبيره اعتبريها زي والدتك
ناديه:لا يا ابراهيم الحياه كده مش هتنفع
ابراهيم:تقصدي ايه؟
ناديه :يعني مش ده البيئه اللي احب ان ولادي يتربوا فيها
ابراهيم:بس دول اهلي
ناديه:انا عارفه بس انت كنت مفهمني حاجه تانيه ايام الخطوبه
ابراهيم:يعني عايزاني ابعد عن اهلي؟؟؟؟؟؟
ناديه:من فضلك سيبني لوحدي شويه
وخرج ابراهيم من الاوضه وابتدت ناديه تعيط وقعدت تفكر معقوله هتقدر تطلب الطلاق بعد تلات شهور جواز والناس هتقول ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ليست هناك تعليقات:
إرسال تعليق