زوجات غاضبات (1)
صحيت منال من النوم وابتدت تحضر الفطار لجوزها محمد وبعد ما خلصت راحت
تصحيه وهي بتصحيه:
منال: يلا يا محمد اصحى الفطار
جاهز
محمد:طيب طيب يوووووووووووه
منال:يلا عشان متتأخرش عالشغل
محمد بصوت عالي جدا:ما
قلت طيب انتي مبتفهميش
منال:طيب براحتك
وخرجت من الاوضه وابتدت تفطر لوحدها عشان معاد شغلها قرب وبعد ما خلصت خرج
محمد من الاوضه :
محمد:فين الفطار؟
منال:الأكل عالسفره
محمد:قومي سخنيه
منال:يا محمد انا كده هتأخر عالشغل
محمد:يتحرق الشغل
بقولك قومي
منال:حاضر
وقامت منال
ودخلت المطبخ تسخن الاكل بس كانت مضايقه من طريقة كلام محمد واسلوبه معاها ومهما
حاولت تفهمه ان الاسلوب بيضايقها مفيش فايده وبعد ما خلصت خرجت وحطت الفطار
وقالتله:
منال:انا نازله مش عايز حاجه مني
محمد:لأ
وراحت منال الشغل ورجعت البيت لما خلصت
ولقيت السفره زي ما هي ولمت الاطباق وابتدت تحضر الغدا ورجع محمد البيت دخل قلع
وقعد بالهدوم الداخليه من غير ما يغسل ايده واول ما قعد قال:
محمد:فين الأكل؟
منال:حاضر ثواني
محمد:انا جعان حرام عليكي
منال:حاضر يا
محمد
محمد:بسرعه
وجابت منال الأكل
وقعدت تاكل وكانت مقعدتش من ساعة ما رجعت من الشغل واول ما مسكت الملعقه
قالها:
محمد:قومي هاتي الملح
منال:حاضر
محمد:يلا قومي
منال:يا محمد انا تعبانه مقعدتش من الصبح وانت مش بتساعدني
خالص
محمد:انا الراجل يا ست هانم المفروض انتي تعملي شغل
البيت كله
منال:بس انا بشتغل
محمد:ده واجبك انك تساعدني
منال:بس كده انا بتعب
كتير اوي في البيت والشغل
محمد:قومي هاتي
الملح
منال:حاضر
ودخلت منال المطبخ
تجيب الملح وهي مضايقه ودموعها نزلت منها ورجعت لقيت محمد مكشر:
منال:اتفضل
محمد:كل ده بتجيبي
الملح؟
منال:ممكن آكل بقى؟
محمد:اتفضلي يا ست هانم
وبعد ماخلصوا اكل قام محمد
دخل عالسرير من غير ما يغسل ايده ونام وبعد ما منال خلصت المواعين دخلت تنام شويه
عشان كانت تعبانه فأول ما نامت جنب محمد شمت ريحة عرقه وحست انها مش مستحمله فأدته
ظهرها ونامت صحيت بعد شويه على محمد بيقرب منها وبيحاول يعمل معاها علاقه فمنال
كانت مش طايقه ريحته خالص فقالتله:
منال:ما تيجي ناخد دش
الاول
محمد:انا هستحمى لما نخلص
منال:بس مفيهاش حاجه لما ندخل سوا
محمد:بقولك ايه
عايزه تستحمي روحي لوحدك
منال سكتت وضغطت على نفسها بس كانت
زعلانه ان محمد مش مهتم بنظافته الشخصيه خالص وفي نفس الوقت عايزها علطول مهتمه
بنفسها وبيعلق على كل حاجه بطريقه بايخه
جدا............................................... .........
صحيت منال من النوم ودخلت خدت دش وخرجت توضب الشقه عشان بكره عندها شغل بدري
وصحي محمد بعدها ودخل خد دش بسرعه وخرج ومنال عارفه انه بيكسل يستخدم الليفه
والصابون فكانت ريحته لسه وحشه وقعد قدام التليفزيون وقالها :
محمد:اعمليلي كوباية شاي
منال:ثواني هنشف الأرض
محمد:انا لسه هستناكي لما تخلصي تنظيف
منال:انا خلاص قربت اخلص
محمد بصوت عالي جدا :اعملي
الشاي الاول متعصبنيش
منال:طيب
ودخلت منال تعمل الشاي وهي خلاص حاسه انها مش قادره تستحمل طريقة محمد
وعصبيته معاها وحست انها بقالها اكتر من تلات سنين بتحاول تغيره وهو مفيش فايده فيه
ابدا واكتر حاجه بتدايقها انه مع الناس بيكون انسان رقيق وريحته بيرفيوم علطول
وبيعاملها بشكل مختلف وكل الناس فاكراها اسعد زوجه في الدنيا....
وجت في دماغها فكرة الطلاق بس كل مره بتخاف من كلام الناس وبتستحمل بس هتقدر
تستحمل لغاية امتى؟؟؟؟؟؟؟؟؟؟؟؟؟؟؟؟؟؟؟
ليست هناك تعليقات:
إرسال تعليق