يوميات مدام عنايات

الحلقة السابعة

 وصلنا لغاية فييييييييييييين ؟اه لغاية ما عنايات لقيت ان فيه رساله جت لعبده بالليل وطبعا هيه مفتحتهاش بس عرفت من مين :
عنايات اول ما مسكت الموبايل لقيت ان الرساله من المهندسه منى وطبعا كانت هتتجنن وتعرف فيها ايه بس هيه مسكت نفسها وقالت لنفسها اصبري بس لغاية ما عبده يصحى وساعتها هتعرفي كل حاجه.....وفضلت طبعا صاحيه بتتقلب كل شوية واول ما المنبه ضرب قامت صحت الولاد وفطرتهم ووصلتهم لح الباص وطلعت جري لقيت عبده لسه نايم :
عنايات : عبده يلا يا حبيبي اصحى انت كده هتتأخر
عبده : حاضر حاضر
وراح بصلها وهوه بيضحك وقالها :صباحيه مباركه يا عروسه
عنايات بدلع كده :الله بقى متكسفنيش
عبده : بس بجد امبارح كنتي تجنني
عنايات : امبارح بس؟؟
عبده : لا طبعا انتي دايما تجنني بس امبارح كنتي مختلفة
عنايات :طيب يلا الحمام جاهز
عبده :طيب يا مجنناني مووواه
عنايات : على فكره امبارح في رساله جاتلك بالليل
عبده :ايه ده غريبه مين هيبعتلي رساله بالليل كده ؟وراح مسك الموبايل وفتح الرساله وقال:
عبده : اه ده منى المهندسه الجديدة باعته بتقول انها مش هتقدر تيجي الشغل انهارده
عنايات : ليه خير
عبده :مش عارف
عنايات : وانت اديتها رقمك ليه؟
عبده : ايه يا حبيبتي انت بتغيري عليه ولا ايه؟؟
عنايات : انا بتكلم جد دلوقت
عبده : يا حبيبتي ده احمد صاحبي اداها رقمي من غير ما يستأذني وبعدين عادي ده زميلتي وانا رئيسها في القسم
عنايات : طيب يا حبيبي انا بسأل بس
عبده : لسه بتغيري عليه يا عنايات؟
عنايات : امال اغير على مين يعني؟
عبده راح خدها في حضنه وباس راسها وقالها :
عبده : يا حبيبتي عمري ما واحده غيرك تلفت حتى نظري
عنايات : ما انا عارفه
ودخل عبده الحمام وفضلت عنايات تفكر وبعدين معاكي يا ست منى ؟؟؟؟
ولما خرج عبده قالتله:
عنايات : انا هروح انهارده مع هدى اشتري حاجات ليه واروح للكوافير
عبده : روحي يا حبيبتي ,الفلوس عندك في الدولاب خدي اللي محتاجاه
عنايات :اوكيه يا حبيبي
ونزل عبده وركب العربيه وقبل ما يوصل الشغل الموبايل رن فبيرد من غير ما يقرا الاسم:
عبده : الو
منى : الو صباح الخير يا عبده
عبده : مين حضرتك؟
منى :انا منى يا عبده انت مش عارف صوتي؟
عبده : لا ابدا صباح الخير يا منى خير مش هتيجي ليه الشغل؟
منى :اصلي عندي ظروف عائليه
عبده: طيب هتقدري تيجي بكره؟
منى : اه ان شاء الله هآجي بكره
عبده :طيب خير كنتي بتتصلي ليه فيه حاجه
منى : لا ابدا بس حبيت اصبح عليك
عبده :طيب يا ستي اشوفك بكره ان شاء الله
منى : ان شاء الله مع السلامه
عبده :مع السلامه
وفضل عبده يفكر في المكالمه بتاعت منى ومش عارف يقول لعنايات ولا لأ ؟ خصوصا ان عنايات ادايقت من الرساله امال لو عرفت كلام منى في المكالمه هتعمل ايه ؟ اكيد هتيجي تجيبها من شعرها وتضربها علقة موت اصل عنايات عاقلة اه لكن بالنسبه لعبده بتكون مجنونة ربنا يستر .......
عنايات نزلت مع منى وراحوا سيتي ستارز عشان عنايات قررت تغير استايل لبسها كله وكمان هتعمل انهارده مفاجأه لعبده وفعلا اشترت فساتين شكلها شيك وفي نفس الوقت محترمه واشترت عليها جواكت قصيرة واشترت جزم وشنط بالوان جديدة غير اللي عندها وراحت للكوافير بتاعها وقعدت مع الكوافيرة تقولها هي عايزة ايه بالضبط وكمان اشتركت في جيم في العمارة اللي جنب عمارتها وهتوح كل يوم الصبح ساعه عشان تشد بطنها وتكون احلى في عين جوزها
وروحت عنايات وهدى وهما عمالين يضحكوا على اللي عملوه والفلوس اللي صرفوها .......
اما منى بقىقاعده في البيت بتفكر ازاي عبده ميفتكرش صوتها وازاي مسجلش رقمها وقالت انا عمري ما في واحد اتجاهلني بالطريقة دي وكانت هتولع من الغيظ وقعدت تفكر ازاي تشده ليها؟؟؟؟
ولما عبده رجع البيت بيبص لقى واحده مدياله ظهرها لابسه بنطلون قصير لونه اسود وضيق وعليه بدي ابيض وشعرها اصفر وفيه خصل نحاسي وقصير وبعد ما ركز شويه قال:
عبده : مين القمر اللي واقف ده ممكن اعاكسك يا قمر؟
عنايات لفت وهيه بتضحك وقالتله: اعتبر ده وعد هههههه
عبده :ايه الجمال ده كله يا بركة دعاكي يا ماما
عنايات (ليه السيرة دي دلوقت ما انت كنت ماشي كويس)
محمد : شفت يا بابا ماما بقت زي الممثلات يا بختك يا عم
عبده :ايه يا ولد الكلام ده انت هتقر على ابوك ولا ايه؟
محمد :ماشيه معاك يا بابا (وراح غمز لعبده وعبده غمزله برده وقعدوا يضحكوا كلهم)
عبده : مالك يا مي يا حبيبتي؟
مي : مفيش حاجة
عبده :قولي يا حبيبة بابا مين مزعلك
مي :انا زعلانة ان ماما احلى مني
عبده :ده انت احلى بنت في الدنيا
مي:انا عايزة اعمل شعري زي ماما
عبده: لما تكبري هخليكي احلى بنوووووووتة في الدنيا
عنايات : شوفت البنت بتقول اي؟
عبده : بصراحه ليها حق
عنايات :بجد عجبك شعري؟
عبده :اللون لايق عليكي اوي
وقعدوا كلهم يتغدوا وعبده عايز يقول لعنايات على مكالمة منى بس خايف يزعلها ومش عاوز يخبي عليها.....
هنعرف منى فكرت في اية المرة اللي جايه ان شاء الله