مذكرات بنت جد جدا
الحلقة الثامنة
وبدأت امينه شخصيتها تتغير بعد الشغل يعني بقت
قويه ومبقتش كابتن امينه خاااااااالص او حاجه اتغيرت فيها انها طولت شعرها بقت
بتحبه وكمان بقى عندها اصحاب اكتر زي نسرين ووليد زمايلها في الشغل واللي حست امينه
انهم بيحبوا بعض بس من غير ما يعترفوا بكده ............
امينه:انا رايحه اصلي يا جماعه
نسرين :خديني معاكي
امينه ونسرين راحوا يصلوا وبعد ما خلصوا سألت
نسرين:
نسرين:امينه مفكرتيش
تتحجبي؟
امينه:لا بصراحه مفكرتش
نسرين:اصلي انا حاساكي مؤدبه
اوي وبتصلي ومحترمه بس بجد الحجاب هيزيدك كتير
امينه:ان شاء الله هفكر
نسرين:وعلى فكره مش معنى انك تكوني محجبه ان لبسك يكون وحش او مش
مريح بالعكس انا عن نفسي بقيت بلبس احسن واشيك من يوم ما
اتحجبت
امينه:فعلا استايل لبسك
بيعجبني اوي رقيق ومحترم
نسرين:يلا شدي حيلك عشان اشتريلك طرح هديه
امينه:ان شاء الله
وبعد الشغل رجعت امينه البيت اتغدت وراحت النادي تقابل
سالي:
سالي :وحشتيني جدا خلاص
بقيتي مشغوله عني
امينه:انت
اكتر بس بجد الشغل متعب جدا المهم انت اخبارك ايه؟
سالي:عندي خبر جامد
امينه:خير؟
سالي :تدفعي كام؟
امينه:اللي تقولي عليه,قولي بقى
سالي :انا في واحد زميلي عايز يتقدملي
امينه:مبروك يا سالي وشكله ايه ده بقى اللي قدر يخليكي
تفكري في الجواز؟؟؟؟؟؟؟؟؟؟؟
سالي :هو مدير معايا في البنك وانسان محترم اوي وشدني من اول يوم
امينه:هاااااااااااا
وبعدين
سالي :وبعدين امبارح طلب
يتكلم معايا وقالي تقبلي تكوني شريكة حياتي وانا طبعا كنت عايزه اتنطط من الشعاده
بس مسكت نفسي وقلتله انت فاجأتني هفكر وارد
عليك.......ههههههههههه
امينه:ربنا يسعدك يا سالي
سالي:وانت مفيش اخبار جديده؟
امينه:لا ابدا من الشغل للبيت للنادي وبس
سالي :مفيش حد لفت نظرك في
الشغل؟
امينه:لا كلهم زمايلي
وبس
سالي :طب
واحمد؟؟؟؟؟؟؟؟؟؟؟
امينه:ماله
احمد؟
سالي :انت قلتي ان بعد
التخرج هتردي عليه في مسألة الخطوبه
امينه:بصي احمد انسان محترم وبيحبني بس مش حاسه ناحيته بأي
حاجه؟
سالي :انت لسه بتفكري في
طارق؟
امينه:طارق؟
سالي
:اه يا امينه طارق لسه بتفكري فيه؟
امينه:بصي انا مش بفكر فيه بس بحلم بيه كتير
جدا
سالي:وبعدين يا امينه طارق
سافر بقاله كتير واكيد نسينا وابتدى حياته العمليه في كندا ولو كان لسه بيفكر فيكي
كان كلمك ولا حتى بعت ايميل.
امينه: معاكي حق انا لازم ابعده عن تفكيري
وهما واقفين جه احمد يسلم عليهم فسالي استأذنت عشان
تسيبهم لوحدهم:
احمد:ازيك يا
امينه؟
امينه: الحمدلله ,وانت
اخبارك ايه؟
احمد:تمام الحمد
لله وشغلي ماشي كويس جدا والعملاء بيزيدوا كل يوم
امينه:ربنا يوفقك يا احمد
احمد:وانت اخبار شغلك ايه؟
امينه: فرحانه فيه اوي وكل يوم بتعلم حاجات جديده
احمد:كان في موضوع وعدتيني
تردي عليه فيه لما نتخرج...فاكراه؟
امينه:اه فاكراه
احمد:ها هتردي عليه امتى؟
امينه:بص يا احمد انا لسه بكون رأي عن كل حاجه في الدنيا وموضوع
الارتباط ده انا مش بفكر فيه دلوقت ولو فكرت عمري ما هلاقي انسان احسن منك ارتبط
بيه
احمد:يعني استناكي يا
امينه؟
امينه:سيب الايام هي
اللي تجاوب ............
وعدت
شهور وامينه بتنجح في شغلها وابتدت تفكر في الحجاب بجد وكل يوم تقعد تلف الطرحه
وتشوف شكلها لحد ما يوم نزلت تفطر قبل ما تروح الشغل وهي لابسه الحجاب واول ما
مامتها شافتها:
مامت
امينه:مبروك يا حبيبتي ايه القمر ده
ابو اميره:ما شاء الله ربنا يحميكي يا حبيبتي
امينه:انا حاسه اني فرحانه اوي وربنا كمان راضي
عني
ابو امينه:كنت عارف انك كل
ما تكبري قراراتك هتكون صح
امينه راحت شغلها بالحجاب واول ما نسرين شافتها جريت عليها وحضنتها
وباركتلها وكمان وليد باركلها :
وليد:ما شاء الله مبروك يا امينه
امينه:الله يبارك فيك بس الفضل بعد ربنا
لنسرين
نسرين:متقوليش كده انتي
اصلا كنتي هتتحجبي من غيري
وليد:نسرين دايما بتعمل كل حاجه جميله
نسرين:شكرا يا وليد
امينه:احم احم نحن هنا
وقعدوا يضحكوا وابتدت امينه تترقى في شغلها شويه شويه
وفضلت على صداقتها بنسرين ووليد وفي يوم:
نسرين جت متأخره فامينه قلقت عليها اوي:
امينه:خير يا نسرين اتأخرتي
ليه؟
نسرين:لا ابدا كنت تعبانه
شويه بس اديني جيت اهوه
امينه:طب خدي اجازه انهارده
نسرين:مينفعش ورايا شغل كتير
جه وليد وسأل نسرين:
وليد:مالك شكلك تعبان؟
نسرين:مفيش حاجه شوية برد وهيروحوا
فخرج وليد من المكتب ورجع وقال:
وليد:انا خدتلك اجازه يلا هوصلك
البيت
نسرين:مفيش داعي انا
كويسه
وليد:يلا يا نسرين متبقيش
عنيده
امينه:قومي روحي شكلك
تعبان خالص
وفعلا قامت نسرين
وروحت مع وليد في عربيته وقبل ماتنزل من العربيه قالها:
وليد:الف سلامه عليكي
نسرين :الله يسلمك وشكرا على اهتمامك
وليد:ممكن آجي بالليل
ازورك؟
نسرين:اتفضل اي وقت بابا
بيكون في البيت من الساعه 8
وليد:خلاص ان شاء اللههكون 9 عندكم خلي بالك من نفسك مع
السلامه
نسرين:مع
السلامه
الساعه 9 بالضبط الباب
خبط وابو نسرين فتح ورحب بوليد ودخله الصالون زكان وليد جايب بوكيه ورد احمر
كبير
واتعرف وليد على بابا مامت
نسرين وطلب تحديد معاد عشان يجي مع اهله يتقدموا لنسرين
ونسرين كانت واقفه وسامعه وفرحت خالص وراحت اتصلت
بامينه وحكتلها اللي حصل وامينه باركتلها واطمنت
عليها.
بعد مرور سنه
اترقت امينه في الشركخ ونسرين اتجوزت وليد وقعدت في البيت عشان كانت حامل وسالي
اتخطبت لزميلها في الشغل وابتدت تنشغل عن امينه فكانت امينه وحيده اوي ومش بتعمل اي
حاجه غير الشغل
في يوم بابا
امينه قالها :
ابو امينه:حضري
نفسك
امينه:خير يا
بابا
ابو امينه:هنسافر شهر
امينه:فين يا
ترى؟
ابو
امينه:كنـــــــــــــــــــــــــــــدا
امينه فرحت اوي وابتدت تحضر حاجات السفر وحددت معاد اجازتها السنويه
وسافرت مع باباها ومامتها كندا..........
يا ترى ايه اللي هيحصل في كندا ؟وامينه هتقابل طارق ولا لأ؟ وهنعرف
ليه طارق سافر فجأة؟
ليست هناك تعليقات:
إرسال تعليق