يوميات مدام عنايات

الحلقة الثانية و العشرون

و الأخيرة

بعد شهر تقريبا قالت ام عبده لعنايات يوم الخميس بالليل:
ام عبده:انا عايزه اتكلم معاكي شويه
عنايات :اتفضلي يا طنط خير
ام عبده:هتفضلي تعاقبي عبده لحد امتى؟؟
عنايات :مش عارف انا بجد مش قادره اسامحه خالص
ام عبده:انا هسألك سؤال واحد بس ...انتي بتحبي عبده؟
عنايات:آآآآآآآآآآآآه انا عمري ما حبيت ولا هحب غيره ,ده انا متهيألي بحبه من يوم ما اتولدت
ام عبده: خلاص يا بنتي هوه طلقها وخلاص عرف غلطته وهوه دلوقتي بيتعذب في بعده عنك
عنايات :يعني انت شايفه كده
ام عبده:اللي شايفاه صح اعمليه (وقعدت تضحك )
عنايات قررت انها تعمل باقي الخطه انهارده اول حاجه حضرت العشا لحماتها والاولاد وقالت لحماتها:
عنايات:ايه رأيك اوصلك انتي والولاد بيتك انهارده
ام عبده وهيه بتضحك:اه ده البيت وحشني اوي
عنايات وشها احمر ولبسوا كلهم ونزلت وصلتهم وبعدين رجعت البيت وابتدت تنفذ الخطه .............وحست ان ده اهم خطه هتعملها في حياتها ولازم تنجح نجاح باهر...... وبعد ساعتين رن موبايل عبده:
عبده:الو
عنايات:ايوه يا عبده
عبده:ايوه يا عنايات خير صوتك ماله؟
عنايات:تعالى البيت حالا
عبده:ماما والولاد كويسين؟ في حاجه حصلت؟
عنايات:مش هينفع في التليفون تعالى دلوقتي
عبده قفل وراح ركب العربيه وساق بسرعه جامده جدا وهوه مخضوض عليهم وقعد يفكر ده عنايات متصلتش بيه ولا مره من ساعة اللي حصل يبى اكيد حد جراله حاجه .....يمكن ماما تعبت ....او حد من الولاد سخن....استر يا رب
وصل عبده تحت العماره وطلع على فوق جري خبط محدش فتح راح فتح بالمفتاح ودخل لقي الدنيا الدنيا ضلمه وفي صوت موسيقى هاديه جاي من جوه الحمام بيبص لقى حاجه جامده جدا جدا..........................................









لقى عنايات قاعده في البانيو ومشغله موسيقى هاديه وكل الحمام شموع ريحتها جميله ومرجعه راسها لورا ومريحه على مخده صغيره ورافعه شعرها لفوق فقالها:
عبده :عنايت....
عنايات:حمدلله على السلامه من فرنسا
عبده:الله يسلمك يعني سامحتيني
عنايات :ده يعتمد على؟؟؟؟؟؟؟؟؟
عبده:على ايه حرام عليكي ده انتي اديتيني درس مري ما هنساه ابدا
عنايات :مممممممممممممممم
عبده:قولي بقى يعتمد على ايه؟
عنايات:افضل اشتغل و...
عبده:وايه كمان؟
عنايات: وتوعدني انك عمرك ما هتبص لواحده غيري و......
عبده:وايه قولي بقى؟
عنايات :وتاخدني انا والولاد ومامتك شرم او الغردقة نتفسح و......

عبده:كل ده انا موافق عليه وايه كمان
عنايات راحت شدته ناحيتها ونزلته البانيو معاها بهدومه وهوه طبعا ما صدق وراح نازل و...................
بعد ساعه كانوا نايمين في حضن بعض على السرير وقالها:
عبده:انا آسف ..آسف على كل الالم اللي سببتهولك......و...
عنايات حطت ايديها على شفايفه وقالت:خلاص احنا هنبدأ صفحه جديده
عبده:بجد يعني خلاص مش هتقسي عليه تاني؟؟؟؟؟
عنايات:ايه ده مش للدرجه دي ده انا حتى كنت حنينه عليك
عبده:يا سلااااااااااااااام كل اللي عملتيه ده وحنينه؟؟؟؟؟
عنايات:واحده غيري كانت قتلتك او طلبت الطلاق او اي حاجه,بس قولي ايه رأيك فيه كنت جامده صح
عبده:انتي طول عمرك جامده مووووووووووووت(ومد ايده وطفى نور الاباجورة )
تاني يوم الصبح راحوا عند مامته واول ما الولاد شافوهم جريوا عليهم وحضنوا بعض ومحمد قال:
محمد:يااااااااه اخيرا اتصالحتوا؟
عنايات:ايه يا ولد احنا مكناش متخاصمين
محمد:ايه يا ماما انا عارف كل حاجه انتي فاكراني صغير ولا ايه؟
عبده:طيب خلاص يا محمد يا حبيبي خليك محضر خير (وغمز محمد بعينه ومحمد غمزله برده)
ام عبده:انا المره دي هرجعلك عنايات لكن لو زعلتها تاني مش هتشوفها ابدا
عبده:خلاص يا ماما انتي جايه تهدي النفوس ولا ايه؟؟ وقعدوا كلهم يضحكوا وعبده قال:
عبده :كلكوا حضروا نفسكوا هنسافر بكره شرم الشيخ كلنا
مي:اخيرا هنسافر نغير جو ده انا زهقت من القاهره اوي
عبده:زهقتي من القاهره؟ انا نفسي اعرف بتجيبي الكلام ده منين؟
عنايات:مش بنتنا لازم تطلع فصيحه
عبده:طيب يا فصيحه عشان عازمك على الغدا بره
محمد:يعني ايه عازمها هيه واحنا مش كفايه نفسيتنا اللي باضت وانتوا متخاصمين
عبده: يا ساتر عليك طيب كله يلبس هنتغدى بره
ام عبده : بلاش انا مش قادره
عنايات :مش هخرج من غيرك
ام عبده:ان مكنتيش بس تحلفي (وكلهم قعدوا يضحكوا)