الأحد، 22 أبريل 2012

سر زوجة

الحلقة الحادية عشر

و الأخيرة


وكان فاضل اسبوعين بس على المعاد اللي قال عليه ابراهيم عشان فاطمه تسافر ومع انها عرفت ان ربنا استجاب لدعاها بس حست انه حزينه اوي وفضلت في الشغل تحاول تكون مشغوله علطول عشان متشفش احمد ولا تتكلم معاه بس كانت مجرد ما يقرب بتحس بيه...بتشم ريحته... بس كانت خلاص خدت القرار بانها لازم تبعد بعيد وتنساه خالص وتكمل حياتها اللي ربنا كتبهالها مع ابراهيم ......................

وقبل السفر باسبوع راحت فاطمه الشغل وقدمت استقالتها و ابتدت تقول لزمايلها انها هتسافر لجوزها وكلهم قالولها انها هتوحشهم وخصوصا ميرفت.............

ووقت الاستراحه كانت مع ميرفت وجه احمد:
احمد:صحيح يا فاطمه هتسافري الاسبوع اللي جي؟
ميرفت:اه صحيح ده يا عيني كانت زعلانه وهي بعيد عن جوزها و......(جه تليفون لميرفت فقامت ترد)
احمد:صحيح؟
فاطمه:اه انا حجزت على يوم الجمعه اللي جي ان شاء الله
احمد:طيارتك الساعه كام؟
فاطمه:هتقوم الرحله الساعه12 الظهر
احمد:يااااااااااااااااااااااه بسرعه كده
فاطمه:اه خلاص ابراهيم خلص الورق وانا جهزت كل حاجه
احمد:ليه ظهرتي في حياتي؟؟ وليه هتخرجي منها بسرعه؟؟ يا ريتني ما كنت قابلتك يا ريتني.........
وقام احمد وسابها وهي حاسه انها عايشه في كابوس ونفسها تصحى منه ...وقعدت تفكر يا ريتني ما كنت قابلتك انا كنت عايشه في سلام وراضيه بحياتي الهاديه بس انت خلتني اعيش مشاعر عمري ما جربتها طول حياتي .. عرفتني يعني ايه حب يعني ايه غيره يعني ايه لو اللي بتحبه غاب عنك حياتك بتقف يعني ايه تحلم بيه كل يوم يعني ايه تحس بيه يعني ايه قلبك يبكي عليه يا ريتني ما كنت شفتك يا ريتني............
ويوم الخميس آخر يوم ليها في الشركه احمد مجاش قال انه عيان وهي فضلت تضحك وهيه بتسلم على زمايلها وتودعهم وقالت لميرفت:
فاطمه:ابقي سلمي على احمد
ميرفت:حاضر, تروحي وترجعي بالسلامه وهتوحشيني او يا فاطمه
فاطمه:وانت كمان اشوف وشك بخير

ورجعت فاطمه البيت وكان وراها حاجات كتير تعملها وقفلت الشنط وفضلت تشغل نفسها عشان متفكرش في اي حاجه وكان نفسها تتصل بيه تسلم عليه بس مسكت نفسها وقالت كفايه اللي هوه فيه مش عايزه اصعب الموضوع على نفسي ولا عليه.............
ونامت فاطمه عشان هتصحى بدري تروح المطار وهيه نايمه حلمت بيه تاني واقف بعيد ومديها ظهره وحست انه زعلان وقامت من النوم لقيت دموعها ماليه المخده وابتدت تستعد للسفر وباباها نزل الشنط في العربيه وهي سلمت على مامتها وقعدت تعيط ومامتها عيطت وقعدت تبوس في الولدين وقالتلها:
ام فاطمه:خلي بالك من نفسك ومن جوزك ومن ولادك هتوحشيني يا حبيبتي ده اول مره تفارقيني
فاطمه:معلش يا ماما فتره وهتعدي بسرعه ان شاء الله
ونزلت فاطمه وركبت العربيه وفضل باباها طول الطريق يلاعب الولدين ويضحكهم ويكلم فاطمه عادي واول ما وصلوا المطار حطلها الشنط ووصلها للباب وابتدي يعيط جامد ويحضنها وهي تطبطب عليه وماسكه نفسها وسلمت عليها وقالها اسيبك انا بقى عشان ممنوع اركن هنا ومشي باباها ولفت هي عشان تدخل المطار فبتصب لقيت أحمد واقف مستنيها وكان لابس جينز ازرق وتيشيرت اسود وكان حاطط نفس البيرفيوم وجه ناحيتها وزق معاها الشنط لحد جوه من غير ما يتكلم وبعدين وقفوا يبصوا لبعض.....................
احمد:انا جيت اسلم عليكي وعلى الولاد وشال حمزه وقعد يبوسه وبعد كده شال انس وبعدين حط الولدين في العربيه بتاعتهم وسكت.......
فاطمه:جيت ليه؟
احمد:عشان اسلم عليكي وقولك كلمتين
فاطمه:قول
احمد :انا عايزك تاخدي بالك من نفسك ومن الولاد وعايزك تسامحيني على كل الالم اللي سببتهولك وعايزك كمان تنسيني وتكملي حياتك
فاطمه ابتدت تعيط ومعرفتش تتكلم
فراح غصب عنه خدها في حضنه عشان يخبيها من الناس اللي بيتفرجوا عليهم وقعد يطبطب عليها ويقولها ارجوكي نفسي اشوف ضحكتك اللي بحبها يا فطومه
فاطمه بعدت عن حضنه وقالت:انت كمان سامحني واوعدني انك تتجوز وتبتدي حياتك من جديد وانساني ومتفكرش فيه تاني
احمد:انا عمري ما هنساكي طول عمري وهفضل دايما فاكر اجمل وارق واكتر انسانه مؤدبه ورومانسيه قابلتها في حياتي
ونادوا في المطار على رقم الرحله وساعده احمد لغاية المكان المسموح بيه ودخلت فاطمه وفضل احمد يبص عليها لغاية ما اختفت...............


خلص الفيلم اللي كانت بتشوفه فاطمه ولقيت نفسها بتعيط من غير ما تحس وقامت غسلت وشها ووقفت في البلكونه اللي بتبص على البحر اللي بتكلمه بلليل لما تكون سهرانه من يوم ما رجعت من السفر وقعدت تبص للسما وتفكر بعد اربع سنين يا ترى لسه فاكرني يا احمد؟؟؟؟؟؟؟؟؟؟؟؟؟؟؟؟؟؟؟؟؟؟؟


 



ليست هناك تعليقات:

إرسال تعليق